الملتزم السادي ♡بالدارجة♡

الجزء 131

543❤
نخليوهم ونمشيو لبلاصة تانية.
عيون كتبري ساهيين بالرغم من التجاعيد لي ضهرو فجنابهم إلى انهم مفقدوش جاذبيتهم ساهي فبعض من قطرات الشتاء كيلامسو نافذتو كيحضي القطرة تاكتنزل على خاطرها وكيعاود يسهى فوحدة اخرى سهوو مخلاهش انه يغفل على الجو الصامت المكهرب لي فالغرفة تنهيدات تارة عصبية وتارة حائرة وطرطقات أصابع دالة على التوتر ونفاذ الصبر تنفس بعمق وضار كيشوفيهم جوج أشخاص حاير بيناتهم وشنو غيدير معاهم فالأول تظلم بدون سبب والثاني حتا هو معندو دخل فدكشي لي طرا ومع ذلك كيلومو فقط حيت عندو صلة دم مع الشخص لي ظلمهم كاملين ولو انه مقررش ذاك القرار غاعما يكون هو محطوط فهاد الموقف دابا تمشا وجر كرسي جلس هزو راسهم بالزربة فور مسمعوه اخيرا تحرك.
الغالية بحيرة ومعارفاش لاش جاب معاهم ايزابيلا
الغالية:فؤاد واش باقي مغدويش.
فؤاد:شتك مزروبة على راسك ابشوية عليك.
الغالية محملاتوش بحالا قمعها قدام ضرتها:ايوة رآه راسي ضارني باغة نرقد شوية.
فؤاد تنهد:المهم مبغيتش هادشي يطول غنساليوه اليوم ودابا ومغناجلوش تالصباح.
الغالية أصلا عارفاه شغيقول ونطقات بغصة:سربي الله يرحم باك.
فؤاد بقا تيشوفيها شحال مينكرش بقات فيه ولكن معندو ميدير هو أكيد مغديش يهجرها بعد ديك العشرة لي دوزو فكيف كيقولو لو الحب صعيب فالولف مصيبة ضور بصرو وقلبو ضرباتو بحال شي نغيزة تاع الضو طبعا فكل مرة كيشوفها كانت تابثة وحانية رأسها بحالا باغة تهرب منهم نطق بهدوء اسمها لي دفنو وعاود جبدو لدرجة انه نطقو بشوية بحالا مماكدش منو:إيزابيلا.
بلعات ريقها ومهزاتش فيه عينيها غاع تاعاود نطق سميتها:إيزابيلا كندوي معاك شوفي فيا.
شافت فيه وكتحاول متبينش انها مشتاقة ليه هو لي غي تلاقاو عينيهم ضور عينيه بالزربة:احم بغيت غي نقولك بانه فاش انرجعو للمغرب غتمشي معايا.
الغالية قالبة وجها:معاننننا.
فؤاد شافيها هاز حجبانو زعما من نيتك:المهم.
قاطعاتو ايزابيلا:مكييين لااش.
فؤاد:لا كاين لاش.
ايزابيلا:لاااش ممثلاا غنمشي معاكم.
شافيها:كنضن انك باقة مرتي اولا ايزابيلا؟.
ايزابيلا:واااخا هادااك ماشيي سبب مقنعععع انني نمشي معاااكممم.
فؤاد:شنو كاين شي سبب كثر من ان راجل بغا مرتو تجي معاه لبلادو.
شافت فيه بحدة:مالكك مدرتيها قببللل متدووز هاادد 32عام.
الغالية ساطت كتقلب عينيها:كان يسحابكم متو.
فؤاد شافيها وكملات هي كلامها واخة مقصحة وماباغاش تقولو فهي امراة لا بل ومغربية كتحماق على راجلها لكن شافت فانها تبين ليها انه مكانش عندو دخل فضياع32 عام من حياتهم فالعذاب ليس هم فقط بل حتى هي داقت من نفس العذاب لا بل يمكن اكثر فحاجة صعيبة لمراة تكون عارفة راجلها قلبو مع وحدة اخرى:مكانش يقدر يجيبكم فداك الوقت حيت كان جاي غي على الخدمة وكنضن راك كنتي عارفا طبيعة خدمتو ومولفاه انه كيغبر عليكم لي عارفة ونقد نقوليك هو انه رجع لعندكم باش يجيبكم معاه للمغرب حيث ايستقر تما ولكن لقا غي الرماد قرر انه يرجع ويحاول ينساكم لكن مقدرش رئيسو(بغصة وعينيها دمعو)لي هو الاب ديالي لقاها فرصة انه يزوج بنتو لرجل شهم ومغوار ومحترم بحالو وطرح عليه فكرة الزواج لاكنه كان رافض حيت قلبو باقي معاك لكن الاب ديالي مستسلمش وخطط اننا نتلاقو على اساس صدفة مننكرش حتا انا كان عاجبني وبغيتو وبذلت كل ما فجهدي انني نواسيه ونخفف عليه.