الملتزم السادي ♡بالدارجة♡

الجزء 89

🖤374
.ملاك:قولهم يسربيونا حنا
لولين عنداك ميبقاش لينا

■عهد حط يدو على عينيه كيضحك

.عهد:ههه واﻻ مبقاتش نشري
لحبيبتي وحدة ابوحدها.
مﻻك بحماس:بصح يالله هي دابا

●عهد ضور راسو بﻻ حول كيضحك
وبان ليه السرباي جايب ليهم

.عهد:هه هاهو كولي حقك وسكتي

■حطو ليهم ومﻻك زادت كتاكل
وتبنن شافت فيه

.ملاك:زوينة بزاف.
عهد:ههه واكوليها.
مﻻك:هه هاني كناكل

●عهد بدا غي كينقب وكيهز من
ديالو كيعطيها تاكملت ديالها
وضارت عندو كيوكلها ديالو وهو
مبسم حتا كمﻻتها ليه وبدا كيمسح
ليها فمها زعما اما هي مفيها والو
غي بغا يقيسها

.عهد:نقولهم يزيدوك.
مﻻك:هه ﻻ براكة الحمدلله شبعت
افف ههه غنطرطق.
عهد:بصحتك احياتي

■تبسمت ليه وبان ليها باقي حاط
يدو على فمها وشدتها ليه باست
صبعو بالزربة وهبطات ليه يدو
خﻻتو غاهاز حاجبو وابدات تزعم
عليه ﻻحظ بلي ماشي اول مرة
شحال من مرة كديرها معرفش
واش هاكدا كتعبر على حبها يمكن
لحد لان معمرها اعتارفات بحبها
ليه لكن تصرفاتها وغيرتها لمخفية
لي هو لوحيد لي كيﻻحضها كتخليه
يحس انه عندو مكانة فقلبها ولو
مقايﻻهاش ليه بدات الدنيا تخوا
حتا جالوقت باش تمشي ناضو
خرجو بالزغاريت مﻻك بداو

375
●بداو عينيها يتغرغرو كلما سلمو عليها
عهد خﻻها كتسلم وتعنق فخوتها
وعياﻻتهم حتا سمع صوتو من لور

خالد:غتهﻻ فيها ياك
.عهد ضار عندو:شهاد لهضرة كتقول
اخالد راغنديرها فعيني
.خالد تنهد وعينيه تغرغرو:راماشي
ختي هاديك رابنتي فخبارك انا لول
هزيتها هه فاش جبناها للدار بدات
تكبر بشوية بشوية ولواليدة مقصحة
معاها لدرجة شي مرات مكانتش
ترضعها وكنت نسخن ليه لحليب
بالتخبية ونعطيه ليها يالله كانت تشبع

●حبس لوهلة كيقاد صوتو ويحبس
لبكية بانت ليه الغالية عاد عنقاتها
كتبكي وضحك بسخرية

.خالد:ههه عنقاتها هه عرفتي
مسكينة شحال من مرة كانت تشوفها
عنقاتنا وتقولينا تعنيقة ماما كيف دايرة
كنا نعاودو ليها ونشرحو ليها باش تحس
وتخايل داك التعنيقة لدرجة كانت تسرق
ليها ريحتها هي و لمسك لي كيدير لواليد
وكديرهم فمخدتها ونلقاوها معنقاهم
مخشية فيهم فاش كانت تحصلها تهزها
وتحطها بالشفارة غي حيت حاوﻻت انها
ا تستشعر بداك الحضن