الملتزم السادي ♡بالدارجة♡

الجزء 44

176
مطاري والو مشات معاهم تاسارة وبقا اسامة ومحمد كيتسناو تما حيت خبروهم بلي غيسالي مدة البنج ويشوفو واش عندو شي مضاعفات سلبية.مشاو شمس وصفاء وسارة للدار وطمنو لي غارد لي بقاو كيسولو واش ولى بيخير عزيز عليهم واخا كينهض فيهم مرة مرة ﻻلقاهم متكاسلين فالخدمة.شمس بدلات هي وبنتها وجلسو تيرتاحو شوية بيدما وصل الوقت وكل مرة كتصوني لمحمد للكاين شي جديد حتا وصل الوقت ومشاو يوصلهم الشيفور للمول هبطو وبقاو كيتسناو.اما عند مﻻك فاش هبطات ولقات مها كتسنا هي وخالد لي بقا كيشوفيها شحال وهضرات معاه غي بالعينين وطمنها تاهو بعينيه وركبو ونطالق للمول حطهم سلم عليهم بالخف وغي من البعد ومشا بحالو حتا يساليو وتعيط ليه مو شمس وصفاء سلمو وتيضحكو بحاﻻ مواقع والو دخلو للمول وشمس غمزات صفاء:زيدو قدامنا نتوما وﻻبانت ليكم شي حاجة وريوها لينا.وضارت عند الغالية لي كانت حداها:ههه تباركلله داغي كيدوز الوقت بحاﻻ عاد البارح كانو فكرشنا.الغالية بتنهيدة:واييه دغيا كبرات.شمس بقات كتشوفيها وشدات فيها وكتشير ليها فالحوايج يختارو تاهوما معاهم اما صفاء جرت مﻻك بعدو غي شوية باش ميسمعوهمش وبدات كتقلب فلقفاطن وكتهضر وكضحك باش متبينش:مﻻك حبيبة مالكي مع خويا ﻻش مبقيتيش باغاه.مﻻك قلبها بدا كيضرب بالجهد وتنفسات كتحاول تهدن:والو غي متفاهمناش.شافت فيها:راباقين فين غتفاهمو ماشي غي نهار هو لي غيحدد انكم مموالمينش لبعضكم.مﻻك كتحاول تبدل الموضوع:هاد لون زوين يجي معاك.جراتو ليها من يدها وحطاتو فوقها:ﻻ غيجي معاك نتي زوين.مﻻك بلعات ريقها:ﻻ انا مغاناخد والو وراك عارفة يعني غنفسخ الخطوبة.
صفاء:اه وواليديك غيخليوك تفسخيها بسهولة مﻻك ختي انا ماعارفاش شنو طاري بيناتكم ولكن كنطلبك انك متفارقيش مع خويا واش عرفتي اليوم.يالله كانت غتكمل وسكتت.... يتبع

177
وسكتت مبغاتش تقوليها بغات الى كانت غتسمح ليه ماشي غي شفقة بل تكون بصح باغة تبقا معاه:احم ﻻتفرقتي معاه والله غيموت راك معارفاهش شحال كيبغيك.مﻻك بقات كتشوفيها:واش هو لي مسيفطك.
صفاء:ﻻ والله ممسيفطني.
مﻻك:وباش عرفتي راباغة نتفرق معاه.
صفاء:هو قالها لماما كان غيتسطا افف راك معارفاش شنو كتعني ليه راك نتي هي حياتو رميقدش يعيش بﻻ بيك وزيدون انا متاكدة انهم مغيقبلوش بشنو باغة وكنضن راك عارفة كثر مني والديك شحال صعاب شوفي غامك دابا شحال فرحانة.مﻻك شافت جيهة مها كانو بجوجهم كيضحكو وباينة فرحانين بقات تضور فعينيها:ولكن.تنهدات مطوﻻ:خلينا نعزلو بعدا هادشي غنتعطلو عليهم.صفاء بتاسمات:يعني صافي غتكملي معاه.مﻻك مكتشوفش فيها:نقدر اه نقدر ﻻ ولكن لي ماكدة منو عمري نسمح ليه.صفاء شدات يديها:عﻻش مالو شنو دار لي متقديش تسمحي ليه.مﻻك بتوتر:والو عفاك خلينا نعزلو داغي.صفاء مبغاتش تحكر عليها المهم دابا بانت ليها بحاﻻ مبردة ويمكن انه يهضرو معاها ويقنعوها عزلو شي قفيطنات ودخلو قيسوهم عطاتهم صاحبة المحل شيﻻن يواتيوهم وداروهم وخرجو كيشوفو فالمراية وكيضحكو جاو كيحمقو ومشاو عند ماواتهم قالو ليهم جاو زوينات وجراتها صفاء يتصورو وكيضحكو مﻻك نسات شنو واقع وبغات تفرح تاهي وتخلي مكتابها يتصرف واخة داكشي لي دار ليها الى ان واحد الجانب منها مسامحو حيت يمكن بدات كتخلق ليه اعدار انه كيبغيها دخلو كيبدلو ومﻻك جبدت التيلي من صدرها دارتو فجيب السروال مع حلت الباب كتلقا وحدة واقفة ليها فالباب كانت صفاء باقي مخرجت ودفعتها مدخﻻها تاني وسادة ليها فمها وكضحك ليها وكتنضغ فالمسكة:فين ازين.مﻻك غي مخرجة عينيها كانت بنت سمرا وشعرها قصير وكتشوفيها كضحك مﻻك جمعت حجبانها وضربات ليها يديها حيداتها منها:شكون نتي.البنت كطلعها وكتهبطها.... يتبع
هادي هي صاحبت صوفي عقلتو على صوفي تا هي ديك المثلية لي جرا عليها عهد