الملتزم السادي ♡بالدارجة♡

الجزء 130

539❤
مشا معندو ميدير ليهم خصوصا شاف الغالية وهو عارفها مرت فؤاد مكيحملهاش(من بعد وتعرفو عﻻش)
تحل الباب وعهد قفز شاف فيهم خارجين وكيحيدو فالكمامات وكيضحكو بالرغم من التعب لي بادي عليهم الطبيب شاف ففؤاد:نبغي نبشركم ان العملية نجحات والمريضة مبقا عندها تاشي مشكل حاليا غنخليوها واحد96ساعة تحت المراقبة ومغيدخل عندها تاحد حيت مناعتها غتكون ضعيفة وعاد غتبقا مخدرة هاد المدة كاملة حيت راه تعاملنا مع راس بشري مشي يد او رجل غنحولوها لغرفة تانية بالامكان تشوفوها من الزاج.
الغالية بدات كتحمدالله هي وفؤاد اما عهد مدار تارد فعل بحاﻻ كان ماكد انها غتنجح لكن هادشي مكيعنيش انه مشكرش الله وحمدو بالعكس من سمع نجحات وهو كيحمدو
فؤاد شافيه:مغتمشيش.
عهد:اه ولكن ماشي للوطيل غي سيرو نتوما رتاحو.
فؤاد:ﻻش فين اتمشي.
عهد:بﻻصة شحال هادي ممشيت ليها.
فؤاد جر الغالية:خبارك راغتوصلني معرت ﻻش كنسولك.
عهد ضحك ومشا حيد دك الحوايج وخرج بانو ليه غادين بيها بالزربة ودخلوها لغرفة قريبة وسدو الباب مشا كيشوفها من الزاج بانو ليه كيقادوها فالسرير وراسها كامل مغطي كيبان غي وجيها وديرين ليها جهاز التنفس وخرجو سدو الباب بقا حاضيها عيا ومشا جاب كرسي داه النعاس تما تاحس بيد حركاتو هز عينو لقاه جايمس:على سﻻمتها.
كيحك عينيه:شكرا.
جايمس:يالله مغتمشيش.
عهد:اه انمشي واخا توصلني.
جايمس:اه يالله.
عهد:باقي عاقل على الطريق.
جايمس:طبعا اوطيل ----- شكون ميعرفوش.
عهد:مغنمشيش للاوطيل.
جايمس:وفين باغي تمشي.
عهد:لشقتي ياك باقة.
جايمس ضحك:اش فكرك فيها.
هز كتافو:توحشت دوك الحيوط وعاد بغيت نقادها باش فاش تفيق مﻻك نديها ليها ترتاح فيها.
جايمس:بالنسبة لتقاديد راموصي وحد الخدامة كل سيمانة كتمشي تنقيها.
عهد:وعنداك تكون تهز شي حاجة من تما.
جايمس:ﻻ.
مشاو لحي راقي ووقفو قدام بناية عبارة عن مجموعة من الشقق
وجايمس شافيه:مكرهتش ندخل معاك ولكن انمشي تالمرا خرا نخليك ترتاح السوارت اتلقاهم عند الحارس رامخليهم عندو كيعطيهم للمرا لي قلت ليك كتجمعها.
عهد:ويعقل عليا زعما.
جايمس:هانا انهبط معاك اسيدي.
هبطو ومشاو دخلو لقاو الحارس جالس كيتفرج ممسوق ﻻ لي داخل ﻻلي خارج وجايمس نغزو:هيي فريد.
شافيه ووقف:هاي بيخير عليك.
جايمس نعت لعهد:هادا مول الشقة لي كتجي ليها دك المرا عطيه السوارت.
جبدهم من مجرو:واش موﻻها باعها ليه.
عهد شد منو السوارت:ﻻ مبعتها لتاحد.
الحارس طلعو وهبطو:والي نعقل انا موﻻها مكنش قد هوك كان غا صغيور.
جايمس شاف فعهد:سير ترتاح راهادا مسالي معندو ميدار.
عهد ضحك ومشا طلع لشقتو حل الباب وشعل الضو ضور عينيه وتبسم تاحاجة ممبدلة بالرغم من السنوات لي دازو بحاﻻ عاد البارح دخليها سكران باش ينعس على تصاورها لي ماليين بيتو ويخرج تاني باش يسكر
تمشا للبيت شعل فيه الضو وزادت بسمتو كثر فاش لقا تصاورها باقين خرج طفا الضو برا وحيد حوايجو بقا غي بلبوكسر وتخشا فالفراش ودار يدو تحت راسو وكيشوف فالحيط لي مقابل معاه كاانت صورة ليها شادة الحيط كامل ضار للحيط الايمن تاهو نفس الشي وشاف فليسر تاهو فيه صورة ليها غي هي صغيرة شوية حيت دير باب كيخرج للبالكون كانو صور كلهم جايبهم ليه جايمس فاش كان مراقبها هز عينو فالسقف وبقا ساهي فصورتهم كانت نفس الصورة لي عزيزة عليه وقريبة لقلبو بزاف صورتهم فاش اول مرة لقاها بقا كيشوفيها وكيتفكر دوك الايام حتا داه النعاس فاق غا على التيلي كيصوني لقاه فؤاد وجاوبو:الو ياك ﻻباس.
فؤاد:ﻻ والو باس غا بغيت نسول فينك.
عهد:انا فواحد البرطمة كانت عندي شحال هادي هنا.
فؤاد:اه مزيان غي متغبرش وصفي.
عهد:اه ضروري.
قطع معاه ورجع تكا
تكا احنيني راك عيتي 😈😈😈