الملتزم السادي ♡بالدارجة♡

الجزء 43

172
وجهها وحﻻتو كانت حليمة وقالبة عليها وجها زعما مقلقة وهازة زنافرها لسما:تكلمي لخالتي قالت ليك راتعطلتو.مﻻك خرجات تقابﻻت معاها:حليمة واش مقلقة مني.حليمة شافت فيها وتنهدات:اه حيت اول مرة تديري ليا بحال هكاك وانا لي مدايراك بنتي كان بامكانك تقوليها ليا بشوية بﻻما تنهزريني.ومشات خﻻت مﻻك شاداها البكية.نمشيو عند عهد لي مع دخل لبيتو تﻻح فوق السرير مغمض عينيه وبداو كيطيحو شي دميعات وكيبلع ريقو بزز وراسو خدام غيطرطق ماباغيش يفكر مجرد تفكير انها ممكن تخليه حل عيونو على اثر يد حنينة تحطات عليه كتمسح دموعو شافيها ونطقات بحزن:مالك اولدي.عهد تغعد شوية حط راسو على الكادر وشافيها كيسرط ريقو وهضر بصوت مغنغن:غتخليني اميمتي غتخليني.وتفرغع بالبكا ودار يدو على وجهو بحال شي دري صغير وشمس تاهي دموعها طاحو وعنقاتو عمرها شافتو كيبكي معارفاهش بلي كﻻ نهار كان كيبكي طلبا انها تكون ليه يمكن ليﻻت لخرين لي ضمن انها ليه هوما الوحيدين لي مبكاش فيهم:شش اولدي شكون بعدا.عهد كيبكي وكيزيرها عندو عندو:مﻻك النور صافي غتخليني غنموت والله تغنموت ﻻمشات من يدي.شمس هزات ليه راسو باش يشوفيها:استغفر الله اولدي شكتقول ﻻ نتا غتزوجها ﻻش كتقول هاد الهضرة.عهد كيحرك راسو بالنفي:ﻻ ﻻ انا صافي خسرتها.
شمس:ششش دابا ﻻش كتقول هاد الهضرة.عهد بعد كيمسح وجهو ولكن دموعو مبغاوش يحبسو:قبيلة هضر معايا خوها قاليا صافي مبقاتش باغاني غنحماق.وناض كيمشي ويجي فالبيت:غتخليني غنموت مفيهاش عﻻش تاتنقرب نشدها وكطير عﻻش ياربي عﻻش.وبدا كيغوت وكيضرب فصدرو شمس تخلعات عليه ودايرة يدها على فمها كتبكي صفاء سمعات الغوت هي وسارة وطلعو لقاوه بدا كيضرب اي حاجة جات قدامو وكيردد كلمة وحدة غتخليني شمس شافتهم ونطقات بالزربة:قولو لكارد يطلعو يشدوه غيادي راسو.مع........ يتبع

173
مع كمﻻتها سمعو ردخة ضارو وشهقو وشمس غوتات حر جهدها:عااااااهد.ومشات كتجري لعندو هي وصفاء اما سارة هبطات كتجري ومخلوعة عليه قالت لكارد لي كانو تاهوما داخلين فاش سمعو الغوتة شنو وقع وطلعو كيجريو دخلو لقاو شمس معنقا ليه راسو وكتبكي وكتمشي وتجي:نوض اهئ اولدي والله تاتكون ليك اهئ غانوض اهئ.قربو ليه شافتهم وبعدات وبان وجهو كان الدم كيخرج من نيفو وفمو صفاء شافتو هكاك زادت فالبكا هبطو هزوه ومعصرين معاه وتبعوهم شمس وصفاء لي جبدات التيلي كتعيط لباها وخوها يجيو قالتها ليهم وحطو داكشي لي كان فيدهوم وتبعوهم لكلينيك لقاوهم كيتسناو شي خبار عليه كانو مدخلينو للبلوك حتا خرج الطبيب ومشاو عندو وشمس كتبكي:امضرا شنو عندو ﻻش دخلتوه هنا.الطبيب بحزن بقات فيه حيت تاهو كان باقي صغير ماشي شي واحد شارف:الحمدلله دابا حالتو مستقرة.
محمد:شنو عندو.الطبيب حول نضرو ليه:جاه نزيف جيهة القلب قريب للشرايين الحمدلله جبتوه قبل ليوصل الدم ليهم يخنقهم.اسامة باستغراب اش جاب شي لشي هو غي محملوش حيت بان ليه صغير وعينو كتمشي مرة مرة لسارة لي عاد تبعاتهم:ولكن كيدار تاولى عندو النزيف تما المفروض ميكونش فداك المستوى على حساب هضرتك وقالت ليا الواليدة بلي كان كيبخ الدم من فمو ونيفو يعني حتا رية ديالو غيكون فيها نزيف.الطبيب خشا يدو فجياب الطابلية:اه عندك الحق والابن ديالكم كنضن تعرض لصدمة قوية خﻻت قلبو يضرب كانه فخطر ولكن الاصابة لي عندو هي لي خﻻت ان داك الجهد والضغط ديال الدم يتدفق منها بمعنى اخر يمكن هي لي عتقاتو ان الدم ميطرطقش العروقة اوﻻ يبوشيهم وبهدا الاصابة لي كانت مخيطة عاودت تحﻻت وخﻻت ان الدم يخرج منها اما انه بخ الدم من فمو فحاجة عادية وتامن نيفو نوغمال فبحال هاد الحﻻت.كمل وهز حواجبو فاش شافهم حالين فيه فمهم ونطق.... يتبع
عقلتو على الضربة لي كان كلاها عهد فصدرو ملي ضربوه هادوك لي خطف ليهوم بنت داك البوص برصاصة فصدرو اوا هاديك هي البلاصة لي تحلات ليه وكامو مخيطينها ليه لمهم البارت الجاي غايشرح فيه الطبيب الحالة ديالو ونتوما حلو فمكوم حيث نتوما لي ضربتوه ليا بالعين مسيكين

174
ونطق باستفهام:مالكم واش كاين شي موشكيل فهادشي لي قلت.محمد كيحاول يستوعب:على اشمن اصابة كتدوي ولدي عمرو دار عملية.الطبيب كيشوفيهم باستغراب لقاهم كلهم بحاﻻ مصدومين:المريض منين تسرب ليه الدم كانت البﻻصة فايتة محلولة ومخيطة.محمد قرب لعندو ممتيقش ايمتا ولدو دار شي عملية وعﻻش وفين كل هاد الافكار كيضورو فدهنو:شكاتقول عنداك تكون غالط.الطبيب تنهد:اشمن غالط راخدمتي هادي والمريض لي لداخل انا متاكد مية فالمية انه داير عملية فديك البﻻصة حيت ميمكنش يتفزرو دوك العضﻻت بسهولة انا نعطيك مثال ﻻشدينا ميكة وشرغناها من جهة وعاودنا كويناها باش تسد خليناها حتا كرمات وجينا عمرناها بالما وسدينا عليها مزيان وبقينا كنوركو وكنعطيوها فالضغط فنضرك واش غتفرغع.محمد غي كيشوفيه عقلو حابس مفيه ميخمم ونطق الطبيب مكمل كﻻمو:اكيد مغطرطقش داك الضغط كيولي باغي يخرج من اي حاجة رهيفة وبهادا كيبقا بحاﻻ ياكل فديك البﻻصة حيت هي لي كتكون فيها عطب ومكتكونش طبيعية بل فايت ليها محلولة وعاودت تسدات وبهاذا كتكون هي اول متلقي للضغط فهمتو.وكيضور عليهم عينيه كلهم غي كيشوفو فيه جاب ليه الله بحاﻻ كيهضر معاهم بشي لغة اخرى وﻻ مفهموهش حيت دوا بزاف حتا نطق اسامة تاني:واش ممكن تعرف سبب ديك الفتحة عﻻش دارها.
الطبيب:ﻻ منقدرش نحدد لي خﻻه يديرها حيت مكاين تاشي اثر ديال شي مرض اوﻻ ولسيسة لي نقدو نقولو انه استاصلها ولكن كنضن انها يمكن شي ضربة مثﻻ بحال موس اوﻻ شي حاجة ضرباتو ودخﻻت ليه تما وباينة قديمة ويمكن فاش كانت كتبرى معطاهاش الراحة المهم سديناها ليه بالشيفة انشاء لله.ومشا بحالو شمس قربات لعند محمد وكتحبس البكية جراتو بعيد شوية وبدات كتعاود ليه على فاش جا وكان ساهي وفاش مشات عندو لقاتو كيبكي وشنو عاود ليها عاودات ليه غاع شنو وقع....... يتبع

175
شنو وقع حتا طرا ليه هاكا:شوف انا رامنقدرش نشوف ولدي هاكا تاينوض يدير فراسو شي حاجة وشكون قال غاع ديك الفتحة لي لقاو يكون بغا ينتاحر وﻻ شي حاجة بسبابها.محمد شافيها:نعلي الشيطان ياهاد المرة.شمس كتشوفيه شحال عاد نطقات:عيط ليهم قولهم بغيت نهضر مع مﻻك علله يتصالحو.
محمد:ولكن شكون قالك راهم مخاصمين.
شمس:وشنو كنخبر عليك انا من الصباح راخوها قاليه بلي هي مبقاتش باغاه علم الله شدار المسخوط دولدي.
محمد:ايوة هانتي عيطتي ليهم احقا والواد بغيت ندوي مع بنتكم واش مسطية مادامها هي لي قالت مباغاهش كيف قلتي واﻻبد مغتقول غيدويو معايا على عهد فكري فشي سبة.شمس كضور فعينيها:اممم قوليهم نخرجو نشريو للعروسات بما ان باقين واليديها معيطو موالو ادن مفخبارهمش عيط عيط.
محمد:ولدك فليغجونس وباغة تمشي تقداي للعريسات.شمس بتنهيدة وتبسمات:اه انمشي ونهضر معاها باش فاش يفيق تكون الامور مقادة واخا نعرف نبوس ليها رجليها.محمد ميق فيها:مﻻك غتخليك تبوسي ليها رجليها هادشي ﻻماباستهمش ليك هي باش يبعد منها ولدك.شمس ضرباتو بشوية فصدرو:عﻻش مال ولدي ميستاهلش.محمد كيضور فراسو لهﻻ يوريك اش يستاهل داك الولد هو عارف عهد غيكون قفرها معاها لدرجة مبقاتش حامﻻه ولي عارف انه ولدو باينة غيكون بسل معاها وﻻ شي حاجة بحال هاكا:امم يستاهل يستاهل شيجنية ياربي وتهنيني منو تفو ياربي السﻻمة كيطير من صغرو فرعون ومدارش فعايلو هاداك الولد عندك.شمس خرجات فيه عينيها:عيط ليهم طلقني شكتسنا.محمد جبد التيلي:هانا ناري سﻻمة ياربي بحالك بحال ولدك.دوز الخط لفؤاد وجاوبو من بعد السﻻم والسؤال على الاحوال خبرو يدوز الغالية لشمس وكل واحد عطا التيلي لمراتو وبقاو داويين وتافقو على الوقت وفين غيتﻻقاو وقطعو.شمس مشات قالتها لصفاء ومشاو لدار يبدلو يبينو بلي مطاري..... يتبع