الملتزم السادي ♡بالدارجة♡

الجزء 61

💚247💚
ديال الاجتماعات وعاد بﻻصة بحال الصالون عصري بلي فوتوي.هبطو تاني وكل بﻻصة كيوريها شنو فيها وكيخليها على خاطرها تشوف داكشي تامن الخدامة نوضهم وجلسها بﻻصتهم وهي غي حشمانة وكضحك ليهم اصﻻ تاهوما دخلت ليهم لخاطرهم اما واحد الدراري حمقاتهم تامن لي مزوجين نساو راسهم وهو غي كتفلت يديها مكمﻻش تانية كيشدها تاني وصل لطابق التاني هو لي فيه البيروات ديالو وديال باه وخوه جاو فطبقة بوحدهم مدايرينش سكريتيرات غاع لي بغاهم وﻻ بغاو شي حاجة تيعيطو لمن ماكان وتاﻻبغاهم شي حد كيعيط ليهم لي كان من الخدامة
.وراها بيروات ديال باه وخوه وبقا ديالو شافت فيه وضحك ليها وطلقها مشات كتجري بحال شي طفلة وحﻻتو ودخﻻت كضحك جاها شعور فشكل مشات لكرسيه وشدت فيه:ممكن
.عهد سد لباب:كلشي ديالك
.مﻻك جلست فيه كان جد مريح فالكحل ومع هي صغيورة كيبان كبير بزاف بقات كضحك وكضور بيه مع فيه الروايض خرجات من بﻻصة المكتب وبقات كضور تما كتمشي وتجي وهو جلس فالفوطوي عيا كدوز من حداه كيبغي يشدها وكتبقا دفع برجيﻻتها بالزربة وصوت ضحكتها مالي المكان مخليين قلبو يرفرف وينتاعش
.وﻻت كتقرب ليه باش يبغي يشدها وهو مبقاش مسوق ليها قالب عليها وجهو كيشوف فشي وراق حتا دﻻت شفايفها وقربات لعندو كدفع برجليها تاوصلت لعندو غتنتر ليه الوراق لقاتو ﻻحهم ومعرفت ايمتا تجرات ولقات راسها طايحة فحضنو شادها بين درعانو:احح شديتك شغندير ليك دابا اهمم
.مﻻك كترمش فيه:مديرلي والو عفاك.
عهد:وﻻش كتهربي ليا ها
.مﻻك كضحك:وغي بغيت نلعب معاك
.عهد بقا كيشوفيها بابتسامة وهي جمعات ديك الضحكة وحطات يديها على فمها كتسحابو واش كيفكر يبوسها هو ضحك وحيد ليها يديها:ههه غي حيدي متخافيش والله منقرب ليك
.مﻻك حيدت يديها وهو باقي شادها فحضنو:مالك
.عهد كيدوز يدو على حنيكاتها:والو غي كنبغيك.♥

💚 248💚
عهد قرب حط راسو على راسها وغمض عينيه:كنبغيك بزاف بزاف وربي شاهد عليا
.مﻻك بدورها غمضات عينيها وكيحس بحناكها سخان حل عينيه لقاها مزيرة على عينيها وحناكها حمرين تبسم وقرب غيحط شفايفو على ديالها ورجع مبغاش يخلف الوعد ومتبقاش تايقة فيه خشاها فحضنو كثر معنقها ومﻻك كتحس براحة فشكال جاتها وكتحس بحالا معندها تاحاجة فحياتها مكرهتش يبقا غي معنقها بحال هاكا تنسا دارهم تنسا حياتها تنسا راسها وتنسا الناس لي منتاضرين فقط غلطة منها باش ينعتو فيها تنسا كولشي وهي فهاد الحضن الدافي حضن محرومة منو حضن الاب والام والاخوان لي مكانوش كيتجراو ويقربو ليها كانو غي كيبغيو يقربو ليها الغالية كتغوت عليهم يبعدو منها بحاﻻ غيديرو ليها شي حاجة خايبة مﻻك بدون شعور خشات نيفها ووجها كامل فصدرو وكتحركو باغة تزيد تخشا فيه وتاهو زير عليها مزيان عاد رتاحت اما هو واخة مضرور مبغاش يخصر ليها
.اما ﻻلة مﻻك ستحﻻتها خصوصا كتشم ريحتو تغلغلات ليها ودقات قلبو لي كيطبلو ماشي كيضربو
.عهد حس بيها بحاﻻ بدات تترخا وبعدها شوية وقفزت حالة عينيها لي حمرين وضحك:ههه نعستي وﻻ
.مﻻك بعدات شوية كتكسل وكتفوه:ااااخ امم موالفة كنعس فهاد الوقيتة.اماشي هاد الوقيتة اﻻلة مﻻك راك ستحليتيها نتي
.عهد تبسم وقاد ليها زيف كان رجع ليها لور ونوضها من فوقو:يالله نهبطو لتحت
.يالله كيغاتجاوبو سمع الفيكس ديال المكتب كيصوني وناض خارج جارها معاه وهي كتشوف وراها فالتيلي:واش مغاتجاوبش
.عهد حل الباب:هاحنا هابطين نشوفو شكون كيصوني وشنو بغا وزيدون مخدامش انا دابا لي يصونيو ليا
.هبطو فﻻصونسوغ ومطلقش من يدها وهي صافي تبوقت بالنعاس باغة دير القيلولة وحطت راسها على دراعو موصلتش لكتفو تكات غي على دراعو وهو حيدها جرها لصدرو متكيها عليها ومعنقها عندو باس ليها راسها.♥