الملتزم السادي ♡بالدارجة♡

الجزء 66

♥267♥
صفاء:قلت غي زعما كون درتي ليا بحال الغالية كان ايبقا فيا الحال.قاطعهم عهد:واش ضروري فكل حوار كتبداو زوينين تالخر وكتبغيو دابزو وﻻ غي انا لي كيجيب ليا الله المهم هانا طالع نعس تالصحور وفيقوني.حيت كيبقاو فايقين مجمعين وﻻ كيتفرجو كيتصحرو وكينعسو نيشان.عهد طلع لبيتو بدل حوايجو ومشا جبد بيسيه يخدم وشاد التيلي فيدو سيفط ليها مسج وبالو مشغول مع ديك الشدة لي شدت فيديه قبيلة.بينما مﻻك كانت فهاد اللحضة شادة لمخاد طاوياهم معليينها جالسة فوقهم حدا الشردجم كطل غي من الفدريج على الناس خاجين شي غادي شي جاي والدراري الصغار ماليين المكان مع العطلة معاياش مافاقو كتشوف فلبنات لي قدها وصغر منها شي وحدين مجمعين وشي وحدين مشادين وباينة غادين يضورو للحضة جات عينيها فوحدة غادة شادة فمراة باينة مها حيت كيتشابهو شادة فيها وغادين كيضحكو والبنت كتعاود وكضحك وتامها كضحك معاها عضات على شفايفها بقهرة ودموع تحجرو فعينيها وكتسرط ريقها بحاﻻ كتسرط الحجر:مالي تانا فاش نبغي نهضر معاها متنهزرنيش بحاﻻ ماشي بنتها.قاطع تفكيرها صوت الفيبغور ناضت كتجري عرفاتو هو وشكون من غيرو شعﻻت التيلي وطلع ليها مساج ديالو:حبيبتي.مشات رجعات لبﻻصتها وكتبات ليه:شنو.عهد وصلو وشاف فالتيلي باستغراب مولفة كتقوليه حشم وﻻ مكتجاوبوش غاع:وصلتو.قالت ليه اه وبقا ساكت معرف ميقوليها حتا شافها سيفطت مساج:عهد ممكن نسولك.سيفط ليها:اه خودي راحتك.مﻻك كتبات:انا وماما كنتشابهو ياك.عهد استغرب لهاد السؤال:جسمانيا كتشابهو شوية ولكن فالقلوب كنضن ﻻ.مﻻك مفهماتش مغزاه مزيان:كيفاش زعما.عهد معندوش مع الهضرة فالمساجات خصوصا بان ليه موضوع طويل بغا يبقا يسمع صوتها ودوز ليها ابيل شافتو كيصوني وجاوبات:الو.
عهد:الو.
مﻻك:مفهمتش شنو بغيتي تقول.
عهد:ماشي مهم.مﻻك.... يتبع

♥268♥
مﻻك بقات ساكتة كتفكر حتا سمعت الخط تقطع شافت لتيلي لقاتو قطع بقات كتشوف باستغراب حتا بان ليها كيصوني ابيل فيديو جاوباتو وكتبان ليه غي الضلمة:شعلي الضو مكتبانيش ليا.مﻻك حﻻت الشرجم شوية دخل ضو من البوﻻت ديال الزنقة:راهم ناعسين منقدش نشعل الضو.عهد:فينك نتي دابا.
مﻻك:فبيتي فين غنكون ونتا فين.عهد وراها لبيسي:خدام.
مﻻك:امم الله يعاونك يمكن نخليك.عهد سد البيسي داغي:ﻻ اصﻻ لقيتني ساليت.مﻻك غي كتشوفيه ساهية ونطق بابتسامة:مالكي احبيبة.
مﻻك:حشم شوية اويلي.
عهد:ايوة شنقولو عليك نتي لي جالسة تبحلقي فيا بدوك العينين تاتحشمي نتي عاد نحشم انا.مﻻك وﻻت حمرا ونطقات بخجل:ﻻ را اصﻻ مكنتش كنشوفيك.هز حاجب:وفين كنتي كتشوفي.مﻻك ساطت:تاحاجة احم وريني بيتك.عهد ضحك:ههه بغيتي تشوفي فين اتبقاي تنعسي وﻻ.مﻻك هزات حاجبها:وابغيت نشوفو واش مرون وﻻ نو.عهد ضور الكاميرا لي لور وبدا كيضور فالبيت وحاضيها مخرجة عويناتها كتبرغغ باينة عجبها داكشي حاضيها وكيضحك على تعابير وجها ناسية راسها راه كيشوفها هو وصل لبالكون ودار بحال غيلوح التيلي وهي تقفز شادة على قلبها مع كانت ساهية فجمالية الديكور جاب ليها لله بحاﻻ هي لي طايحة وبقا كيضحك عليها وقلب الكاميرا عندو ونطقات:حشومة عليك خلعتيني.
عهد:ههه وناري شحال فيك ديال التبرغيغ.مﻻك:وابقا حاضيني.
عهد:هه كيجاك البيت شتي منضم ياك.مﻻك كتقلب فعينيها:واصﻻ باينة ماشي نتا لي كتجمعو.عهد خرج عينيه:والله مكيقرب ليه شي واحد لي كنرونها كنجمعها.
مﻻك:ام تيقتك.
عهد:تاتجي ونبقا نخلي ليك الروينة على هاد العياقة ودابا من اللخر كيجاك البيت.
مﻻك:زوين.
عهد:تبغي تعيشي معايا فيه.مﻻك تكات على يديها وحنيكاتها تبجغو وﻻت كتبان كيوت:اه عﻻش مالو.
عهد:غي باش ندير بحالو فدارنا.
مﻻك:مغنسكنوش مع داركم؟.عهد.... يتبع