الملتزم السادي ♡بالدارجة♡

الجزء 123

509❤
مﻻك بضحكة صفرة:شي اوامر اخرا اسيدي.
ماثيو تزادتو ضلعة وهز زنافرو للسما:غتولي تحت يدي.
مﻻك طﻻت على يدو وهزات فيه عينيها بغباء مسطنع:وﻻش يدك بالضبط.
ماثيو بمكر:ﻻبغيتي تكوني تحتي كامل ماشي غي يدي انا قسدت بيها غي تحت سيطرتي زعما لي نقولها ليك تديريها ولكن بما انك مشا تفكيرك هكاك ماشي مشكيل.
مﻻك:عنداك غي نوض ونشقلب كلشي.
ماثيو تحنا لعندها وكيشوف ليها فعينيها محاولة منو باش يطيحها فشباكو وهي غاكتبرقق فدوك العينين شاداها الضحكة خصوصا فاش نطق بشوية:لي بغيتي مهم اتكوني تحتي.
وبدا كيشوف ليها ففمها وكيعاود يشوف لعينيها عوجات فمها وقطبات عينيها:فخبارك نتا حول.
بعد شوية مقطب حجبانو باستغراب:ﻻ محولش.
مﻻك:ويلي ونيفك كبير يععع.
بدا كيقيس فنيفو وكيضور فعينيه وكيشوفيها مﻻك بدات كطلعو وتهبطو زاد تحرج واخا مفيه والو وكتميق فيه زعما شو كيدير فلخر مشا خرج بحالو سد لباب وشاف فدوك لي غارد ونطق لواحد فيهم:بصح نيفي كبير.
الغارد شداتو الضحكة حبسها بزز اش هاد الاسئلة كيسولو بدا كيشوفليه مع نيفو منيتو:شوية مشي بزاف.
غزز سنانو ومشا معصب والتيلي كيصوني ليه خﻻه مجاوبش ومشا للوطو دخليها وهبط المراية كيشوف لنيفو وكيقيس فيه بقا مخنزر وكيشوف لعينيه وكيخرجهم يشوف واش نيت حول هبط عينو لزيف لي باقي هاز قربو لنيفو شمو وغمض عينيه منشوي
وديمارا كيضور تاقرب يضلم الحال وشد الطريق لبواط يمشي يقصر كيف ديما اما مﻻك فاش خرج بقات كتعاير وجبدت الورقة:خرا كيدير تفو على عوج ياربي تسمح ليا اييخ.
بقات كتشوف لديك الورقة:دابا انا كيهندير نعيط لهادو.
ضورات عينيها فالغرفة ليكون شي هاتف مبان ليها والو بقات كتفكر هزت عينيها وهو يبان ليها الجرس لي كيصونيو على الممرضة ﻻبغات شي حاجة بقات مترددة واش تدير دكشي لي فبالها وﻻ تجلس تركن فلخر
مدت يديها وصونات شي جوج مرات بقات كتسنا يالله مدت يديها غتورك تاني وهو يتحل لباب شافت وهي تبان ليها ممرضة اخرى من غير تاع الصباح داخلة بابتسامة:نعام واش محتاجة شي حاجة.
مﻻك بتوتر:اه بغيت تيليفون.
الممرضة:واش نقوليهم يجيبو ليك ديالك.
مﻻك:شكون هادو.
الممرضة:واحد جوج واقفين برا جايبهم الصديق ديالك لي كان داخل عندك دابا نيت.
مﻻك ميقات:صديقي.
الممرضة:واش نقولها ليهم.
مﻻك حبساتها حيت تمات غادة:ﻻ ﻻ بغيت تعطيني ديالك نعيط بالزربة ونعطيك.
الممرضة جبدت ديالها وعطاتو ليها مﻻك جبدت دك الورقة وبدات كدخل فالنمرة وصونات مي والو والممرضة طﻻت على الورقة ونطقات:ولكن هاد النمرة ماشي نفس البلد ﻻ معنديش تعبئة دولية.
مﻻك:افف وشنو دابا خاص ضروري نعيط لهاد النمرة.
الممرضة:شوفي واش عندهم واتساب.
عطاتو ليها وشافت النمرة دخﻻتها لقات فيها وتساب وعطاتو ليها:هاكي راهي عندها صوني من هنا.
مﻻك بدات كتصوني مرة وجوج وثﻻثة صونات للمرة الرابعة عاد تشد الخط وتسمع صوت راجل بالانجليزية:ياس هو از ديس.
مﻻك:ااام هاي بليز لقيت هاد النمرة عطاها ليا بابا وقاليا غتعاونونا.
الشخص:هو ار يو.
مﻻك تسحاب واش غالطة فالنمرة وﻻ ماشي الشخص لي بغا باها يقصد واخا هكاك قالت لي ليها ليها:بليز انا بنت فؤاد.
ﻻخر غي سمع اسم فؤاد ووقف:ويت فين كتعرفي فؤاد.
مﻻك:راه بابا.
ﻻخر بصدمة ونطق بالدارجة:مﻻك السليماني ياك.
مﻻك بلهفة وبسرعة:اه اه عفاك راه لقيت هاد الورقة بخط بابا قاليا نعيط ليكم بلي غتعاونونا.
اسماعيل:اه ابنتي قولي ليا شنو طرا ليكم.
مﻻك شافت فلوخرا ودوات معاها بلانجليزية:عفاك انتعطل شوية.
الممرضة جلسات:خودي راحتك.
مﻻك بدات كتعاود ليه وعينيها كيدمعو مرة مرة تاكملت ليه وقالتليه بلي معارفة دابا والو عليهم وخبرها بلي غيتحركو فاسرع وقت