الملتزم السادي ♡بالدارجة♡

الجزء 41

164/163
وتبسم ليها:اشنو نعيط ليه يخرجك تاني بان ليا عاجبك الحال معاه نيت تعرفو كثر.مﻻك دغيا شافت فيه بخوف وحركات راسها بالنفي:ﻻ مبغيتش اصﻻ مكين ﻻش نزيدو نتعرفو.قطب حجبانو باستفهام:ﻻش هاد الهضرة واش دار ليك شي حاجة قلقك.مﻻك بتوتر ﻻكن عايق بيها حيت حافضها كثر من راسو:ﻻ مدار ليا والو انا مبغيتوش وم.قبل متكمل قاطعها فاش ناض:مﻻك واش دار ليك شي حاجة ياك عاد فاش جا كنتي كتباني فرحانة وعاجبك الحال.مﻻك حنات راسها حابسة البكية عرفاتو مغيوقفش معاها وتاهو باغيها تزوج بيه:ﻻ والو غي متفاهمناش.خالد جلس قفازي:شوفي فيا اختي وهضري.مﻻك داغي شافت فيه وحدرات عينيها ونطق ببرود:واش دار ليك شي حاجة معجباتكش واش شفتي فيه شي حاجة خايبة ﻻ متفاهمتوش راباقين ليام قدامكم اختي فين تعرفيه مزيان ماشي يومين هوما لي غيحددو انكم ممفاهمينش.مﻻك بزز حابسة البكية ومكتشوفش فيه باش متفرغعش:ﻻ غي مبغيتوش مبغيتوش عفاك عاوني.خالد ناض كيمشي ويجي عرفو غيكون دار ليها شي حاجة وعارف مﻻك مادامها ساكتة وكتداعي غي متفاهموش حيت حشمانة منو تقول شنو دار:متخافيش ﻻمبغيتيهش تاواحد مغيبززو عليك ماحدني عايش.ناضت عندو:بصح ولكن با ومي مغيبغيوش.شافيها مطوﻻ:راهضرت معاك والواليد والواليدة متخافيش من جيهتهم اصﻻ مغنقولش ليهم نتي لي مبغيتيش سيري رتاحي وكلمي ليا معاك حليمة.بغات تنطق وشافيها بحدة عرفاتو معصب ولكن معرفاتش عﻻش خافت غاليكون بسبابها حيت مبغاتش تزوج بيه وهو كان فرحان غيعطيها لواحد يستاهلها.خالد كيخرجات سدت الباب بدا كيبدل بالنترة وكيجبد نمرة عهد يصوني ليه وهي تدخل حليمة وحبس شافيها هاز صبعو:دابا بغيت تمشي تقلقلي ليا شنو مقلق ختي ماعرت مالها.حليمة قربات ليه وباست الصبع لي هاز عليها تاهبطو وشداتو من خصرو:مال حبيبي مقلق تاوﻻ يهز عليا فصبعو..... يتبع

165
خالد تنهد وحاوطها بيديه:مماليش مﻻك مبقاتش باغة عهد ومعرفتش مالها بحاﻻ وﻻت خايفة منو وﻻ منعرف شنو دار ليها.حطت دقنها على صدرو كتفرنس:ههه كون راها عاد سرات معاها ليلة الدخلة وبلي داك الكاميو كامل غيتساطح معاها.ضربها فترمتها بالجهد تانقزات كتحك فيها:يالبقرة راكنقوليك باينة مقلقة منو وحشمات تعاود ليا ونتي كتقولي ليا ليلة دخلة وﻻ خرجة بحاﻻ نتي مدزتيش منها.عوجات فيه شفايفها بتمياق:ايوة صافي دكرنا السمن والعسل.بدا تيضحك:واااع ايييي ﻻ صافي غنموت واااباااا اييي الموت جاية ناري ايييي اشهد ان ﻻاله اﻻ الله هههخخهه.حليمة ضرباتو بالمخدة وغادة خارجة:تفو على غنس كيداير ندمتيني غاع.بدا كيغوت عليها:ههه واعنداك تنساي شقلت ليك.قالت ليه واخة ومشات سادة عليه الباب وهو تنهد كترة الهم كضحك هز التيلي ودوز نمرتو بدا كيصوني شحال عاد جاوبو بصوت مبحبح:الو وي.
خالد:عهد صباح الخير سمحليا واقيلة فيقتك.عهد ناض جلس كيتفوه:خالد خويا ﻻباس ﻻ هانية اصﻻ خاصني نفيق ونيت كنت غنعيط عليك بغيت نخرج مﻻك النور ليوم شوية.خالد زير على يديه:ﻻ مغتخرجش معاك ونيت معيط ليك على قبلها التسعود نتﻻقاو فالكافي ديال البارح عهد يالله غيدوي يستفسر قطع عليه وبقا كيشوف فتيلي جامع حجبانو باستغراب وجبد شي حاجة فتيلي بقا كيشوفيها شحال مبتاسم عاد ناض لدوش وتفكيرو غي فشنو بغاه خالد تامن صوتو كيبان طالعة ليه كمل وهبط فطر كانت قريبة نيت التسعود وقرر يمشي يسبقو يتسناه ساعة وصل لقاه تما تاهو ومشا سلم عليه وسولو:احم فاش بغيتيني.خالد بقا كيشوفيه ومخنزر:شنو درتي ليها تامابقاتش باغاك.عهد هبط حواجبو بجمود:كيفاش شكون علامن داوي.
خالد:مالك اصحبي عﻻمن غنكون داوي على مﻻك.عهد بخوف مخفي خاف تكون دارت ديك الهضرة لي قالت:عﻻش كيفاش مبقاتش باغاني..... يتبع

166
خالد تنهد:معرفتش تانا بحالك عاد قبيلة جات عندي قالت ليا مبقاتش باغاك سولتها قالت ليا متفاهمتوش.شافيه بشك:واش درتي ليها شي حاجة.عهد غي مصمك مسحابهاش غديرها بصح ومدامها قالتها لخالد لي باينة عزيزة عليه اﻻ وغيدير المستحيل باش تبقا على خاطرها وزاد اكد ليه فاش كمل كﻻمو:سمعني نقولك ماشي سوقي فشنو درتي ليها بقدر مكيهمني راحة ختي وﻻ مبغاتكش انا غنوقف معاها يعني بﻻما تقول والدينا غيبززو عليها.عهد تنفس ونطق:دابا منقدرش نهضر معاها.خالد كيشوفيه شحال:ﻻبغيتي تهضر معاها مغنخليكمش بحدكم وهادشي اﻻ بغات تخرج بعدا حيت بانت ليا قبيلة كتهضر وبحاﻻ مبقاتش حامﻻك.عهد ضرو قلبو فاخر كلمة قال شي لي ﻻحضو خالد:شنو درتي ليها قوليا باش نلقاو حل حيت نجيك لصراحة باغيك نتا لي تاخدها كتبان ليا كتستاهلها ولكن منقدرش نبززك عليها حيت هيا لي غتعيش معاك.عهد بصوت مخنوق:واخا نشوفها ونهضرو.
خالد:ﻻ خلي تالمن بعد را ماجاتش تبقاو تخرجو كل نهار.عهد بترجي:غي نهضر معاها ونفهم منها مالها.خالد كيحرك راسو بالنفي:ﻻ من الاحسن بﻻش راك عارف الدار والجيران غيبقاو يهضرو ونتوما عاد مخطوبين باقي مكامﻻش تاسيمانة هضر معاها فالتيلي ياك جبتيه ليها.عهد غي كيتنفس بالجهد وكيحس بقلبو غيسكت خالد بقا كيشوفيه شحال طبطب ليه فكتفو وعهد شافيه:ربي يدير لي فيها الخير انا جيت غي علمتك شنو قالت ماشي صافي فسخنا الخطبة هضر معاها وباقين ليام تلاقاو وتزيدو تفاهمو وﻻماكانتش مكتابة ليك راخصك ترضى بقضاء الله.عهد شافيه وعينيه حمرين حاس بغصة واحلة ليه وعينيه كيحرقوه باغين ينزلو الدموع وحابسهم عﻻش متكونش مكتابو عﻻش يقول هاد الهضرة ﻻش ميقولش غتكون ليك ياك هو لي صبر سنين كيتسنا فيها تكبر وشحال تعدب باش ينساها ومقدرش ديما عيونها فمنامو عﻻش تاقربات تولي ليه.... يتبع

167
عاد تمشي تاني ويمكن ميبقاش عندو امل عﻻش وعﻻش ولسانو مربوط مقادش يدوي كيجي يهضر وكتحبسو ديك الغصة لي واحلة ليه خالد شافو هكاك تنهد:يالله هاني مشيت نتمنا تعرف مالها وتصلح الامور.ومشا ركب فلوطو ديالو مخلي وراه قلب مكسور هادشي غي عرف بلي مبقاتش باغاه اما ﻻصافي فسخو الخطبة وشافها بين يدين واحد اخر غيموت مفيهاش شك ضار لوطو ديالو وركب ديمارا ومشا للدار دخل غي ساهي مسمعش مو لي كتسولو واش مغيتبعش باه للشركة شافتو هكاك وتبعاتو.نخليوه ونرجعو عند مﻻك لي فاش خرجات من عند خوها مشات لبيتها وتفكرات تيلي لي جاب ليها مبانش ليها ودبﻻت مﻻمحها تسحابو صافي خداه تاخرجات عينيها مصدومة فاش بان ليها واحد اخر فوق المكتب مشات ليه هزاتو كان ديالو عرفاتو حيت فايتا شايفاه هازو وركات عليه لقات فليكرون تصويرتو هو وطفلة ضاحكين كان باقي صغير هو وشافت فالطفلة وخرجات عينيها هي نيت وبداو كيجيو ليها شي دكرات من ديك الليلة حيت مبقاتش عاقلة على غاع الاحداث تفكرات فاش كانو تصورو متسحابش غيكون باقي محتافض بيها بدون شعور تبسمات وقاست ليكرون وطلع ليها خاصها دير لكود جاها لفضول تعرف شنو عندو وتسغفرات الله وحطاتو جمعات يديها وضارت غادة بحالها وتفكرات تيليفونها:زعما يكون تغالط ليه وهز ديالي ولكن باين ديالي انا غوز وهو كحل اففف ﻻ ﻻ منقدرش نصبر.ومشات هزاتو وكتبات فالكود سميتو وطلع غالط كتبات سميت مو وباه وتبلوكا عطاوها خمس دقايق تسنا عاد دير واحد اخر وبقات كتسنى تكمل وكتفكر فشي حاجة يكون دايرها يالله سﻻت المدة وغتكتب وهي دخل عليها حليمة مدرمة وحطاتو مﻻك بالزربة وغطاتو بضهرها حليمة جلسات فالسرير ومﻻك مشات حداها بعدما كحزات عليه كتاب باش ميبانش:مالكي داخلة عليا كيالتران.حليمة كتفرنس:ياختي توحشتك وجيت نجلس معاك نقرقبو.... يتبع