الملتزم السادي ♡بالدارجة♡

الجزء 99

419❤

تاشي ردة فعل:كيف سمعتي ماشي انا مرتي لي يبداو يتشهاو فيها ﻻهوما تبقاي جالسة فالدار نيت معندك مديري فالزنقة لي بغيتيها نجيبها ليك.
بدات كتنفس بالجهد واش هادا حمق هي حياتها كلها محبوسة وتاقالت جا لي يفكها سدق مريض فعقلو كثر من دارهم معارفاش غي الاعصاب لي محكمين فيه الشي لي خﻻ قلبها يتزير عليها:اياه هادي هي نعيشك بيخير ونعوضك.
نطقت باستهزاء:وﻻ صافي ساﻻت سبعيام الباكور كيف كيقولو.
هزت عينيها فيه محملش ديك الشوفة شرشمات ليه الضمير:نبغي غانقوليك اولد الناس الطريق لي ﻻقاتنا تفرقنا ﻻكنتي اتبقا حابسني كيكنت قبل متاخدني نقولها ليك من هنا غي ردني ليهم ﻻهوما دل والديا وﻻ لبراني.
عهد:ياك دابا انا وليت براني.
ضورت عينيها للزاج مجوباتوش وكتبان ليه كتحرك فكها مرة مرة عاد بدا كيرجع شنو دار تنهد ومد يدو لكتفها:حبيبة.
تحركات بنترة باش ميقيسهاش:بعد مني.
عهد:مقسدت والو نتي معرفتكش كيكتفهمي.
مﻻك:لعمر لي عشت خﻻني نفهم الحاجة من جميع النواحي ولكن نتوقع حاجة وحدة.
عهد مسح وجعو بيديه بجوج كيسوط:وشنو فهمتي.
مﻻك هزت كتافها بﻻ مباﻻت:انك بحال والديا وكنترجم تصرفاتك بحالهم غي الفرق هوما مكنقدرش نهز فيهم الراس وﻻ نجاوبهم ونتا اه عرفتي عﻻش.
عهد:حيت انا كترتاحي معايا.
شافت فيه غي بجنب:ﻻ حيت عارفاك ولو شنو مادرت كتسمح ومكعاقبش من بعد اما هوما كنت كنتعاقب كل نهار على غلط بسيط.
عهد:يمكن كون كنتي تهضري وتجابهي معاهم بحال معايا مكانوش يعاقبوك ديما.
ضحكات باستهزاء ورجعت شافت لزاج:جربتها مرة وخديت عقاب كبر.
عهد ديمارا:واش كانو كيضربوك.
مﻻك:تمنيت يضربوني.
عهد:شنو كانو كيديرو.
عينيها غرغرو:بزاااف.
عهد:مثﻻ.
مﻻك:بحال نهار تهازيت معاهم فالهضرة النهار كامل وانا فبيتي فاش كنخرج مكين غي التخنزير والنخال ولي جا يقولوها ليه.
بلعت غصة وكمﻻت:كانو يعاودو للي يسوا ولي ميسواش ديما يبينوني خايبة ومكين غي المعيور وكانو يحرشو عليا خوتي زعما باش يقسحو معايا ساعة مكانوش كيتسوقو ليهم فخبارك قبيلة قبل متجي يسحابوك جريتي عليا.
عهد باستغراب:كيفاش كيفاش؟
مﻻك:غا شافوني كحلو بالعما بحاﻻ جاية كنسعاهم.
عهد:واش عليها مبغيتيش تباتي.
مﻻك:اه بغيت نمشي عند خوتي ساعة صافي بﻻش.
عهد:عﻻش انديك عند خوتك.
طاحو دموعها بشوية:ياك قلتي مغدينيش.
عهد:وافلحضة غضب.
شاف لعندها لقاها كتبكي بشوية غمض عينيه وحلهم بقلة صبر:واش غتبداي تبكي على اي حاجة عيقتي.
مﻻك:اهئ معرفتش هاد البكا كامل وكنحس بحاﻻ مكنبكيش اهئ.
عهد:ولهﻻ يزيد كثر سكتي دابا من لبكا.
بدات كتمسح وجها:اديني دابا عند خوتي؟.
عهد:اه غاسكتي عندمن اتمشي لول.
مﻻك:انمشيو عند خالد ونعيطو ليهم يتجمعو عندو.
عهد:واخا لي بغيتي.
كسيرا لعند خالد هبطو ومشاو كانت بتي فيﻻ زوينة مشاو صوناو تسناو شوية وكيسمعو لمشي كيقرب عاد تحل لباب كان خالد شافهم وضحك تالودنيه:مرحبا مرحبا.
وبعد باش يدخلو مﻻك دخﻻت تعلقات فيه عنقاتو وسلمت عليه عاد دخلو سلم على عهد تاهو والابتسامة مفارقاتش وجهو فرحان اول مرة تجي عندو هي وراجلها
حليمة من لبعد شافت عهد وطارت لبيت جبدت عباية وشال لواتو عاد جات سلمت عليهم كضحك جلسو فالصالون وبعد السؤال على الاحوال نطقات مﻻك:احم خالد كون غي عيطتي لدراري يجيو.
خالد:ههه ﻻش باغة تجمعينا اجنية.
مﻻك:هه والو غي غدا انمشي وجيت ندوز عندكم بدل مندوز عند كل واحد بوحدو نتجمعو.
خالد:اه هي غدا غادين.
مﻻك:انشاءلله.
خالد بابتسامة:ايوة الله يديكم على خير هي اتولي حاجة.
مﻻك:ههه بحال داكشي.
خالد:حليمة جيبي ليا التيلي.
وغمزها باش تحشم تنوض توجد شي حاجة وهي عجبها لحتيت مشات جابت ليه تيليفونو ومشات للكوزينة اما خالد عيط لخوتو كاملين