الملتزم السادي ♡بالدارجة♡

الجزء 121

501❤
مفهم تاخرية فدكشي ونطق جايمس بانفعال حيت زاد تاكد بلي هو نفسو:نتا لي خليتينا كون كنتي غاعما تحرق دارنا وتموت ماما ونتشردو انا واختي ونوصل لهاد لمواصل.
فؤاد بصدمة:شكتقول نتا منين كتجيب هاد الهضرة.
جايمس:مغنجيش وغنهضر غي هكاك حيت انا هو نفسو جايمس.غزز سنانو:ولد ايزابيﻻ خو اينجل.
فؤاد مخرج عينيه لي مغرغرين:ﻻ ميمكنش ﻻ.
جايمس:عﻻش مباغيش تيق سولني شي حاجة وانا نجاوبك.
فؤاد:اينجل وايزابيﻻ فيناهوما.
جايمس حنا راسو:ماما ماتت فالحريق واينجل نتاحرات.فؤاد بسخرية وقلبو معصور عليه مباغيش يتيق:وكيغنتيقك ونتا كتقولي ماتو ونتا بحدك لي عايش.جا ينطق وقاطعو:معرفتش منين جبتي هاد الهضرة ولكن نتا ماشي نفسو جايمس.نطق عهد باستغراب:ممكن تفهموني اش هادشي.فؤاد شاف فجايمس بعتاب جبد عليه النحل:والو.
عهد:رامسميتيش رضيع لي اتدوخني.
فؤاد:واخا نيت ملي تفرش كلشي نكملو.
عهد:اه الى جات على خاطرك.شاف فجايمس:كيفاش ربيتيه اش هادشي.
فؤاد:لي ربيت مات.
جايمس غوت:هو انا متنكرش.
فؤاد:فينهو الدليل باش انتيقك.
عهد:وادابا فهموني اش كاين.
فؤاد:اول عملية ليا فاش شدينا ديك العصابة لي كتبيع القاصرات لي كان فيها خوسي كانت بنت تما عندها 15 وكانت حاملة ديك الساع ضحية اغتصاب.
عهد قاطعو:راه تاجايمس مو كانت مخطوفة وهو نتيجة اغتصاب.
فؤاد غمض عينيه كيصبر راسو يفضل يقتلوه وميقولوش ليه بلي هو هداك نفسو جايمس:ماشي هو لوحيد فهاد الدنيا لي نتيجة اغتصاب.
جايمس:خليه يكمل نشوفو فين قدو يزيد ينكر.
فؤاد:مكنكرش انا كنقولك شنو كاين.
جايمس:مكيهمش مهم كمل.
فؤاد:مكان عندها فين تمشي وديتها معايا حتا تولد وتلقا خدمة باش تهز راسها فاش ولدات مقدرتش نخليها تمشي وبقيت كندير ليها فالاسباب باش تبقا معايا حيت بكل بساطة كنت كنكن ليها مشاعر دازت شي عاماين

502❤
شي عامين وطرات بينا عﻻقة غير شرعية وصلحتو بالزواج حيت تاهي كانت كتبغيني(عينيه غرغرو)ولدنا اينجل شفتها كتكبر قدامي لمدة ثلث سنين حتا جاني خبر انهم غيسيفطوني للمغرب لانهم محتاجيني تما كثر وبهادا نلبي الواجب الوطني بما ان الاب ديالي مغربي مشيت كنت كنقاد وراقيا ومسائلي باش نجيبهم عندي تلهيت بالخدمة بزاف تاوصﻻتني خبار ان داري شعلو فيها العافية ومنجا تاحد.
جايمس قاطعو:راخرجاتنا ماما انا واينجل من الشرجم عﻻش ماقالوش ليك راه نجينا.
فؤاد:عندك خيال واسع.
جايمس:ومالك متقول هوما لي كدبو عليك.
فؤاد:عﻻش ايكدبو عليا مثﻻ.
نطق عهد:واه ومن بعد.شافو فيه بجوجهم زعما منيتك وهز كتافو:ونتوما عارفين انا راسي ضارني.
فؤاد:مضنيتكش فضولي تالهاد الدرجة.
عهد:وابنتك لي عاداتني.
فؤاد:فاش عرفت بلي ماتو مبقا عندي مندير تما فالبرازيل وبقيت فالمغرب وتعرفت على الغالية لي كانت بنت الرئيس ديالي.
عهد:وماماك.
فؤاد:الله يرحمها.
عهد:الله يرحمها.
جايمس:افف شنو ندير باش تيقني.
فؤاد صغر فيه عينيه بغا يجربو:وجهي تبدل وﻻ باقين المﻻمح هوما هادوك باش عرفتيني.
جايمس بابتسامة:عﻻش نتا كنتي تورينا وجهك بعدا راعرفتك غي من عينيك واللثام.
فؤاد بلع ريقو حيت فعﻻ مرات معدودة على اطراف الاصابع فين معري وجهو ليهم:مكافيش هادشي.
جايمس:سول شي حاجة اخرى.
فؤاد:فيناهي ماماك وبنتي.
عهد عقلو حابس:بﻻتي بﻻتي دابا اينجل(نعت لجايمس)ختك لي اغتاصبوها ونتاحرات(نعت لفؤاد لي مصدوم من شنو سمع)بنت نسيبي(ونعت لراسو)وخت مرتي انا(ضرب راسو)عليها كيتشابهو بزاف بففف.
فؤاد بتلعثم:كفففاأش نتاحرات.
جايمس باسف:خطفها خوسي وتغتاصبات من طرف رجالو وفاش جابوها ليا حالتها كانت غي مزايدة وكتراجع حتا لقيتها منتاحرة واحد النهار.
فؤاد هبط راسو وقطرات كيطيحو من عينيه
♥احح وشحال كتعجبوني فاش كتبقاو تناقشو ليا هنا وووحدة توري لوحدة وتنوضو ليا لبلبالة هنا كيعجبني الحال ههه الله يمسخني مهم تالي مفاهمينش رالاحداث غادين وكيتفكو وقولو ليا من بعد شنو هادشي وهادا ولدمن وﻻخر خومن راكلشي باين انتوما كتقراو مبوقين هههه اكنضحك معاكم بﻻ تشيار

503❤
من عينيه:ﻻ ميمكنش كتكدب.
جايمس:عﻻش انكدب وفين كنعرفهم انا ومنين انجيب ليك سمياتهم.فؤاد تنفس بعمق اخر حاجة لي يمكن يتيقن بيها:الى كنتي بصح ولد المرا لي بغيت وخو بنتي ولولد لي شهدت على وﻻدتو وحسبتو ولدي فقوليا واحد الحاجة من ديما كنا كنديروها قبل منعسو.
جايمس عصر عينيه معقلش مزيان:معرفتش افف قول شي حاجة اخرى.زير عينيه ورجعات بيه داكرتو لازيد من ثﻻثين سنة لايام كان فيها باقي بريئ كان كيعرف غي يلعب ويساعد الام ديالو فغيابو هو رجعات بيه داكرتو فاش كان كيتسناه لايام باش يرجع من خدمتو محمل بالحلوى والالعاب ليه رجعات بيه لور ولور لايام مكانش كيفكر او حتا يفكر يفكر انه ممكن يتحيدو دوك ليام رجعات بيه دااكرتو لكتاب تفتح ودراع حاوطو مدفيه كيقوليه انا معاك رجعات بيه للسان رتل ايات وادان تقرات عليها ايات قرانية قبل مينعس رجعات بيه لايام كان ينعس فيه براحة وسكينة واطمانان.قاطع تفكيرو وعينيه مدمعة فؤاد لي نطق باستهزاء وارتاح نسبيا واخة داخلينو التناوي:هاديك واحد عندو ثلث سنين يعقل عليها ونتا كتقول.
قاعو جايمس:كنتي كتحل داك الكتاب وتقرا علينا اه باقي عاقل فاش كنا كنتجمعو عليك ونعسو.
فؤاد مباغيش يتيق وغوت:دياﻻش الكتاب ها يعني غي كتكدب.
جايمس بترجي:راه عاقل وكنتي كتقوليا كﻻم الله وبلي خاصني نحفضو ومكنتش كنبغي ليك حيت كبير بزاف افف.
فؤاد مهبط عينيه لي خارجين بالصدمة وعامرين دموع:وكنتي كتتهرب ليا تحت السرير.
جايمس حل عينيه:اه اه شتي عاقل.
فؤاد غوت:سكتتتت سكتت.غمض عينيه تيتنخصص:كداب سكت ماشي نتا.
جايمس:انا هو جايمس عﻻش ماباغيش تيق.
فؤاد:حيت حليتي جراح بزز تناسيتهم بزز باش بريت وقدرت نكمل حياتي.
جايمس:خاصك تفرح.
قاطعو بالغوات:عﻻش انفرح عﻻش همم انفرح حيت زدت تاكدت ان مرتي ماتت محروقة اوﻻ بنت

504❤
اوﻻ بنتي لي ماتت منتاحرة اوﻻ ليك نتا الولد لي ربيت صرتي بوص تاع المافية الكولومبية.هز فيه عينيه:عﻻش انفرح ها قوليا عﻻش.جايمس بقا ساكت معرفش شنو يقول اما واحد عهد غا حال فمو كيلبوهالي ومرة يشوف فعهد ومرة يشوف فجايمس:شهاد الخرا كتخورو نتوما.
شافو فيه وفؤاد نطق:انا براسي تلفت ودخت.
جايمس:معرفتش عﻻش مباغيش تيقني.
فؤاد:يمكن تقت دابا.سكت كيتنهد ودموعو مبغاوش يحبسو وقلبو معصور عليه ياريتو بقا عارف انهم ماتو دك النهار وميعرفش ان مرتو عتقات وﻻدها وهي بقات او بنتو لي تكرفصو عليها تنفس بديك فاش تفكر مﻻك تاهي دابا بين يديهم غمض عينيه كيدعي فخاطرو متاداش عم السكون فالغرفة كل واحد كيتنهد من جيه.نخليوهم ونمشيو عند مﻻك لي كانت فهاد اللحضات فغرفة من غرف المشفى وفيها فاصمة فجيهة الضربة غي صغيرة مكبيراش بزاف(غا من هنا رامفاقداش الداكرة راماشي حمقة انا اندير ليكم سيناريو من السيناريوهات لي مالينها)اما ماثيو فكان برا كيهضر مع الطبيب:وامتا اتديروها ليها.
الطبيب:فاسرع وقت كيف قلتي راك عارفها عندها ورم راخصكم تكونو اكثر حدر راديك الضربة غامازادت هيجات الورم لي خاصك تعرف انه فقط فكل مجهود كدير راكتفقد طاقتها كاملة وكخصها وقت باش ترد دك الطاقة لي مشات ليها فمابالك طايحة دك الطيحة عندها الحظ ان الورم عاد كيكبر اما ضربة بحال هاديك كانت تودي بحياتها.ماثيو حاط جوج صباع على جبهتو معندوش مع هدشي ديال كثرة لفهامات:اوك دابا انا سولتك غا امتا غديرو ليها العملية مقلتش ليك عطيني درس فالطب.
الطبيب محاملوش اصﻻ باينة فكمارتو مجرم:فاش تفيق انبداو فالاجراءات غنخليوها تحت مراقبتنا فاش غتكون واجدة انخبروك بوقت العملية.
ماثيو:فحالتها ممكن تسافر.
الطبيب:ﻻ الضغط عليها ميمكنش.
ماثيو:حتا الى كانت غتمشي بحرا.
الطبيب