الملتزم السادي ♡بالدارجة♡

الجزء 112

465❤

مﻻك:ويلي مكينة تاحاجة مستورة من غير حوايج لخروج.
عهد: غاقولي اش غديري بشي حاجة مستورة قدامي وعاد هاحنا خارجين وندوزو لمول خودي ليك لي باغة.
مﻻك:واخة.
ناضت لبسات قدامو وهو حاضيها وترها غاع:ونتا مغتبدلش.
عهد:دغيا كنلبس انا متجي فين تقادي الشال تلقايني لبست.
هزت حاجبها:نتخاطرو.
ناض:يالله ولكن بﻻتي كيما جابدة الشال انجبد حوايجي.
مﻻك:واخا.
جبد حوايجو غي بودي وسروال وشافيها:واحد/جوج/ثﻻثة.
وطار على الحوايج وهي هزت الشال طواتو من جيهة طول وحطاتو بالزربة قاداتو مع وجها شداتو بفليل وﻻحت الطراف جنب وضارت عندو:بحح.
هو طاح فالسرير كان يالله خاشي الرجل الثانية فالسروال:واﻻ غشيتي منسحابكش اديري ديك الشدة.
مﻻك:هه المهم ربحتك.
عهد:واﻻ قولبتيني.
مﻻك:ياه مكترضاش خاسر وكدير فالاسباب.
عهد:بعيليكة وفرحانة بحاﻻ درتي انجاز.
كتهزهز فحجبانها كتفقسو زعما :اه ربحتك.
ميق فيها وكمل لبسو وهبطو خرجو.

نخليوهم ونمشيو عند اسامة وسارة لي كانت فالكوزينة ساهية من باب الزاج فالجردة حتا سمعاتو وراها وقفزت:بغيت شي بيتزا.
سارة:واخة اسيدي.
قطب حجبانو:شتك هاد ليامات كثرتي من هاد سيدي وﻻلة موالفة غي واخة بﻻ دوك الرسميات مالك.
سارة كتجبد توجد:حيت انا خدامة هنا مخصنيش نولف شي حاجة ماشي من سهمي.
اسامة:شهاد الهضرة.
سارة:قلت غي لي كاين اسيدي واخة تخرج غنسدق مخصراها ليك.
ناض:جيبيها ليا لبيتي.
سارة:واخة اسيدي.
طلع بحالو وهي بقات كتردخ تما كتحك الفرماج بحاﻻ كتحك قلبها مغددة دارتها فالفران طابت وجبدتها قطعاتها ليه كيف موالف وطلعاتها ليه دقات لكن مناضش حل عليها كيف مولف قاليها تدخل تنهدات وحلت الباب ضورات عينيها بان ليها مسرح فالسرير مﻻبس والو لفوق فورمتو ماشي بحال عهد رقيق عليه ولكن مطراسي تاهو يد تحت راسو ويد شاد بيها التيلي سارة بقات غي كتريمش وحناكها حمارو بحاﻻ معرت اش شافت هبطات عينيها بالزربة فور
مهز راسو فيها:حطيها فوق المجر.
تقدمات وكتحاول ما امكن تقاد مشيتها حست برجليها ماشي خوت حطاتها كتفتف وضارت غتخرج حتا نطق تاني:سارة مالكي.
مشافتش فيه:ممالي والو اسيدي.
اسامة:ﻻ واقعة شي حاجة واش مع خالتك.
سارة:ﻻ الحمدلله خاصني نمشي لشغلي.
اسامة ناض بالزربة مع حلت لباب سدو وكتحس بنفسو وراها وعلى رعدة شدتها
اسامة كيشوف لشعرها الاسود كيلمع قدامو ورقبتها بيضة وشي خصﻻت طايحين عليها بلع ريقو وبعد:مالكي معايا ﻻحضت وليتي كتعامليني فشكال وانا لي بزاف كتبقاي تقولي ليا سيدي والرسميات واش عمري نقست منك وﻻ حسستك بلي راك خدامة عدنا.
هو كيهضر وهي كتحرق وﻻ بد كيفكروها بلي هي خدامة عندهم بحاﻻ كيقولو ليها زيدي تاكدي بلي نتي غي خدامة شافت فيه باسى:ﻻ حاشة غي خاص الواحد مرة مرة يبقا يتفكر بﻻصتو فين كاينة.
اسامة:مفهمتش.
سارة:وفين عمرك فهمتي.
باستغراب:شهاد الهضرة تاع الالغاز.
سارة:خاصني نمشي عندي الشغال.
اسامة شدها فيدها:سارة انا.
بتوتر:مالك.
اسامة:انا هوووف.
جرها من عنقها وهبط على فمها ببوسة طويلة وبعد لقاها مخرجة عينيها بقا غي كيرمش ندم سحاب واش غلط وتسرع وبلي عندها شي حد فحياتها ونطق برجفة:سارة سمحيليا معرفتش.
قاطعاتو بدمعة محصورة فعوينتها:خاسر عليا سمحيليا شنو غندير بيها ها.
اسامة بغصة:معرفتش مصبرتش.
سارة كتسحاب واش غي شهوة وفاش وعا طلب السماحة بينما هو فسرها عندها شي حد اخر من ديك الصدمة والدموع:عفاك والله تامعرفتش غي اففف سمحيليا وغتبقا بيناتنا.
طيحات دوك الدموع:وعﻻش تبقا بيناتنا همم عﻻش منستاهلش وﻻ مولف كديرها لبنات الناس تاكتلدد وعندبالك اتمسحها بطلب السماح.
مجات فين تكمل تاتسمعت صرخة رجل حزينة زلزلات الفيلا :ميييييي.
خرجو بالزربة كيجريو حيت صوت محمد طلعو لجيهت الصوت لي باقي كيغوت كان بيت الجدة محلول مشاو طلو