الملتزم السادي ♡بالدارجة♡

الجزء 21

🌟الملتزم السادي 🌟
❄هوس السادي بالفاتنة الصغيرة ❄
🔥الجزء 71🔥

♥ جالس كايتعنب عليها هزات راسها فيها وبدات كضحك بسيف خوها مايبقا ساهي فيها:ههه جاتك مزيرة.
ملاك بخجل:شوية ماشي بزاف.
صفاء ضربات فالسرير حداها تجلس حداها ومشات جلست وحيدات التيلي من بعد ما قالت ليه غتنعس وضارت تكات فبلاصتها وتكات حداها ملاك وبدات كتهضر معاها وكتسولها لقاتها ضريفة بزاف تاملاك رتاحت ليها وطلقو مع بعضهم خصوصا معندهمش الصحابات ملاك تاوحدة مكانت كتبغي تصاحب معاها كايسحابوها معقدة من غير واحد بنت خالتها وصفاء كانو تايتصاحبو معاها غي على وديت عهد زعما يبقاو يشوفوه بقاو داويين تاناضت صفاء كضحك:ههه حقا نسيت موريتك واحد الحاجة.
ملاك جلسات كتشوفيها مشات للماريو وحلات واحد المجر كان مسدود بالساروت حلاتو وبدات كتقلب تاجبداتها:هههه هاهيا لقيتها.
ضارت لعند ملاك لي خرجات عينيها وناضت:هههه واو متقوليش ليا بقيتي محتافضة بيها.
شداتها من عندها كانت دميتها لي جات هازاها ديك النهار:اه مقدرتش نفرط فيها تاخويا عهد بغا ياخدها ليا ومخليتوش عرفتي شحال من مرة كان غيضربني باش ياخدها ههه ولكن مخليتوش عليها لقيتيني سادة عليها بالساروت.
ملاك باستغراب:وشغايدير هو بمونيكة.
صفاء كتشوفيها بنص عين:منعرف تاكسوتك وشعرك لي قطعات ليك ماما ديك النهار خدهم واقلة باقين عندو لدابا.
ملاك بقات غي كترمش هههه صدمتها وصفاء شاداها الضحكة وخدات من عندها المونيكة:اري نخبيها ويالله نعسو.
عند عهد لي كان شاد المخدة المعهودة الوحيدة لي شاهدة على مدى حبو ليها من بعد الله واسرارو لي كيعاود كان شادها بحال شي بيبي كيف عادتو وكايدوز يدو على داك شوية الشعر:كبرتي بزاف.
تبسم كايتفكر حشمتها وحياءها:ههه باينة غتمحنيني معاك.
خنزر:ولكن حالك ساهل خاص غير باك يقبل بيا وميديرش العصا فالرويضة ونخليك تكملي قرايتك ونعيشك كيف الاميرة.
دبالو عينيه تاني بهيام:توحشتك لاش
________________________
وصفاء صدمت ملاك مسكينة خلتها غير مدهشرة
اح قلبي على عهد مسكين ممقنعاهش دك المخدة مكرهش كون كان معنقها هي هههه
يتبع...

🌟الملتزم السادي 🌟
❄هوس السادي بالفاتنة الصغيرة ❄
🔥الجزء 72🔥

♥ بهيام:توحشتك لاش مهضرتيش معايا لاش مشفتيش فيا همم علاش كتعدبيني.
عنق المخدة عندو كيشمها:توحشتك بزاف.
باسها وحطها حدا راسو وناض حل الباب سدو وراه خارج هكاك عريان غي بشورط بديك الفورمة عندو كتخلع وسيكسي فنفس الوقت بداك الوشام لي شاد نص صدرو ليمني وغادي مع كتفو وهابط مع دراعو طل على بيت ختو بان ليه الضو باقي شاعل من تحت الباب تمشا بشوية وصل ودق بشوية ودقات قلبو تسارعو صفاء وملاك يالله غيتكاو وسمعو الدقان شافو فبعضهم.
صفاء:شكون هادا لي جاي دابا.
خرجات عينيها:عنداك يكون خوك طارق.
ملاك كضحك:اويلي هداك رايتلف غالاحل الباب تاع البيت بقا غيطلع تالهنا.
ضحكات صفاء تاتسمعات ضحكتهم وعهد كيتغدد برا عاود دق لكن بالجهد شوية نطقات صفاء وهي مقربة للباب:شكون.
مجاوبهاش وحلت الباب كلو نسات ملاك لي مكوزة كتقاد الفراش كتسحاب صفاء غتبقا رادا الباب شافت فخوها باستغراب:عهد.
فيناهوا عهد عينيه حوالو فداك الطرف لي عندها اما واحد السيقان بيضين كايشعلو هوما ودريعاتها وكدامها حميمرين وعنقها طويل قشع الخالة لي عندها فقرفادتها.
صفاء بدات كتنغزو:عهد شبغيتي.
ملاك سمعات سميتو وضارت بالزربة كانت باغة تمشي طل عليه بالتخبية ساعا مع ضارت مع خرجات عويناتها فيه وفجسمو وتاهو خرج عينيه فصدرها ووجها لي كيبان زوين كثر مع الشعر صفاء غاسمعات شهقة ملاك وريوغ عهد لي سالو ضارت بالزربة شافت ملاك عاد بانت ليها باينة كلها ودفعات عهد لي كان مخدر وردات الباب على ملاك لي غي مبقاش باين طاحت غالسة فوق السرير وحاطة يديها على قلبها لي كان غيخرج ووجها غيطرطق بالحمورية من داك المنضر لي شافت وتامن لبسها لي شاف بدات كتنش على وجها تنفس ومشات دخلات للدوش كتغسل وجها وكترعد وكتشدها الضحكة وكتحبسها اما عهد فغي ترد الباب مبقاش شافها وشاف فختو دفعها من قدامو
ْ____________________
وننتما ليك على ملاك جالسة كتفرنس ههه
اما عهد سكين داخ دابة شغدي يدير واش غدي يدفع ختو ويدخل عليها ولالا
يتبع.....