الملتزم السادي ♡بالدارجة♡

الجزء 114

473❤

تهرست فيه الى انه كان داير احتمال اكبر انها متكونش حاملة باش ميفرحش بزاف وحك قرفادتو:ومالها.
الطبيبة:معرفتش خاصها دير الراديو ﻻكنتي باغي تعرف.
ضار شافها واش جاية ونطق بالزربة:عفاك واخة دخلي تقلبيها من لتحت حيت نهار دخلتها فالصباح سخفت وجبت ليها الطبيبة وقالت بلي نقد نكون قست ليها الوالدة واخة تشوفي هاد القضية.
ناضت:اوك انا نشوف ولكن واش كان عندها شي التهاب.
عهد:معرفتش المهم من داك النهار مقستها بغيت تانجيبها لطبيب.
قالت ليه واخا ومشات دخلت عندها لقاتها نايضة غتخرج ورداتها قالتليها اتقلبها تاني ومﻻك حشمت تحليها رجليها قلباتها مزيان مبان ليها والو وخرجات عندو خﻻتها كتلبس وتبعاتها.
الطبيبة:ﻻ معندها والو بان ليا مهبلها مفيه والو حتا اثر ديال الالتهاب مبقاش مزيان ملي بعدتي عليها فترة برات على خاطرها.
هي كتهضر ومﻻك كتبرقق فعويناتها ونطق عهد:ولكن ﻻش هديك قالت ليا قست الوالدة.
الطبيبة:تقدر تكون مشافتش مزيان اوﻻ يكون الالتهاب وهي تسحاب قستيها فباب الوالدة راكيوقعو اخطاء بحال هاكا خصوصا لمكانوش عندها المعدات باش تشوف.
عهد تمتم:بنت لقح-بة خلعاتني على والو(تانا خلعتكم على والو هههه)حتا نطقت الطبيبة موجهة كﻻمها لمﻻك:ممكن نعرف من ايمتا هاد الاعراض فيك واش من الصغر.
مﻻك كتفكر:معرفتش بالضبط يمكن شي خمس سنين وﻻ قل معقلتش مزيان.
الطبيبة:ومدوزتي ﻻوالو.
مﻻك:ﻻ.
الطبيبة:ممكن تعاودليا الاعراض لي كيجيوك وباش كتحسي.
مﻻك بدات كتعاود ليها على باش كتحس ولي كيطرا ليها كمﻻت ونطق عهد:حتا واحد العرق كيبقا يتنفخ ليها خصوصا لكانت كتبكي.
الطبيبة:اغلبية ديال الاعراض سببهم الراس غنطلب منك ديري سكانير لراس.
عهد:عﻻش الراس.
الطبيبة:عندي شك وبغيت نتاكد.
عهد:شنوهو هاد الشك.
الطبيبة:نفضل منقولوش تانتاكد.
عهد:اوك.
مﻻك:واش شي حاجة خيبة.
تبسمت ليها:ميكون عندك والو انشاءلله.
ناضو وتوجهو دارت السكانير تسناو حتا خرجو ليهم وعيط للطبيبة سول واش باقة خدامة وقالتليهم باقة ومشاو عندها جبدات داكشي قلباتو مهضراتش معاهم غاع جبدت ورقة كتبت ليهم اسم طبيب وعنوانو ومدتها لعهد:سيرو عند هادا هو لي غيشرح ليكم ونتمنا تمشيو فاقرب وقت.
عهد تخلع:شنو عندها.
الطبيبة تنهدات شافت فمﻻك بحزن ونطقت:ورم فالدماغ.
مﻻك حست بحال سطل لما بارد تخوا عليها ورجليها خواو بيها كانت اطيح اما عهد كثر منها تصمك ودنو كتسمع فيها غي ورم في الدماغ صافي.
الطبيبة شافتهم مصدومين هكاك ونطقت بالزربة:مالكم خفتو انا قلت غي شك سيرو عند هاد الطبيب هو يقوليكم اش كاين.
عهد بتلعثم:وﻻكان بصح شكك فمحلو.
الطبيبة:منقد نقولك والو من غير تمشيو عند مختصين فهادشي.
عهد حرك راسو بالايجاب مبقاش عندو الجهد تيحس براسو بحال شي تيليفون خوا وطفا ضار شاف فمﻻك لقاها غي كتريمش ممتيقاش شدها من يدها وخرجو ركبو راجعين لدار تاواحد مدوا بجوجهم كيفكرو فهادشي منين خرج ليهم هو كدعي الله يكون غي شك الطبيبة وهي كتفكر منين نزل عليها هادشي
وصلو دخلو لقاوهم كيتسناوعم للعشا غي دخلو حطوه سولوهم مالها قالو ليهم غي عيانة بزز كﻻو باش ميبينوش طلعو لبيتهم مﻻك غي ساهية وهو جالس مقابل معاها حاضيها حتا نطقات كتنهد:عمري درت شي حاجة خيبة فحياتي.
عهد:مﻻك سكتي راباقي مماكدين.
مﻻك:عندي احساس بلي غتكون هضرت الطبيبة بصح.
عهد:وقالت ليك غي شاكة.
مﻻك:من لول كنت حاسة ديك المشية غتكون فيها شي حاجة خيبة وقلت ﻻ نقدر نكون بصح حاملة كيقلتي ساعة غاع ديك لفرحة تقلبات.
عهد:مﻻك سكتي براكة من هاد الهضرة.
مﻻك:شنو درت تايجازيني ربي هاكا.
بغا ينطق