الملتزم السادي ♡بالدارجة مكتملة♡

الجزء 132

547❤
نطقات لبنت بعدها تقابلات معاها وربعات يديها:راك نتي لي داخلة لهنا فبلاصة ماشي تاعك.
ملاك هزات حاجبها:وعلاه مالها ديالك بالسلامة.
البنت وراتها السوارت:شنو بان ليك.
جات تدوي ملاك تغرق ليها الطواسل
وهو يتحل لباب ودخل مخلوع حيت لقا لباب محلول فاش ضور السوارت:ملاك النور ملاا.
سكت فاش شافها هكاك وهاديك واقفة عليها ومخنزرين بجوجهم خصوصا ملاك وجها حمر بالاعصاب شاف فلخرا بدون استيعاب:ملاك النور حبيبة شكون هادي.
ملاك بعصبية:نسولك نتا.
عهد:كفاش تسوليني انا.
نقزات لخرى وعينيها كيبريو من شدة اعجابها من ديما كانت تحلم تشوفو قدامها ودوات بميوعة:مستر عهد.
عهد شافيها مخصر وجهو معارفها تاشكوناهي:تاشكون هاد لخرية هادي حبيبة لاش حالة لهاد خيتي واش لي جا تحلي ليه.
ملاك:هادي اسيد السلطان عندها السوارت وحلت بحدها ودخلات وهي ياسيدي لي قالت شكندير فبلاصة ماشي ديالي.
خنزرت كتر:ممكن نعرف شكيديرو سوارت الشقة عندها.
عهد:معرفتش.
شاف فلخرى وقطب حجبانو حيت عرف ملاك غارت ومشا بالها بعيد:شكون نتي.
البنت قربات عندو
مادة يديها:اووه معرفتينيش انا لبنت لي كنت دائما كنجي لهنا.
عهد جمدو ملامحو(شغالسة كتخور هادي):كفاش كنتي ديما تجي وضحي.
البنت زادت مدت يديها باغة تسلم عليه زعما ساعة ممسوقش ليها:انا الخادمة اسمي مايلا انا لي اهتميت بشقتك سنين هادي فغيابك فرحت بزاف فاش جيت دابا وخبرني الحارس انك جيتي من ديما كنت نشوف صورتك ونتمنا نشوفك ولو غي شوفة انا فرحانة بزاف.
عهد حل الباب وتبسم ابتسامة صفرة:مبقيناش محتاجينك كيف شفتي هانا رجعت.
مايلا جمعت يديها مرضاتش وبدات ترمش فيه:كفاش.
عهد:خرجي.
مايلا:احم(حطات ساكها)ولكن الشقة خاص نقوم بواجبي كيف شحال هادا.
عهد قاطعها وهز ليها ساكها حطو برا:لا انا غنجمعها بحدي غا خرجي دابا.
مايلا شافت فملاك وقربات شدات ليها فيديها:عفاك انا خمس سنين وكثر من نهار كلفني جايمس نبقا نجمع الشقة ومن نهار شفت صورتو لي فالسقف وانا كنحلم بيه كنت نتسنا غي النهار لي نشوفو فيه.
ملاك حيدات يديها بلباقة ومحاملاهاش شنو كتقول:وشنو باغاني ندير.
مايلا بقات تتحقق فيها وفعينيها جاتها بحال البنت لي فالغرفة:سيري بحالك خليني معاه.
من نيتك علاه مفخباركش شكون انا:. ملاك
مايلا حلات عينيها:اووووه نتي لي معاه صغيورة فالصور اكيد غتكوني ختو ياك اووف سمحيليا بزاف هانتي عفاك انا خوك.
ملاك قاطعاتها ببرود:انا مرتو وعفاك خرجي قبل مندير فيك يدي.
مايلا عوجات فمها:كفاش مرتو(شافت فعهد لي ساخط وحاط يدو على حنكو تيشوف هادو شغالسين كيخيطو ويفصلو:واش نتا مزوج.
عهد هنا صافي سالات معاه مكرهش يمشي يقجها:اه ودابا عرفتي شنو باغة بامكانك تخرجي.
مايلا هزات كتافها
مادرتي والو غي ضلمتك 😔

548❤
وتمشات عندو كتعوج:بامكاني نكون عشيقتك ماشي ضروري تزوج بيا(بغات تقيسو وبعد مشماز منها)اكيد مرتك مغاديش ترفض حيت اي واحد عندو عشيقة وبخبار الزوجة انا كنهديك نفسي.
عهد مبرقق فيها عينيه شكتخربق هادي تانطقات ملاك وصلات بيها للحد من قبيلة وهي صابرة لتعواجها حيت عارفة عهد مغيشوفش فدوك المفاتن ديالها لا بل لاحضات انه من قبيلة وهو كيشوف ليها هي والديباردو لي لابسة طالقة عليه زينها وصلات بيها لطوب فاش سمعاتها كتقول هكاك وغوتات:خرجي.
مايلا شافت فيها:را بامكاننا نوليو حتا صحابات ونتشاركو نفس الراجل وعلاش لا السرير حتا هو.
ملاك بان ليها فاز حداها:اهاه واخا ولكن من بعد تاحد مغيتشارك معاك القبر.
وبلاما تفكر شيرات عليها بالفاز وهي تهرب داغي مايلا مجاش فيها زادو القرودة كيشطحو لملاك فوق راسها وبدات تعاير بالدارجة وهزات فاز اخر وعهد مخرج عينيه ممحركش:هاايهااي قاتلك نتجمعو فناموسية وحدة(شيرت عليها جات غتهرب وجاها فضهرها وهي تعواج كتغوت وملاك شدتها من شعرها واخة طول منها هبطاتها عندها ولوخرا معندهاش مع مهاوشات المغاربة مولفة غابالقميش
ساعة ملاك حكمتها مهبطاها وكضرب ليها ضهرها:ادوي هاا غاعدا باغة دي ليا الراجل والله ليوم تاانسيفطك لعزرايل يسلم عليك.
عهد عاد فاق فاش شافهم تشادو خاف لاتجي فيها شي دقة وهي عاد خارجة من السبيطار ومشا جرها:ملاك النور صافي براكة اوووف وطلقي الخرا.
ملاك جرتها من شعرها ولوخرا غوتات ربي لي خلقها ملاك حبسات للحظة تامن عهد طلقها مخرج عينيه ملاك هزات يديها كتشوفيهم الشعر وكتقلب على راس لبنت فين طار
هزات عينيها تتاكد من دكشي لي كتشوف كتبان ليها السيدة شعرها غا شي زغيبات ومكردد ملاك بشوية لعهد:ويلي ويلي على علال القادوس.
عهد صافي هاديك هي النقطة لي فيضات بيه الكاس بديك الطريقة باش دوات وقالتها ولوخرى شعرها هاكك طاح فوق الفوطوي كتشتت بالضحك:ههههههه خرااااا جبتيها هههههههه لاسقة.
مايلا مرضاتش خطفت منها البيريك وحطاتو فشعرها ومشات هربات كتبكي و مهزاتش ساكها ومشات ملاك بقات غي كترمش ومشات كطل عليها فين طارت:ويلي نسات صاكها.
عهد شافيها وهو يجمع الضحكة وغوت بعصبية:دخلللليييي.
ملاك قفزت ودخلات سدت لباب ضارت لقاتو جاي ساخط:مال مك خارجة هكاك شكون شافك.
ملاك كترمش:رمكين تاواحد.
دفعها حل لباب كيشوف نيت مكان تاواحد وردخ لباب وضار كيشوفيها وعض لسانو من لداخل:دابا كون شافك شي حد هاكا.
ملاك:واراه شافني.
عهد خرج عينيه:متقوليش كان شي واحد.
ملاك:علال القادوس ههههههه ههههه واا انا سحابلي السيدة شعرها قوي ومتنتفش ليا غاع ههههه ساع فاش تنتف هههه طار كامل.
عهد طار شدها معنقها من خصرها حمقاتو بديك الضحيكة:ههه ياك لمك عاجبك الحال.
ضرباتو لصدرو:نتا لي كان عاجبك الحال جالسك تقوليك بلا حشمة بلا حيا انولي عشيقتك.
هز يدو:راغنخمج ليك وجهك قالاك عاجبني الحال.
قلبات عينيها كترمش بعياقة وكتبرغم:احياني عليكم نتوما الرجال.
عهد:فين كتعرفي هاد الرجال نتي.
ضورات يدها على عنقو:نتا فيك عشرة.
وبدات ترمش ودبل فعويناتها عليه وهو هايم فيها نطق بشوية:بصح.
دفعاتو:لا.