الملتزم السادي ♡بالدارجة♡

الجزء 129

535❤
مﻻك بقات غي كتشوف دخلو غي حد عنقها ودك لبﻻصة مضلمة كيبانو ليها غي شي خطوطة حمرين كيدوزو عليها تاحبسو وخرجوها لبسات وخرجات من دك الغرفة لقات باها كيدوي معا الطبيب ورجعو لمكتب الطبيب بقاو كيدويو تادخﻻت ممرضة هازة ملف كبير شوية عطاتو ليه ناض ومشا لواحد الحيط وشعل الضو مجهد فيه وبقا كيحط عليه لي سكانير ديالها تاكملهوم ومشا جلس وشافيه فؤاد:شنو بان ليك.
الطبيب حيد النضار وتبسم:هو بالصراحة عندها القضية مزيانة خص غي منزيدوش نتعطلو فالعملية محدو فهيجان حاليا حيت ﻻمشا تارغد تاني تما يقد يتخبا او ينتشر او يبدل لبﻻصة غاع يقد ميبقاش غاع فراسها يهبط ليها ليدها وﻻ لرجليها.
فؤاد:اه لكان هكا غدا دير العملية لمهم تبرا.
الطبيب:اه وخاص التحاليل تاع الدم لماكانش شي مشكل اتبقا عندنا واحد اليومين او ثلثيام باش تكون فكامل راحتها.
مﻻك:انا منديرهاش تايكون راجلي حدايا.
فؤاد:واش حمقة.
الطبيب باستغراب حيت دواو بالدارجة:واش كين شي مشكل.
فؤاد مخنزر فمﻻك:والو ادكتور غي بنتي.
قاطعاتو مﻻك للطبيب:مغنديرش العملية.
الطبيب:ممكن نعرف السبب.
مﻻك:راجلي فالمشفى ومغنديرهاش تايصح ويكون معايا.
الطبيب:ﻻش واش عندو شي حاجة غراف.
مﻻك:اه البارح عاد دارو لو عملية مضروب فجنبو وانا ﻻماكنش معايا مغندير والو واصﻻ تاهاد المجية مكنتش غنجي لو كنت عارفة.
الطبيب:ولكن واش ايتعطل فالشفاء انا قصدت زعما يكما فغيبوبة او شي حاجة خرا.
مﻻك قلبات عينيها:الله ينجيه يخ فمك ﻻحسو كلب.
نطق فؤاد:ﻻ راشي ثلثيام ربعيام يصح.
الطبيب:اه صافي يعني مكين تاشي اشكال غي متعطلوش.
فؤاد:اه غدا انجيو باش نكملو.
مﻻك:تايكون راجلي.
فؤاد شافيها بحدة اينطق وقاطعو الطبيب:اه الى كان ايريحك وجودو جنبك فهادشي لصالحك ولصالحنا اننا منلقاو تاشي مشكل الاهم تكوني مرتاحة.
شاف
ففؤاد:المهم التواصل بيناتنا غي متعطلوش.
حرك راسو بالايجاب وشكرو وخرجو مهضرش معاها وتاهي مهضراتش معاه اصﻻ من ديما مكيهضروش مع بعضياتهم بزاف بحال الغراباء ديرين
طلعو ومد ليهم اسماعيل شاسيات فيهم الماكلة كﻻو بينما هو ساق للاوطيل مﻻك شافت وصلو للوطيل وشافت فباها:مغنمشيوش عند عهد.
فؤاد:ﻻ قالك فاق ونعس تاني تالصباح عاد يفيق.
مﻻك دبلو مﻻمحها مكرهتش كون كانت فاش فاق طلعو حيدات شالها وجلست فالسرير:واش مالقاوهش.
فؤاد:شكون.
مﻻك:لي ضربو.
فؤاد:هادشي خليك بعيدة عليه.
مﻻك:راه راجلي لي كان ايموت وقيلة.
فؤاد بقا ساكت ونطقت:واش من دوك خياتي ياك ايكونو سيفطو ليه شي حد.
فؤاد:الله واعلم تايفيق عهد ونسولوه.
مﻻك:انا ماكدة ايكونو سيفطو ليه شي حد يضربو.
فؤاد تنهد وجبد من جيبو باكية تاع كينات وحطها حداها:حبة من ورا كل وجبة.
ومشا خرج خﻻها غي كتشوف هزاتها شافتها لقاتها فيها نفس وصفة دوك الادوية لي كان خدا ليها عهد فاش عرفو بالمرض مشات عمرت ليها كاس ديال الما وشربات وحدة
ومشات تكات مفيها لي يبدل وداتها عينيها داغي تاجا فؤاد فيقها تعشات وشربت الدوا ونعست تاني تالصباح فاقو ومشاو عند عهد لقاوه فايق ومحيدن ليه ماسك الاكسجين
مﻻك مشات طلت عليه بابتسامة:عهد ﻻباس.
هز فيها عينيه ومد يدو بابتسامة:حبيبتي اجي قربي عندي.
مﻻك شافت فباها حيت كان من الجيهة لوخرى عهد غاعما شافو حيت باقين مخليينو على كرشو وجها وﻻ حمر وقربات شدت يديه باستها:كيكتحس مزيان.
عهد:الحمدلله مزيان.
مﻻك:الحمدلله.
عهد:هي خفتي عليا.
بهمس:بزاف.
عهد:توحشتك اري شي بوسة.
خرجت عينيها:ويلي رابا وراك.
عهد هز يدو شنق عليها من قرفادتها جارها عندو:تي مالك باغة دوخيني اري ليا بوسة.
كتبعد:والله تابا وراك.
غوت:فيناهو هاد باك فيناهو.
فؤاد طل عليه:ﻻباس اولدي.
مكبوث الله اقل حياك 😒دبا هذا خارج من العملية هممم