الملتزم السادي ♡بالدارجة مكتملة♡

الجزء 88

🖤368
دوك لبعالك وهوما لي شدو ليها لغوب
مع منفوخة بزاف وجاية منحوتة على
صدرها وخصرها وطويلة من لور عهد
لي اختارها ليها نيت ,شدة فخالد لي
فاش شافتو هاكاك زادت تازمات
وعينيها غرغرو خشات يديها فدراعو
وحانية عينيها زادو غي شوية حتا بان
ليها واحد وقف قدامها هزات عينيها
وياريتها مهزتهم عينيها غي مازادو عمرو
كان باها قرب باس راسها ومد يدو شدت
فيه غي زادو صافي مقداتش تصبر وبدات
تبكي حبس وعنقها وعاد مزادت فالبكا
وكتزير عليه مينكرش تاهو شداتو لبكية اما
الدراري تاهوما كيمسحو عينيهم كلهم وﻻو
حمرين اما واحد خالد بدا كيتنخصص ومغطي
وجهو بيديه بجوج

♡فؤاد كيطبطب عليها لحضة لطالما
تمناتها حصﻻت عليها فاخر لحضة
وتاغتمشي عاد عطاها ليها

.فؤاد:الله يرضي عليك صافي سكتي

☆تنفسات وبعدات منو كتحاول تحبس
لبكية شافت فيه مطوﻻ ونطقات بصوت
مقطع مغنغن

.ملاك:راضي عليا

حط يدو على راسها بحنان ونطق بابتسامة

.فؤاد:دنيا واخرة
■زادو دموعها وشدت فدراعو تاوصلو
لعهد بقات فيه بل بقاو فيه كلهم
خصوصا خالد بان ليه هو لمدعوق فيهم
كلهم ضور عينيه كيقلب على لغالية لقاها
تاهي كتبكي اصﻻ كلشي تاثر قرب
ومد ليه يدها وشافيه

.فؤاد:امانة فرقبتك
سكت شوية عاد نطق:الى يوم الدين
عهد شدها منو وفؤاد شاف ف لمﻻك

.فؤاد:يقلقك متنسايش عندك دار باك
تحاماي فيها

🖤369
.فؤاد:يقلقك متنسايش عندك دار باك
تحاماي فيها
مﻻك عاد مزادت فلبكا

.فؤاد:وتاﻻمشيت منها عندك ربعة الرجال
ورا ضهرك عمرك تنسايها تنساي سميتك
وهادي عمرك تنسايها ابنتي

♡بدات كترعد وغطات وجها بيديها كتشهق
بالبكا خصوصا عاد شافت خوتها كيبكييو
عهد عنقها بجنب وتحنا عندها

.عهد:صافي شش سكتي من لبكا

♤شافت فباها تبسم ليها ﻻحضات عيونو
لي وﻻو حمرين ومشا بحالو خرج برا
وتبعوه الدراري يبكيو على خاطرهم بزز
باش سكتت باش يتصورو وعهد غي مزير
ليها على يديها كيواسيها حتا بانو ليه الدراري
دخلو كيضحكو وجايين جيهتهم طارق مشا
لعند التريتور وقاليه شي حاجة فودنو وتبع
خوتو حتا بداو كيسمعو موسيقى هادية
للرقص تقدم خالد ومد ليها يدو مبتاسم
وعينيه باقين حمرين من لبكا وشاف لعهد

.خالد :ممكن نسرقوها ليك واحد اللحظة

♤عهد حرك ليه راسو بالايجاب ومﻻك ناضت
فرحانة شدت ليه فيديه وتقدمو لوسط وبداو
كيرقصو تاواحد فيهم مكيعرف يرقص بحال
هاكا المهم هوما هاد اللحضات الجميلة لي
كيعيشو بداو كيضوروها بيناتهم كل مرة شادها
معنقها واحد كيضور فيها وكيضحكو معاها شحال
من مرة كانو ايشقلبوها عاد كيشدوها كيضحكو
مع ﻻبسة الطالون عهد ناض وقرب عندهم كان
معاها طارق والدراري مضورينهم