الملتزم السادي ♡بالدارجة♡

الجزء 120

497❤

هو بحزن ناض رد دوك الصور فين كانو ومشات بعصبية جبداتهم تاني وكتوريهم ليه:تالايمتا اتبقا هاكا ماشي ضاعو ليك لولين ضيعنا تاحنا هوما مكانتش عندك فرصة فين تعتقهم وبنتنا حنا عندك فرصة وماشي صعيب تعرفها فين كينة رد ليا بنتي نعوضها وﻻ قسما بالله تانق-تل راسي.
هو:نعلي الشيطان اهاد المرة.
هي:جيب ليا بنتي عاد انعلو.
مشا جلس شاد راسو ومشات جلست قفزاي مقابلة معاه:واش اتبقا هاكا مغتحركش نوض سول معارفك راعارفاك تجيبها واخا تكون تحت لارض نوض مضيعاش براكة ضيعتي عائلتك لولة.
بعصبية كتزعزعو:واانوض ونتا جالس ليا هنا ايكونو تيتكرفسو ليا على بنتي وﻻ باغين يقت-لوها ويلوحوها فشي جيحة.
هو بقلة حيلة:تاهي مغنقدش نعتقها بحالهم.
هي:ماشي سوقي هوما كنتي بعيد عليهم وبسباب ماضيك بنتي كتخلص دابا وحتا انا كنخلص ندمت ندمت على النهار لي بعدتها عليا ندمممممت.
غوت:براكة الغالية سكتي.
الغالية غوتت وناضت:ماساكتاش افؤاد مغنسكتش ﻻش انسكت مراضيش ها اصﻻ تاهوما ماتو بسبابك وبنتي تخط-فت بسبابك.
قاطعها هاز فيها صبعو وناض:متهزيش صوتك والسباب راك عارفاه شكون بﻻما نفكرك بسبابو كون مجابنيش للمغرب كون راعرفتهم باغين يحر-قوهم.
جات تنطق وتسمع الدقان خنزرات فيه مزيان
ومشات هبطت حﻻت الباب كان راجل موسخ ومشعكك وبدا تيضحك:اﻻلة ماما وحنا لله تايبين الزين الزين مانفوتو واخة يتقام بالح.
قفزاتو:مالك اداك الحمق ضور ضور وتجي عدنا.
مهبط شفايفو كيتغبن:هااااااع اديك الشريرة عطيني خبيز.
استغفرات الله ودخﻻت كطلب السماحة من الله حيت نهضات فيه وهو ديما كيجي يطلبهم على الماكلة صايبات ليه خبزة صغيرة فيها مريقة والحم وخرجاتو ليه لقاتو كيدوي ابوحدو وتنهدت:شد.
مدلي شفايفو كيطلطل عليها:مبغيتش قلقتيني وانحرش عليك صحابي.
تبسمت بزز معندهاش الخاطر:واخا الله يرضي عليك واشد.
شاف فجنبو:شنو ناخدو وﻻ بﻻش.
حرك راسو بالايجاب بحاﻻ كيدوي مع شي حد وشافيها:مبغيناش من عندك بغينا عمي فؤاد يعطينا.
تنهدت ودخﻻت كلماتو:هبط عطي لحميدة هاد الخبيز.
فؤاد:ﻻش مبغاش من عندك.
الغالية:نهزرتو ومبغاش.
فؤاد شد من عندها:الله يهديك الغالية واما اليتيم فﻻ تقهر واما السائل فﻻ تنهر هادشي اتنوصيك عليه.
جلسات بحزن حاطة يدها على خدها وهو مشا هبط لعندو وهز عينو فالدرب كانت الدنية عامرة وتبسم ليه:حميدة ﻻباس.
قرب بغا يبوس ليه يدو وفؤاد جرها ومد ليه الخبزة:شد شد.
حميدة بدا كياكل وكيغني:ومشينا لبرازيل عند عمنا اسماعيل.
فؤاد تبسم ونطق بشوية:الله يرضي عليك.
حميدة غادي وكيف العادة حمق الدرب والصغار تابعينو كيتنمرو عليه باغين ياخدو ليه خبزتو وهو هارب كيبكي:ﻻاااا.
فؤاد دخل طلع بالزربة هز تيليفونو وجبد نمرة دوزها تاتشدات وجاوبو صوت رجولي:الو.
فؤاد:اسماعيل ﻻباس.
اسماعيل:واخيرا عاد تفكرك داك المسطي.
فؤاد:راك عارف الدرب والروينة الحضية.
اسماعيل:مهم راه لقينا بنتك وعرفنا تالبﻻصة بالضبط و كين تاراجلها فديك لبﻻصة واش عندو شي عﻻقة معاهم وﻻ.
فؤاد:اه كان راهو لي فايت طالب منكم تتحراو عليه شحال هادا.
اسماعيل:اه مزيان مهم نتا امتا اتمشي.
فؤاد:دابا.
اسماعيل:حنا راك عارف منقدوش نتحركو بﻻ ادن.
فؤاد:عارف عارف.
اسماعيل:مهم ﻻكنتي اتسبقنا راه غنتبعوك كون اكيد ورالتواصل بيناتنا وطيارة خاصة اتلقاها كتسناك.
فؤاد شكرو ومشا كيجري لبس حوايجو ضور عينو وبان ليه الصاك لي جابت ليه الغالية مشا حلو وكانت قناصتو بجميع مستلزماتها سدها وناض ضار ايخرج ولقاها واقفة فالباب:لقيتيها.
فؤاد:اه انمشي دابا.
الغالية:انمشي معاك.
فؤاد:فين اتمشي جلسي للارض بقاي مع الدراري ومنوصيكش ﻻ سولوك عليا كيف ديما.
الغالية:كون هاني.
قرب باس جبينها وهبط
توقعاتكم كيجاكم السي فؤااااد