الملتزم السادي ♡بالدارجة♡

الجزء 65

♥262♥
كيخرجو فداكشي لطابلة وكينغرو حيت بانو ليهم الرجال جالسين وتيضحكو شمس للغالية:وشوفي ليك الرجال جالسين يعرفو غي ياكلو ياربي السﻻمة.نطقات مﻻك من وراها كضحك:هه واحنا لي عندنا الاجر كنفطرو صائم وكنضربو تمارة.
شمس:ايه عندك الحق ولكن العوين زين ماشي هوما يعرفو غي ياكلو وتامن ليواني فاش يتوسخو ميهزو معانا تالهزان.مﻻك بقات كضحك معاها والغالية كتغيدد ابوحدها من قبيلة وهي كضحك مع شمس بحالا بنتها ماشي كنتها مجاو فين يكملو لحطان تابدا كيودن الرجال عاد ناضو جلسو كمل الادان وبداو الفطور عهد شرب كاس حليب وخمسة التمرات وناض ودار مﻻك بقاو كيشوفو باستغراب ونطق فؤاد لمحمد:مالو.محمد كيخشي فوجهو:مشا يصلي.
فؤاد:نتسناوه واش غيمشي لجامع وﻻ غي هنا.
محمد:ﻻ غيطلع غي لبيتو غي فطرو مرحبا بيكم.كملو اكلهم وعهد كمل الصلى وهبط وكلشي قاليه الله يقبل وجلس وعاد هز قد يشوف فمﻻك فخاطرو وبدا كياكل هز بريوة حلوة داقها:بنين هادشي الله يعطيكم الصحة.مﻻك بتاسمات بتسامة خفيفة عرف من خﻻلهاهي لي مصيباهم وزادت اكدات شمس فاش نطقات:ايوة شكون بحالك غتبرعك ﻻلة مﻻك شهيوات.عهد بصدمة مسطنعة:اووه مﻻك النور لي مصايباهم.عض منها:الله يعطيك الصحة زوينين بزاف.كيورك على الهضرة باش مديرش ليه بحال ديك النهار تلقا ليه السبة منين تخاصمو تقوليه تاني مقلتي تاكلمة بدا كيشوف للطبلة:شنو مطيبة اخر هنا.شمس كتنعت ليه:دوك البريوات المالحين تاهوما وديك الكيكة ودوك الحليوات تباركلله عليها جاو بنان.حرك راسو بالايجاب وشاف تاني لمﻻك:تباركلله الله يعطيك الصحة لدوك ليديات.ضار باستغراب فور ماسمع الدراري واحلة ليهم وكيكحبو وﻻو زرقين غيموتو وعياﻻتهم كيضربو ليهم على ضهرهم شاف فالغالية لقاها حمرة هي حشمت بﻻصتو وفؤاد غاكيشوفيه اش هاد الكمارة القاصحة عندو.... يتبع

♥263♥
القاصحة عندو متسوقش ليهم وشاف فمﻻك لقاها غارقة فحوايجها واش قال شي حاجة غريبة وﻻ تالهاد الدرجة متزمتين.شمس كتمد ليهم الكاس لكبير ديال الما باش يشربو:باسملله عليكم اوليداتي مالكم.خالد كيرد النفس:والو غي هادشي بنين بزاف.
طارق:الله يعطيكم الصحة.نطقو كاملين فدقة وبشوية غي بيناتهم:ليديات لي صايبوهم.وبقاو حابسين الضحكة كيضحكو غي من التحت لتحت.كملو فطورهم فجو عائلي وناضو جلسو فالصالون ولي بغا يصلي مشا يصلي ودن العشا والرجال مشاو لجامع لي قريب صﻻو التراويح.والعياﻻت بقاو جالسين وناضو غي لبنات جمعو الطبلة وغسلو ليواني باش ميخليوش ليهم الروينة دغيا ساﻻو وجلسو مجمعين ومﻻك كتلوا باغة تخرج لجردة:صفاء يالله نخرجو للجردة.صفاء عاجباها النميمة لي دايرين العياﻻت:بعدي مني سيري بحدك.مﻻك زفرات:وﻻ يالله معايا.
صفاء:عفاك امﻻك خليني سيري بوحدك رامكين لي يقرب ليك وراه تالضو مشعول.مﻻك بقات كضور عينيها محمﻻتش داك الجو ومباغاش تخرج بوحدها تنفسات وناضت غادة خارجة تاسمعات صوت مها وزيرات على عينيها:فين غادة.ضارت عندها:انخرج للجردة شوية.الغالية هزات حاجبها وهضرت تحت سنانها:الدار ديال باك دوزي تجلسي.شمس شافت فيها:ﻻ خودي راحتك ابنتي الدار داركم.مﻻك رجعات تجلس وحابسة البكية:ﻻ صافي.شمس وصفاء بقات فيهم:ﻻ نوضي ابنتي كنتي باغة تخرجي.صفاء ناضت:اه يالله معايا انخرجو انا وياك.مﻻك صافي مشا ليها داك الحماس ديال تجلس تشم الهوا ونطقات بابتسامة مزيفة:ﻻ والله صافي اصﻻ باينة كاين البرد.صفاء جات تنطق وقاطعاتها:صافي غي جلسي.جلسات ومﻻك كتنفس بالجهد بحاﻻ طالع ليها الدم وكتحرك رجليها وكتعض شفايفها من الداخل كتحبس البكية.مصبراتش وقربات لصفاء كتهضر بشوية باش ميتسمعش صوتها المغنغن:فينهو الطواليط.صفاء بغات تنوض معاها وشدتها
.... يتبع