ليلة من العمر

البارت الثاني والعشرون

دخلت بفراشي وبس اريد انسى الموضوع وانسى كلامة
كام يرن باذاني مادري شكد بقيت بس ابجي اريد انام ماكدر ..

هالاسبوع كله انا حالتي متخربطة
كلش اثرت بنفسيتي هالحادثة وكلمن يسالني بالبيت
اكللهم ماكو شي بس عمتي عرفت تعاركت ويه اوس بس ماعرفت شنو السبب بالضبط
تلفوني مو يمي ..واوس ماجاي اشوفه اصلا من يومها
دوام ماداروح ومستحيه اصلا شون احاجيه بعد واشوفه
حقدت عليه وحقدت على نفسي بنفس الوقت ...
بس يوم الخميس جان ..جنت نايمة
ما احس الا عمتي فوك راسي:- روفااان يولي روفاااان
فتحت عيوني كوة:- هاا عمة
اسيا:- كومي يلا اوس منتظرج
فزيت بسرعة اباوعلها خايفة:- هااا ليش منتظرني شكو
اسيا:- شكو ليش غير دوامج
بيلسان:- هالاسبوع كله ماداومت بقت عالخميس
اسيا:- شمدريني هو اجا اليوم وگلي صعدي كعديها خل اوصلها
رجعت تمددت وغطيت وجهي:- كوليله مايحتاج ماروح
اسيا:- كومييي لاتبلشيني وياه
بيلسان:- ماااريد ماعندي واهس
حسيت بيها داتطلع ..ما اسمع الا صوت جدي من جوا:- ابويه روفااان يلا بنتي ابن عمج منتظرج خلصي عاد
وخرت الفراش ..هذا صدك يحجي!
يعني الا يريدني اداوم الا يريد يشوفني واشوفه
ياربييييييي
دفست الفراش بعصبية:- اي دقايق
وكمت عالسريع غسلت وبدلت هالطلع كبالي
ماجان عندي واهس ابد
بس بنفس الوقت جنت اريد اروح ..او يمكن اريد تحجي ويه اوس!
احجي وياه وافهمه عالموضوع
نزلت وانا گلبي يرجف مادري شبيه
دخلت للمطبخ مالكيته بس جدو وبيبي وعمة
صبحت عليهم ..ردت اكعد عاطت بيبي:- هيييي انتي من شوكت تتريكين
بيلسان:- شنو بيبي
جليلة:- كومي الولد متانيج متاخرين
شلت جنطتي وطلعت ..داريد ااخر بالوقت بعد ماريد اشوفه
مادري شبيه توترت فد مره
طلعت لكيته بالسيارة كاعد ..رحت صعدت بهدوء بدون ما احجي اي كلمة ولا اباوعله
هو ماباوعلي ..لبس الحزام وشغل السيارة
هدووووء قاتل ..وبس صوت السيارة يضرب باذني
درت وجهي للجامة ..احس اريد ابجي
رغم انو متعودة عليه مايحجي وياي ومن يحجي من طارف خشمة
بس هالمره احس غير
هالمره جان هدوئه قاتلني مادري ليش
يمكن بسبب الموضوع!
حاولت انا احجي ..بس ماجانت عندي الجرئة
وصلني فتحت الباب ونزلت ..ركعته بقوة
دشوف منو يحجي وياك يا ابو خشم يابس
فوكاها هو المطنكر ..والله يالله
دخلت ..نفس شعور اول مره من داومت
لزمتني خنكة مو طبيعية بس مو بسبب الدوام
دخلت بوجهي لقسمي ..شافتني سحر
كامت جتي يمي:- هلو هلووو
هاي وين هالغيبة يمعودة
باوعتلها:- جانت عندي ظروف بالبيت
سحر:- خابرتج ماتردين
صفنت بيها ..ماعرف شنو ارد:- هااا اي تلفوني عاطل
باوعتلي من فوك لجوا وهزت راسها ..
عبر وقت الدوام على گلبي
ماطلعت بمكان ولا خطيت باب القسم خفت حتى البنات كلتلهم انتو اطلعوا انا باقيه
وصدك طلعوا وعافوني جنت كاعدة يم الشباك واصفن
ماشوف الا اجتي سحر تركض ..باوعتلها جتي يمي:- كومي شنو راح تبقين هنا
بيلسان:- لا عوفيني حبابه
سحر:- دكومييي لاتصيرين سخيفة ..بس لو اعرف شبيج
باوعتلها:- ماابيه شي بس مريضة
سحر:- دكومي ننزل للسنتر مانروح مكان بعيد
بيلسان:- لا روحي انتي ماعليج بيه
سحر:- كومييييي مروة منتظرتنا جوا يلا
سحبتني كوة من ايدي اخذت غراضي وكمت
بس دامشي على اعصابي ..اخاف اشوف هذاك ويوكفني يحجي وياي
نزلنا للسنتر اول مادخلنا صار بوجهي كاعد
بسرعة ردت ارجع سحبتني سحر:- ويييين
بيلسان:- سحر عوفيني ماريد ابقى هنا
سحر:- شبيج دتعااالي
بيلسان:- ماريددد داكلج مريضة وريحة الاكل لعبت نفسي
انا اسحب ايدي منها وهي لازمتني بقوة وتسحبني
شكلنا جان كلش مفضح بنص السنتر وماريد اصيح عليها واطلع صوتي
انا وجاي انصارع وياها تعوفني ..ما احس الا شخص يسحبني منها بكل هدوء بحيث حتى هي لا اراديا عافتني بسرعة
نداريت باوعت ..لكيته اوس
سحبني من عكس ايدي وديباوعلها وهي صافنه بي
اوس:- السلام عليكم
تباوعله ومابعد تعرف شتحجي كامت تمتمت:- وعل ..عليكم السلام
ارس:- صاير شي
حجاها وباوعلي ورجع باوعلها
عدلت نفسها وهي متوتره:- لا بس داريدها تجي ويانه وهي ماتقبل
اوس:- اي ..عوفيها على راحتها
داندار عليه ..انتبهت يوسف كاعد وديباوعلنا
بدون مايجي ولا تحرك كم مكانه ..من باوعتله ندار عليه اوس
بسرعة ذاك دار وجهه على اصدقائه ..استغربت من ردة فعلة!
لزم ايدي وباوعلها:- من رخصتج ..راح اخذها واطلع
حجاها وراسا سحبني وطلعنا
وانا لحد هسه مصدومة ..ماعرف شديصير ولا دافتهم الوضع شنو هاي
اباوعله يمشي ولازم ايدي وديمشيني هو
اريد احجي شي بس ماعرفت شحجي
بيلسان:- اوس
ماعايرني انتباهه ولا رد علية ..بقى مكمل لحد ماوصلنا السيارة
عافني وراح للجهة الخ صعدت وانا الدمعة بعيني
اريد بس يجاوبني لو يباوعلي شنو هالتصرفات
صعد ..باوعتله:- لاتحجي بعد احسن
حجيتها ونداريت عالجامة اريد ابجي بس كلت لو يموت مايشوف دمعتي هسه
وايضا ماحجا شي مشى والسكوت يعم بالسيارة ..
وكف فجأة عدلت راسي انتبهت وكفني يم مطعم
وطفى السيارة ..باوعتله:- وين
رفع راسه صارت عيني بعينة:- نزلي
حجاها وفتح الباب ونزل ..راح يجنني هالرجاااال
نزلت ودخل للمطعم مشيت وراه واصفن
شنو لا منا ساكت ومايباوعلي ولا منا جابني لمطعم!
كعدنا وكعد كبالي ..جنت داعدل بهدومي عالكه بالرجل مالكرسي
وماداكدر اسويه وخايفة لا ينشك جان فستان
رفعت راسي لكيته ديباوعلي ساند وجهه بيديه
ماتحملت وگلتله:- شبيك
من الاخير شنو رايد مني؟ ..تريد بعد ترزل وتحجي حجي يسم؟
لو هذوا كملت مابعد عندك شي
اوس:- انتي كملتي؟
بيلسان:- شنو
اوس:- حسيتي على روحج؟
كعدتي ويه نفسج وعرفتي غلطتج
دمعت عيوني ..راسا گال:- لاتبجييين
داحجي وياج بهدوء داريد نتفاهم
بيلسان:- لاتحاول ..نحنا مستحيل نتفاهم
اوس:- اني داحاول ..داحاول والله
بس انتي اللي مادري شبيج ..تركيبة غريبة
بيلسان:- يعني جبتني هنا حتى توصف تركيبتي؟
رجع بالكرسي:- تره حتاريت وياج كلتلج اريد نتفاهم
باوعتله وكمت اأشر بيدي:- على شنو تتفاهم على شنو
اوس:- يعني ماحسيتي بالغلطة اللي سويتيها
بيلسان:- ماحاجيه شي غلط انا
وانت شفت رسايلنا طلعلي بيها كلمة غلط
ضرب ايده عالميز:- هو هذا الغلط
تقرب بالكرسي وحسيته انفعل بالحجي:- انتي ماجاي تفهمين شغلة
العالم البرا مو مثلج ولا مثل اهلج ولا مثل ما انتي ببالج ..الدنيا كلما جالها جاي تستوحش اكثر وتستوحش بناسها
ماجاي تفهمين انو اكو عالم نيتها وصخه بس مظاهرها حلوة
يجون عالواحد باللسان الحلو والتصرفات حتى يأذوه بعدين ..
اني اعرف طينتج اعرفج انو شكد ماتشبهين هالعالم بس...
نزلت راسي راسا گال:- لااا ارفعي راسج
بيلسان:- مو كافي اهانة
اوس:- اني ماجاي اهينج لادكولين هيج
اني دافهمج ..الجامعة بيها امور والله العظيم يشيب راسج منها وكلها توكع براس الناس البسيطه مثلج
العالم من تشوف البريئ يصير دم سنانهم ..يريدون يشوهوه باي طرق
باوعتله:- ليش هيج دگول
لهسه اكو عالم زينة تره ...
اوس:- نادر وصعب تلكيها ..زين سؤال بربج
ولد مو من قسمج ولا مرحلتج داخلج يحجي وياج باي صفة؟
لادكوليلي يشوفني شنو احتاج ويساعدني ومادري شنو ..انتي مو طفله تستندين على هذا وذاك ولا انتي بعازة احد
بيلسان:- انا مااجا ببالي شي وقت اللي رديت عليه والله
اوس:- مو كلتلج اني اعرف طينتج
بيلسان:- تعرف طينتي وهانيتني ذاك اليوم
ابتسم وگال:- مو هنتج والله ..ردتج بس تعرفين غلطتج وتستوعبين الشغلة
سكتت ..باوعتله ديباوعلي بنص عيوني
حط ايده بجيبه ..طلع تلفوني وقدملياه:- اني مو اخذته منج وفتشت بي لان اشك وما اثق بيج ..بس خايف من ثولج
باوعتله وفتحت عيوني:- اووووس
كام يضحك حط ايده على وجهه:- اسف اسف
مر باقي الوقت بهدوء
احس مي بارد نزل على قلبي لحظاتها ..فد شي هيج من داخلي
ارتاحيت! ..اي والله ارتاحيت وكل خنكة الايام الفاتت راحت ..