الملتزم السادي ♡بالدارجة♡

الجزء 31

119
مخرجة عينيها عاد سرات معاها شنو قالت وبدات كتمتم:ﻻ انا مقصدتش.سكتها ببوسة تاتسمع الصوت ديالها ومسح فمو وشار بصبعو لفمو:باقي فيا العكر.حركات راسها بالنفي وهربات هابطة بحالها وتبعها تيضحك دخلو ومﻻك دخﻻت حانية راسها جلست بﻻصتها والغالية عاد تنفست.عهد مشا جلس تاهو بﻻصتو ومحمد قشع البﻻن غامن فم مﻻك لي منفوخ والعكر لي نقص شاف فولدو مخرج عينيه لقا جنب فمو شوية العكر وهز يدو غابالفن جابها ليه فتبو تاحوالو لعهد العينين وشد فيه كيبرد وقرب همس ليه:راك غانتا لي غتبقا بﻻ حفاد.محمد زاد لعندو تاهو مغدد:نيت حسن ميخرجوج جنون بحالك يشيبوني.عهد معصر:وغاعقل عليها الواليد والله تانقولها لشموسة ولقا عﻻمن تنعس ديك الساع.محمد ضور وجهو عليه ونطقات شمس بابتسامة كتشوف فمﻻك:ايوة ابنتي شقلتو واش تفاهمتو.مﻻك زادت تخشات فحوايجها مقداتش تنطق وضحك محمد بتغديدة:ههه حشمات مسكينة.عهد قاد الجلسة وحنحن:راه موافقة.محمد ضار عندو تحت سنانو:ههه بغينا نسمعوها منها.شمس لمﻻك:قولي ابنتي متحشميش رامعدناش حنا ديك السكوت عﻻمة الرضى.خالد طبطب ليها على يديها حيت كان حداها وهمس ليها:قولي اختي واش موافقة غي هضري متخافيش.شافت فيه بخجل وحركات راسها بايجاب وضحك ليها:هه ايوة قوليها ليهم.مﻻك رتاحت نسبيا فاش شافتو ضحك يعني تاهو راضي بعهد كون مكانش حاملو هو اول واحد غيشجعها ترفض شافت فيهم واحد واحد وحبسات عند عهد لي كيشوفيها بابتسامة ونطقات:اه موافقة.شمس ومحمد هزو يديهم:ايوة نقراو الفاتحة اسيادنا.كلشي هز يديه وقراو الفاتحة كملوها وبداو العيالات كيزغرتو وناضو الدراري من حدا مﻻك باش جلس حداها عهد وجابت الغالية صينية قادوها فيها الحليب والتمر معمر حطتها قدامهم وعهد جبد الخواتم حطهم اما السلسلة وحوالقهم كانو دخلوهم مع الكادويات لوخرين.... يتبع

120
لوخرين لي جابو ليها شربو لبعضهم الحليب مد ليها تمرة عضات نصها كانت غتمد يدها تهز وحدة باش توكلو تاهي وشافتو مادليها نفس النص شداتو من عندو ومداتو ليه لفمو حل فمو خشا التمرة وعضها بلعاني تاهربت يديها اما هو بدا كيتبنن:امم احح شحال لذيذ عندكم هاد التمر اخالتي.ضحكات ليه الغالية من نيتها:اييه اولدي راديال البﻻد هادا.تبسم ليها عهد وضار غمز مﻻك:اه شحال بنين.محمد كون لقا يشير عليه بسباطو كون دارها غاحشم.لبسو الخواتم لبعضهم وعهد فاش لبسو ليها باس ليها يدها مطوﻻ تافؤاد والغالية ضورو وجهم حشمو بﻻصتو اما مﻻك كون لقات الارض تشق وتبلعها طلقها على خاطرو.حطو العشا وتعشاو مجموعين الضحك والنشاط وناضو بغاو يمشيو بحالهم بكري مبغاوش يحرجوهم باش يطلبو منهم يباتو عارفين الدار صغيرة واخة طلب منهم فؤاد يجلسو يباتو مبغاوش وتحججو بلي باقي الحال.خرجو وعهد بقا متلي هو اللخر وشد مﻻك من يدها زير عليها بغات تحيدها وزاد زيرها تاشافت فيها وحرك غي شفايفو باش ميسمعوهش:كنبغيك.حدرات عينيها وخدودها توردو عاد طلقها ومشا خارج تاهو وكيدور كيشوفيها لقاها طلعات دخﻻت لبيتها سدت الباب ومشات كتجري طلات كيطﻻت لقاتو هاز راسو كيشوف فشرجمها ضحك ليها وسيفط بوسة فالهوا عاد دخل لوطو وديماراو مشاو بحالهم بقات حاضياهم تاغبرو ودخلات تاهي حيدات الزيف ومشات غسلت وجها من الماكياج مع خرجات مع دخلو عيالات خوتها والغالية هازين الكاديات لي جابو وحطوهم ليها فوق السرير وتستفو قدامها كي السردين اما الغالية مشات تبدل:حلي نشوفو شجاب ليك سي العريس.ضحكات ومشات كتشوف فداكشي بانت ليها بواطة طويل مستطيلة فالاحمر معقودة بشريط اسود بطريقة زوينة شداتها حﻻت الشريط وحﻻتها لقات ورقة مطوية مغطية داكشي لي لتحت هزاتها وحلت فمها فالسلسلة والحﻻقات.... يتبع

121
هزاتهم بين يديها وقربو عياﻻت خوتها حلو فمهم تاهوما:واو فنين.ضحكات مﻻك:اه زوينين.نطقت مرت يونس بمكر:شنو فديك الورقة.مﻻك عاد تفكرت الورقة نساوها سلسلة والحﻻقات بكثرة مزوينين حطاتهم وهزاتها يالله غتحلها ولقاتهم كيطلو باغين يقراو تاهوما وعاودت سدتها بالزربة:حشمو شوية اويلي.بعدو وبداو ينغزو بعضياتهم:وشوفي ليك الشنيولة.
حليمة:واييه مبقات تحشم راغنقولها لخالد جالس سي العريس كيسيفط ليك فالرسائل الغرامية ونتوما باقين مدرتو فالطاجين ميتحرق.مﻻك شدات الورقة عند صدرها وخرجات ليهم لسانها:ماشي سوقكم يالله سكتو قبل لنجري عليكم.هزو فيها حواجبهم فدقة:ياكي.ضضحكات عليهم ومشات حدا الشرجم تاهوما مقربوش حداها خﻻوها على خاطرها تاﻻمبغاتش توريهم هوما ماشي من النوع الفضولي ومشاو كيشوفو فدوك الهدايا لوخرين من بعدما خداو ادنها يشوفوهم معندهاش مشكل ﻻحلوهم بدلها مادامها عارفاهم ميهزو ليها والو.بقات كضحك عليهم حيت داكشي عجبهم وكيوريها اما هي مخﻻوهاش تحلها فخاطرها غي كتجي تحل تاكتنقز عليها شي وحدة كتوريها شي ثوب وﻻ ريحة وكتعاود تسدها تاني تاحطتها فالطابلة لي حداها ومشات كتشوف معاهم هوما لي تاحلو ليها كلشي عاد تهناو وجمعو ليها داكشي وخرجو خﻻوها بحدها وناضت كتجري مجات فين توصل وتهزها حتا تحل الباب ضارت شافت شكون وقفزات حتا طاحت ليها الورقة وشافتها الغالية ودخﻻت كتشوف فديك الورقة:امالكي بحاﻻ قاتلة روح شدكشي طاح ليك.مﻻك هزاتها بتوتر:والو غي والو.الغالية مشات عندها بغات تاخدها منها لقاتها مزيرة عليها شافت فيها هازة حاجبها عاد طلقاتها مﻻك حانية راسها الغالية يالله بدات تحل فيها وسوﻻتها:شنو هادشي شنو فيها.مﻻك بخوف ليكون كاتب شي حاجة ماشي حتا لهيه وبقا فيها لحال حيت ماشي هي لولة لي غتقراها:معرفتش لقيتها مع داكشي

122
الغالية شافت توترها وحبست الحﻻن:واش لقيتيها وسط شي حاجة من لي جاب ليك.حركات راسها بالايجاب والغالية حطتها ليها فيدها وتمات خارجة ونطقات كتسد الباب:غدا طلب من باك تكون اول رؤية شرعية غيمشي معاك خالد باش تﻻقاو.وخرجات بﻻما تسناها تجاوب سدت الباب ومﻻك مشات سداتو بالساروت بينما الغالية كانت باقة فالباب وتبسمات بحزن فاش سمعتها سداتو وتمشات لبيتها لقات فؤاد باقي فايق شافيها:مالكي.الغالية وهي كتسطح فالسرير:والو تصبح على خير.وعطاتو بالضهر ونزلو دموعها لي كانت حابسة اما فؤاد تاهو تكا وكيفكر فبنتو لي صافي قربات تخوي عليه خصوصا فاش صدمو عهد بلي من مور العيد الصغير غيديرو العرس ويديها تفكر المعاملة القاسية من جيهتو وجيهة مرتو كيقول اكيد متكون هازة فخاطرها من جيهتهم وكيصبر راسو بلي كون مكانوش كيعاملوها هكاك كون خرجات لطريق هادي الجملة باش كيصبر راسو بيها وتكا ينعس وسمع تنخصيص الغﻻلية وتنهد تيطبطب عليها ضارت عندو وتخشات فحضنو كتشهق تانعسو اما مﻻك فاش خرجات مها وسدت الباب من وراها بالساروت مشات جلست فالسرير على خاطرها وحﻻت الورقة وبدات كتقرا وكضحك:حبيبتي اتمنى ان تعجبك هديتي تمنيت ان البسها لك بيدي يا صغيرتي لو تعلمين مدى حبي لك فحتى لو لم تحبيني فحبي لك يكفينا الاثنين تمنيتك وطال الانتظار فﻻ تتوقعي مني ان اتركك بعد العداب.احبك♥اعشقك♥اهواكي♡مهووس بك♥ولو كان الموت سبيل رؤية عينيك لارتميت بين يدي عزرائيل اوﻻ.احبك يامﻻك النور الدي انار قلبي اعشقك يا صغيرة ايقضت رجﻻ في كياني اهواكي يارائحة البراءة انعشت فؤادي مهووس بك يا من تربعت على عرش قلبي.سدات الورقة وقرباتها لقلبها لي كان ايسكت معنقاها وكتفرنس وعاودات قراتها تاني وتاني وتاني ممﻻتش من كلماتو وممتيقاش شنو كاتب تكات وبقات كتقرى حتا داها..... يتبع