ليلة من العمر

البارت الواحد والثلاثون

تعدلت وكمت امتمت وهو يباوعلي ومبتسم
بيلسان:- شنو
اوس:- شبيج مو اسمج بيلسان
بيلسان:- روفان
اوس:- لاء بيلسان
بيلسان:- شون عرفته
اوس:- من قبل ماتجين لهنا
بيلسان:- شنو؟!
تنهد وتقرب راد يحجي سمع شخص بالصاله ديمشي قبل لايدخل للاستقبال ..همسلي:- خلصي انتظرج بالحديقه
وطلع ...طلع وعافني صافنه وضاربتني الدالغه
شنو قصده قبل لاتجين هنا
يلا يلا ابدي وياي بلغز جديد يا ابن محمد
اوف ياربي
طلعت مديت راسي من الباب لكيت الكل بعده بغرفة عمة بس جانت خاله هاجر داتروح وتجي
وملتهيين بالسوالف وقيس شفته صاعد فوك

ترددت بصراحه بس جان فضولي طاغي على عدم قبولي اطلعله
اروح خطوة لكدام وارجع خطوة
گلبي رجف ..بس بنفس الوقت جان شي بداخلي ديدفعني اروح
اروح احجي وياه
اروح اكعد وياه واباوعله!! ...
طلعت للحديقه لكيته كاعد عالكرسي وديصفن بالسما
بس اللي وترني هزاز رجله مبين عليه متوتر
رحت يما كعدت
بيلسان:- منين عرفت اسمي ومافتهمت شقصدك بقبل ماتجين لهنا
اوس لاتلعب وياي بالالغاز حباب ماحب هاي السوالف
نزل راسه علية وبعده منتجي بضهر الكرسي
ابتسم:- معقوله !
بيلسان:- على شنو
اوس:- كل هالاشهر والأيام اسم اوس ماذكرج بشي؟ ..
بصدفة وحده شكيت ورجعت بصدفة الخ تاكدت ...الطفله بيلسان اللي جنت اشيلها بحضني هي نفسها هسه خطيبتي
صفنت ..گلبي هيج احسه مثل اللي نخطف
احس افتر عقلي ..صافنة بي ماعرف شحجي
رجع مثل الشريط ومر كبال عيوني
الولد اللي شفته ببيت جيرانة
اللي جان يلاعبني
اللي تعلقت بي ومن راح كعدت ابجي
هذا هو نفسه يعني!!
ضحكت وكتله:- معقوله؟؟؟؟
هز براسه بمعنى اي وعيونه تلمع
كمت وكفت مصدومه على فرحانه بصراحه ماعرف شصارلي احس كلشي اختلط علية ..
شعوري تخربط ماعرف اضحك افرح
لو ما عيب اروح ركض احضنه ..حسيت بشعور كلش غريب
انداريت لكيته خلفي وقريب علية
وانا فاكه حلكي:- شون عرفت
مافتهمت يعني شون عرفت وتاكدت
اوس:- من وصلتج لبيتكم عرفت ورحت لمحمد صديقي جيرانكم وسالته واستفسرت وطلع الموضوع صح
سكتت وانا اباوعله فرحانه
تقرب وهو مبتسم:- الطفله بيلسان ام ضفيره
تحولت نظرتي وراسا گلتله:- اللي هي نفسها عديمة المسؤوليه ولا اوباليه
تنهد بس تنهيده احسها من اعماق روحه
باوعتله:- شبيك ؟ ..مو هالكلام انت سمعتنياه البارحه !
سكت رجعت گتله
بيلسان:- ليش ساكت
مو انت هيج گلت البارحة وبلسانك گلت تكرهني؟
تمام اعرف انو خطوبتنا والموضوع صار غصب عننا ثنينا
سكتت ورجعت باوعت بعيونه وگلت:- بس مو لدرجة تعترف انو تكرهني!
ماحجا شي صافن بعيوني ..كح شوي وحك بلحيته
سحب ايدي بهدوء وحطها على قلبه وگال:- يمكن تكدر هي دگلج شبيه أكثر مني
جانت نبضات قلبه معرف شون اوصفها
بس ...سريعه سريعه بحيث حسيت رايده تطلع من مكانها وتطخني
للحظات صفنت وكمت ارجف ماعرف شگول
اوس:- بس وياج هيج يصير .. بس من اشوفج كدامي
لاول مره اگولها ..اني انغلبت
ضحكتج غلبتني
وجودج سلب كلشي مني حتى روحي وصرت عباره عن بقايه اوس وكومه من ضحكتج ..لاول مره اريد انسان اليه وكبالي وملكي ولعيوني بهالكثر
فاتحه عيوني على وسعهن وصافنه بي وايدي بعدها على قلبه
قرب وجها مني وهمس:- أي أني مو أحبج .. أني هايم ومغرم بكلشي بيج
روحي ذاااابت
كلشي بيه احسه توقف وحتى النفس ضاك
گلبي يرجف مثل رجفة گلبه الي داتحسسها بيدي
قربه ..نفسه ..كلامه ..رجفة گلبه وگلبي
جان لحظات ماعرف شوصفها
بس احس كلشي توقف بهاللحظات ..
نزلت راسي ..الدنيا احسها ماسايعتني
بس بنفس الوقت ضاكت
ماعرف شحجي وشسوي ..جسمي لزمته نتله ورجفة مو طبيعية
فززتنا من وضعنا عمة نعمة وهي تصيح عالجهال من المطبخ
نعمة:- تعالو تعشو يلا
راسا رفعت راسي باوعته ووخرت وبسرعه دخلت وبوجهي صعدت على غرفتي
ماريد اشوف احد او احجي مع احد
مادري مادري شجان بيه
سديت الباب وكعدت بالكاع واصفن
معقوله؟؟
هذا نفسه اوس
وانا اكول بنان وجها مو غريب لان تشبهه من جان صغير
هسه بحكم اللحيه والطول والضخامه ماكدرت اركز واستوعب
ياربييييي گلبي گلبي يدك سريييييع
اخذي نفس بيلسان اخذي نفس
كمت اخذ نفس كوه ..احس الدنيا فرغت فرغت حتى من الهوى ..
بصراحة خفت !!
اي هواي خفت
يمكن لان شعور اول مره يصيبني؟
او ماعرف بس انا من يوم موتت نورهان
وحسيت مايصير احب احد واتعلق بي
حسيت انو اي شخص احبه راح يروح من ايدي
ماعرف ماعرف
حيره وصرعات بداخلي واصوات خبصه براسي
سديت اذاني بيديه وهيجي احس اكو شي جاي اهرب منا او ماريد يوصلني
يارب دلني عالطريق الصح
يمكن اي بنيه بهيج وضع تفرح
مانكر انو خيط فرحة بداخلي
بس الخوف متملكني ..
مخليني قاطعة اي شي وبس خايفة
مخليني ماريد اي شي بس بنفس الوقت رايده هالشي
شي ماكدر افهمه ولا اكدر اجاوب عليه! ..