الملتزم السادي ♡بالدارجة♡

الجزء 109

453♥
هز فيها حاجبو:دغيا وﻻ ديالك
شكون قالك راديالك راغمسلفو.
مﻻك:قاﻻ ديالي.
عهد:راماشي ديالك.
بدات تعوج ففمها وﻻت حمرا اتبدا تبكي وهو يلسقو معاها دغيا تقلبت كضحك:الله يستر ياك عاد دابا كنتي اتبكي.
مﻻك:هه زوين ياك ديالي.
عهد:واييه ولكن بان ليا انزاوطو ملي وليتي تعنقيه وتبوسيه.
قربات باستو فحنكو بقوة:ههه شكرا.
بدات كضور عينيها تاني فالبيت وبانو ليها باطات تاع الشكﻻط وحداهم ديبواط مغلفين ببابيي كادو ومشات ليهم:شنو هادشي.
عهد:ديالك.
مﻻك:بصح كلهم.
عهد:تانا ديالك غاتهناي.
مﻻك:هه نتا هو كلشي.
تبسم ومشا جلس حداها ودفع داك الدب ندم ﻻش جابو ليها غاع واخا هكاك عاود جراتو حداها كتخشي الشكﻻط ففمها وكتحل فلي بواط اللولة كانت فيها ريحة راقية وهادءة بحالها رشات منها عجباتها تاهو بقا غي كيشمشم فيها مع خداها ليها ودارها ليها فعنقها بقا خاشي وجهو تما حﻻت وحدة اخرى لكن كانت عبارة عن بحال البرية حلتها لقات فيها ورقة حﻻتها وبدات كتقرى وضارت شافت فيه مصدومة:غنكمل قرايتي.
عهد:ههه ﻻ غتجلسي فالدار خدامة.
تﻻحت عنقاتو كتبوس فيه:شكرا شكرا بزف بزف بزاااف.
طلقاتو وحطات هاديك جنب وهزها:الالة هادي راماشي ورقة عادية خبيها رابزز جبناها ليك ونتي ﻻيحاها رالمكانتش والله ﻻدخلوك.
مﻻك ممسوقاش كتقلب فلي كادو لخرين:خبيها عندك خبيها.
عهد ناض خشاها فالمجر فين دارو ليه وراق الخدمة وبدا كيحيد فالفيسة تاحس بشي حاجة فالجيب قلبها لقاه الكادو لي عطاه البوص ومشا مدو ليها كانت جبدت كلشي وكتشوفيهم وتقلبهم كانو اغلبية هدايا راقيين بحال طقم خفيف بحال لي كان جابليها فالخطبة وجاب ليها تاواحد الكسيوة باينة ديال الخارج خبات كلشي حتا مد ليها ديك البواطة وشافت فيه بعويناتها لي كانو كيبريو منلي دخﻻت لهاط الطاج بالفرحة:هه باقي مبغاوش يتساﻻو الكادوات.
عهد:ههه باااقي الخير.
شدتها منو وحﻻتها وتاهو كيطل شنو كاين حﻻتها كانت سلسلة ديال العنق من بالدهب الابيض وزمرد احمر مصاوب بدقة ورقي واحترافية مجات فين تفرح بيه تاشدو منها كيقلب فيه وعينيه كيزوميو باغي يتيقن من شنو كيشوف حتا حل عينيه :زمرد بصح.
مﻻك:كيفاش.
عهد:والو.
حطو ليها فيديها وخدا ليها لبواطة خﻻها وبعد شوية بدا كيقلبها ضغط شوية على فين كان محطوط غي بونجة وهزها وفعﻻ لقا لي كان باغي كانت ورقة حلها ولقا فيها منين تصاوب داك العقد وفيه حتا اسم الصانع لي قادو لكن مفيهش اسم منين جا داك الزمرد عهد بقا كيحك دقنو ومشا هز تيليفونو وسيفط مساج لجايمس وحط التيلي جنب وشافيها هي لي كتقاد فداكشي وكتقيس فيه ممتيقاش قرب ليها باسها فراسها:عجبك هادشي.
مﻻك بفرحة:بزاف.
ضارت عندو:ولكن عﻻش.
عهد:فرحان.
مﻻك:ههه ايوة الله يخليك ديما فرحان تبقا تجيب ليا بحال هاكا.
عهد:ياك بحاﻻ عمري جبت ليك شي حاجة.
مﻻك:هه ولكن ماشي بحال ليوم قولي عﻻش فرحان.
شد وجها بين يديه:حيت ليوم النهار لي تخلقات فيه احلى واغلى حاجة فحياتي مكرهتش نجيب العالم كلو تالبين يديك.
مﻻك غي كترمش عاد حﻻت عينيها:اويلي عيد ميﻻدي نسيتو غاع.
عهد:ههه على سﻻمتنا.
مﻻك:ياه كملت عشرين دغيا كبرت.
عهد:وايلي بصح كبرتي مكنتش عارفها.
مﻻك:والله تانسيت اصﻻ فين عمر دار ليا شي حد شي حاجة خوتي مساكن كانو يجيبو ليا الكادوات والحلوة كتندمني ماما عليهم.
عهد:صافي مبغيت تاحاجة تخصر لينا ليوم وخوتك كانو باغين يجيو ليوم يحتافلو معاك ولكن طلبت منهم نبقاو انا وياك بغيت نكونو بحدنا اليوم.
تبسمت ليه:لي بغيتي وشكرا بزاف.
عهد:فرحانة.
مﻻك:فوق القياس معرفتش شنو ندير باش نشكرك شحال من حاجة مكنتش متوقعة نعيشها عشتها معاك.
عهد:باغي قلبك احبيبتي.
حط يدو جيهة قلبها ومع الانسة مﻻك عقلها خامج