الملتزم السادي ♡بالدارجة♡

الجزء 32

123
حتا داها النعاس.اما عهد فاش رجعو باركات ليه الجدة واعتادرات ليه حيت مقداتش تمشي معاهم بحكم مبقاتش كتقد على بحال داكشي وكلشي طلع ينعس اما عهد خرج للجردة تكا غي فالارض كيشوف فالنجوم وكيبتسم وكيفكر فالغد لي غيخرج معاها لاول مرة حتا حسس بشي حد جلس حداه ضور وجهو لقاه باه وقاد الجلسة ونطق محمد وهو كيشوف بعيد:غتهﻻ فيها ياك اولدي.عهد ضحك وعاود رجع تكا كيشوف فالسما:ههه وايلي شكاتقول الواليد رالحب هاديك مالك على هاد الهضرة.تنهد محمد وشاف فيه:والو غي كتبقا فيا يمكن حيت تانا مريت بداكشي لي مرات بيه.عهد كيشوفيه:نيت جابتها الوقت من ديما كنبغي نسولك على جدة كتبان ليا عﻻقتكم ماشي تالهيه واخا كتبين بلي عادي كنشوفك ديما بحاﻻ هاز فخاطرك من جيهتها.محمد تكا على يديه حداه:اه فاش تزاديت راك عارف انا الثالث من مور عمامك الواليدة كانت غتحماق وتولد بنت فاش كانو شافو فليكو طلع ليهم بنت ولكن كان غلط فاش تزاديت لقاوني ولد الواليد فرح بينما الواليدة متيقاتش وبقات كتقوليهم ماشي ولدي وسرقو ليها بنتها درت عام عامين تاحليبها مدقتوش كبرت غي بديال الفارماسي فاش وصلت خمس سنين وبديت كنعرف كانت كتلبسني حوايج البنات وكتخلي ليا شعري يطوال شوية حتا كيحيدو ليا الواليد لي فاش كان كيشوفها ملبساني حوايج بنات كان كيغوت عليها وكتقوليه غي بلي غلطات درت عشر سنين وباقا كتداعي انها كتغلط فالحوايج مكنتش كنقدر نهضر وكنت كنصبر لضحك خوتي والدراري عليا غي باش منخصرش ليها هي خاطرها الواليد فاش كان كيشوفني ساكت كيسخط وكيضربني وكيقوليا نتا راجل كبرت بين نارين الواليد باغي يطلعني راجل والواليدة لي مرضت باغة بنت حتا حمﻻت تاني كانت عندي 15 ولكن مكنتش بقيت كنلبس حوايج البنات وليت عادي ولكن الواليدة كانت كتقوليا نخلي شعري طويل خليتو.... يتبع

124
خليتو غي باش متزيدش تمرض فاش حمﻻت مبغاتش تمشي تشوف جنس الجنين باش متصدمش ولدات وفرحتها كانت كبيرة فاش ولدت عمتك كنت كنضن انها غتبدل معاملتها ليا لكن غي مازادت فيه وبدات كتقوليا بلي انا ماشي ولدها وبلي بدلوني ببنتها عيا الواليد معاها ومبغاتش تفهم الواليد شافني غنمرض نفسيا وسيفطني نكمل قرايتي فكندا تما(تبسم بحب)تﻻقيت بحب حياتي تعرفت عليها كانت مغربية نيت وبوحدها فالغربة كنت فايتها بعمين كل نهار كنت كنبغيها حيت هي الوحيدة لي من بعدما حكيت ليها مخافتش انني نكون ناقص رجولة وان داكشي لي عشت فصغري ياثر عليا بالعكس شدات فيدي وخرجاتني من عزلتي حتا رجعت للمغرب وهي بقات تكمل مشوارها وتبني مستقبالها تقطعو اخبارها وكنت كنتعدب بﻻ بيها حتا ﻻقاتنا الصدفة تاني فاش عرفت بلي هي بنت صاحب الواليد بﻻما نتردد خطبتها وقبلات وتزوجنا(ضار شاف فعهد لي مبتاسم)ماماك كانت هي الشميسة لي ضوات عليا ههه عليها مكنقدش نعس بﻻ بيها كنخاف ليكون هادشي كلو حلم وزيد هي لي عطاتني الحنان لي معطاتوش ليا مي.عهد بدا كيضحك عليه:دابا نتا كنتي كتلبس حوايج البنيتات.محمد ضربو:اياه انا لي ز***امل جالس نعاود ليك بغيتك زعما تاخد عبرة باش تهﻻ فديك بنت الناس كيدارت مك معايا ونتا شديتي غاكنت تنلبس بحال البنات.
عهد:وفيناهي هاد بنتها مالها ماكون سكنتها معاها هي ياك كتحماق على البنات.محمد تنهد:اودي كلشي تخﻻ عليها مسكينة فاش مات الواليد تالورث طمعو فيها وهوما مخصهم خير وباغين يزيدو.سكتو فاش بانت ليهم شمس جاية وقفات عليهم وحطات يديها فخصرها:مجمعين ليا هنايا(شافت فمحمد)مغتنوضش تنعس نتا.عهد ضحك عليهم:عاداك الواليد وﻻ.محمد ركلو وناض معنقها وغادي بيها:مديش عليه رهو لي شدني بالهضرة.باستو فحنكو وتبسمات ليه وعهد بدا كيغوت وراهم:واحشمي شوية... يتبع

125
محمد قلز ليه وكمل طريقو مع الحيبان وعهد كيضحك:امبقيتوش تحشمو راحرام ديرو الفاحشة قدامي.محمد ضار وهز سندالتو غيشير عليه لقاه طار من بﻻصتو علق من باب الكوزينة لي كيطل على الجردة فين كان متكي وهرب لبيتو كيضحك وكيهز فسروالو طاح ليه حيت كان متكي.دخل لبيتو سد عليه حيد حوايجو بقا غي بالبوكسر ومشا تﻻح على مخدتها معنقها وكيبوس فيها:غتولي ليا غناكلك ناكلك احبيبتي غي نشدك بين يدي.وتكا عليها معنقها وكيتفكر فقبﻻتهم الحارة وكيتنهد مكرهش ميطلقهاش وكيتفكر كيكانت متجاوبة معاه وبدا كيدخلوه التناوي عﻻش دغيا تجاوبات معاه زعما تكون كتبغيني وبدا كيفرنس وتاني خنزر فاش نطق شيطانو:اشمن كتبغيك راسيدة مكبوتة عمرها جربات ولقات العسل وبدات تلعقو.نفض افكارو وتاني بدا يبرد راسو:اشمن الانثى فاش كترتاح مع لي كتبغي كتقدر تنسا راسها يعني كتبغيني.شيطانو:واراها كانت باغاك تحويها ونتا مدرتي فيها ميصﻻح خليتيها كون راها جالسة تكفت.غمض عينيه وكيحرك راسو بﻻ:ﻻ حبيبتي مديرش البسالة غتسناني انا لي نبردها.شيطانو:وشكون قالها ليك معرفتي كون راها مسكينة مع محرومة ومعمرها تصاحبت وﻻدارت شي عﻻقة تلقاها كتحكو مع الحيط.عهد خشا راسو فالمخدة وكيستغفر الله حتى غفا.فاق الصباح بكري دوش توضا وصلى وهبط فطر معاهم وخرج هو وباه واسامة تاهو عاد وﻻت ترشق ليه يمشي للخدمة تاودن الضهر وخرج تيصوني لخالد حيت هو لي غيخرج مع مﻻك وخبرو بلي شوية ويخرجو.اما ﻻلة مﻻك فاش فاقت مشات لطواليط قدات حاجتها وتوضات وصلات كمﻻت وناضت جمعات فراشها وتبسمات فاش لقات الرسالة كانت كتسحاب راسها غي كتحلمقراتها تانيومشات خباتها بين حوايجها وخرجات هبطات لقات مها فلكوزينة دخﻻت عاوناتها عاد جاو عياﻻت خوتها عاونوهم تاهوما ومشاو كيفطرو فالسكات وناض كﻻ فين يقدي شي حاجة.... يتبع

126
مﻻك جمعات معاهم ومشات لبيتها حتى دخل عليها خالد مبتاسم هاز فيدو سروال سليم فالكحل وقويميجة حد الركبة فالازرق واخا سامبل كتبان زوينة فصالتها:هانا ياﻻلة تفركسي ليا مع راسك.عطاهم ليها وتم خارج:وجدي راسك رامور الضهر انخرجو راقرب الحال باش منتعطلوش واخا.حركات ليه راسها بالايجاب حشمانة تبسم ليها وسد الباب وراه اما هي قيسات لي جاب ليها جاوها ﻻسقين جبدات شال فالكحل وسبرديلة تاهي كحﻻ.لبساتهم وبدات تشوف فالمراية وكطلع فوق الكرسي باش تشوف كي جات اللبسة من التحت حيت عندها المراية كتبين غي النص.ومشات جلسات كتسنى خوها يغوت عليها ودن الضهر وناضت تصلي دخل خالد لقاها كتصلي وخرج خﻻها فيها فاش صونا ليه عهد وخبرو بلي شوية ويخرجو كيقطع معاه خرجات مﻻك شافيها وتبسم:الله يتقبل.بادﻻتو الابتسامة:امين.
خالد:واجدة.
مﻻك:اه صافي.هبطو لقاو كلشي فالصالون ودازو عليهم ودعوهم وفؤاد كيوصي فيه يتهﻻ فيها اما الغالية مشات معاهم لباب ودعاتهم:الله يرضي على ولدي رد البال لختك.خالد تبخو ليه راسو:واخة راختي تانا مالي غنمشي نقتلها.الغالية:ايوة سير براكة من الفهامة.خالد ضار غادي ومﻻك تابعاه:هانا غادي.طلعو لوطو وطﻻت عليه من الشرجم:اوليدي كون غاخليتني مشيت معاها.خالد خرج فيها عينيها:مي الله يهديك سيري دخلي.ميقات فيه ودخﻻت وهو ديمارا:باغا تجلس وسطكم واقيلة هاد مك حمقة والله.ضحكات وشافيها:كضحكي الفنكوشة عاد البارح كنتي كتبولي فالفراش وكانت تقتلك بالعصا ودابا يالالة غتزوجي تانتي نخافك غاتكوني باقة تبولي وتصدقي بايلة على السيد خاصني نقولها ليه يبقا يجيب ليك ليكوش.مﻻك شافت فيه بنص عين:راباقة عاقلة على نهار خريتي فالصالون(دارت فمها فصبعها)واقلة باقة مقلتها لحلومة اه حقا شحال كانت فعمرك 20 وﻻ21.خالد بدا كيضحك كان هدفو غي.... يتبع