الملتزم السادي ♡بالدارجة♡

الجزء 107

445❤

حسام شاف فمﻻك:قولي ليه يبقا تاتشوفكم مي وخوتي غيفرحو.
مﻻك:مرة خرى.
مكرهاتش تدخل وتعرف عليهم ولكن كرشها رجعت تضرها وعاد عهد باينة معندوش مع هادشي باينة باغي يمشي هبطات باستو وجبدت مشيوير رطيطب فالكحل مسحات ليه خنونتو بشوية مبتاسمة وعطاتو ليه
ومشاو بقا كيشوف فداك المشوار وعويناتو العسليين كيبريو حتا سمع صوت لباب تحل كانت مو معغزة على الحيط ورجليها مغبصة وجها دابل لكن باينة الطيبة فوجها وحدا رجليها جوج دراري واحد تكون عندو ديك خمس سنين ولاخرة باقي يالله كيتعلم تتمشى
المرا شافت فجبران وشافت فولدها وعينيها تحولو لداكشي لي محطوط شافت فجبران:شكون نتا.
جبران لي بقا غي كيشوفيها ساهي حتا نطق حسام وهو كيجبد لخوتو السقاطة:هادو امي شراو لينا بزاف ديال الحاجات بينما لقيتي خدمة.
مو حطات يديها على راسو بحنان وشافت فجبران وترها بنضراتو:مخصناش اولدي عﻻش جبتيهم.
حسام ببراءة:رافاش انكبر انرد ليهم هادشي وعاد ياك معندنا تاحاجة الما هو لخر باش كنفزغو لخبز كارم قطعوه علينا الصباح.
المراه بحرج:غي دي هادشي اسيدي مخصناش.
جبران تحنحن:احم وتخلي الناس لي بغاوك تكوني سبب فانهم ياخدو الاجر معاك يضيعو.
المراه:ﻻ مغيضيعوش حيت النية لي كتخلص لواحد.
جبران:كنتمنى مترضيش هادشي لي سيفطو اعتابروه سلف كيف قال ولدك تايكبر ويردو.
المراه:ولدي معندو منين يردو قت-لونا لكريديات غاسير الله يعرضك السﻻمة.
دخﻻت وﻻدها حيدات ليهم السقاطة وحطاتها مع الشي ﻻخر ومع ثقيلة فالحركة بسبب رجليها مجات فين تسد لباب تاحبسو كيشوف فوﻻدها لي كيبكيو بالحس قطعو ليه قلبو:الى ماشي ليك على وجه دوك المﻻئكة.
المراة شافت فوﻻدها وشاداها لبكية مراضياش وفنفس الوقت كون كان عندها الجهد كون مشات سعات ومتخليهمش بالجوع تبيع لحمها وميبقاوش يقولو ليها واش
الخبز الكارم باقي بزاف
باش تبدليهم وتعطيهم حاجة اخرى معندهاش الجهد باش فاش يشوفو الدراري شادين السقاطة وكيقولو ليها شري لينا كتكدب عليهم وتقولهم هادوك مراض وغيق-تلهم داكشي حبسات دموعها وحﻻت ليه لباب كثر:مدخلوش نتا انعيط على لي يدخلهم.
جبران:عﻻش اندخلو انا.
المراة:كتبقا غريب عليا وانا ارملة منبغيش يدويو عليا.
تفهمها وبقا واقف تما وهي تحنات عند ولدها:سير عيط على ولد فتيحة يجي يهز لينا هادشي.
حسام مشا طاير وجا معاه ولد تكون عندو غي ديك سطاش وﻻ سبعطاش ﻻبس عادي طبعا حال الاحياء الشعبية طلباتو يهز ليها داكشي مقدش عليه وجبران عاونو وخﻻتو حيت واخة يشوفوه راه صافي داخل معاه ولد الجارة تاﻻهضرو هو يشهد ليها كملو داكشي وخرجو قبل متسد لباب مدليها لبزطام:عفاك قبلي هادو من السيد وداعاي معاه شي دعيوة ديال الخير هو ومرتو.
مدت يديها بتردد شداتو منو قبل متحلو شد ليها يديها:عفاك تادخلي حيت الى حليتيه دابا غترديه ليا وانا ممستعدش نرجع نقول لدوك الناس مشداتهمش من عندي.
تبسم ليها وهي رمشات بسرعة خجﻻنة وهبطات عينيها كتقاد الشال على راسها:احم الله يجازيكم بالخير.
جات تسد لباب تاني وحبسها:احم ممكن نعرف شنو سميتك.
المراة:عﻻش.
جبران بخجل وتوتر:احم غي دابا احم باش ﻻسولوني زعما نقوليهم فهمتي غي تحسبا.
من نيتها جاوباتو:كوثر.
جبران تبسم:زوينة بحالك.
رمشات تاني بخجل وحناكها حمارو وحابسة ابتسامة خفيفة ﻻحضها وبقات غادة وكتسد لباب بشوية وكطل عليه غامن تحت شفارها تاتسد لباب جبران تنهد بابتسامة وغادي وكيحفض الطريق باش يعقل عليها وكيعاود يشوف فالدار مزان باش يعقل عليها اما كوثر المراة دات 36 سنة مات زوجها عام دابا كان غي خضار وعايشة معاه بلي قسم الله تاتلقاو ليه واحد النهار بليل كان جاي فرحان اول مرة يبيع بزاف