ليلة من العمر

البارت الخامس عشر

بيلسان:- عندي طلب
خالد:- اي اسمعج ..كولي بنتي
بيلسان:- اريد ابوي وامي يكونون موجودين
كلهم باوعولي وصفنوا بيه
حجا اوس:- من حقج ..مهما جان يبقون قريبين عليج
خالد:- محمد خابرهم واعزمهم عالثلاثاء
باوعلي عمي وابتسم گال:- اي بعيني ..الف هلا بيهم
بقوا كاعدين ويحجون
وهذا اللي يخطط وهذا اللي بباله هيج يسوي
انا كاعدة بصفحة واصفن
جنت بغير دنيا حرفيا بهالوقت
كمت حتى اشيل الاستكانات
بس انا الغصة جانت عامية علية ماريد ابقى يمهم
شلتهم وطلعت للمطبخ
وكفت حتى اغسلهم ..صافنه ودابجي بصوت خافض اخاف احد يسمعني
فززني وهو يگول:- طلعت مو بس اني كل شوي برأيي
مانداريت عليه بقيت منتطيته ضهري
واعصر بيدي على اسفنجة المواعين بكل قوتي لو جانت زجاج جان انكسرت وصارت الف قطعة
اوس:- ظنيتج قوية وراح ترعدين رعد ..طلعتي كلمة ماكدرتي تحجين
نداريت عليه بسرعة
بس شافني ابجي راسا تعدل وتغيرت ملامحة
تقربت عليه وگتله:- لاتفكر بيوم راح ترتاح وانت بلشت لعب بالنار
ضحك ..قرب وجهه من وجهي وگال:- نشوف منو اللي ديلعب بالنارومنو راح يتحمل الثاني
ايديه جانت كلها زاهي وصابون
تعصبت ..كول هيج ومسحتها بصدرة وبسرعة دفعته وطلعت
صعدت لفوك ركض اريد بس ادخل للغرفة
اريد اصرخ اريد ابجي
اريد تطلع هاي الغصة
دخلت للحمام وغسلت ايديه ..وانفجرت بالبجي
حياة مامنها رجعة
حياة وكعت بيها وماكدر احجي كلمة وحده بيها
اغسل بوجهي وابجي اختلطت دموعي والمي
وشفتي ترجف واكول يالله ساعدني
يالله شوفني الحكمة من هالوضع اللي انا بي
ساعدني وخلصتي من هالشي هذا يارب ...

ثاني يوم من الصبح كعدتني عمتي ننزل للسوك
جانت عيوني وارمة من البجي طول الليل ..امشي وانا بدون واهس ولا حيل
رحنا انا وخاله هاجر وعمتي
ماجان عندي واهس لاي شي ..اشوفهم شون متحمسين ويشترون بهالغراض اصفن بيهم وانا روحي طالعه
غراض السوك كلها جانت باهته بعيني
ماردت اعيش هيج!
ماحب انجبر على شي ..والا هالموضوع مايجي بالجبر
مامتخيله اعيش حياتي ويه اوس ابو النفسية
يصير شريك حياتي وزوجي او حتى خطيبي
مامتقبله هالشي احس اكو شي غلط بالموضوع
تسرعت لان وافقت؟ ..بس انا ماوافقت لخاطره
لو لا انربط قدره ويه مستقبلي ودراستي مستحيل ولا للحظه اوافق ولا افكر حتى!
دخلنا محل بدلات مالخطوبه
تخبلوا عمتي وخاله هاجر ..كل شويه وحده منهم تجيبلي وحده وتعالي قيسيها
وانا روحي مامتقبلتها
جنت داكلب بالبدلات وهما بغير صفحة
انتبهت على بدله عسلي بسيطة وردانها تصير عالجتف ومن جوا مثل ذيل الحوريه
جانت حلوة وبسيطه ..حبيتها بدون ما اقيسها كتلهم اريدها
طلبوا اقيسها بس ماجان عندي واهس ويمكن حسوا بيه لان جان وجهي ردات فعله واضحه
اشتريتها وطخمت وياها الحذاء والاكسسوارات
خاله هاجر اكثر وحده مكيفه ..طايره من الفرح
كل شوي تحضني وتبوس بيه
يلا على الاقل حماتي احبها وتحبني
هذا جان اخر محل ..طولنا فوك الخمس ساعات نحنا نفر بالسوك
خبروا قيس واجا علينا
اول ماصعدنا باوعلنا وگال
قيس:- اي يابة هاي علمود اوس تفرفرن بالسوك كل هالوقت
هاجر:- انت استقر على وحده قابل شراح اگلك
قيس:- شراح دگليلي يعني ..والله ركبتي توجعني والله راسي ديأذيني ماكدر انزل ..ضهري فقراته طالعه جارتنا ام عباس ابنها اسهال
ضربته على جتفه وگالت
هاجر:- بذااات گلتلي اخطبيلي وگتلك لا
قيس:- لا
تقربت عمتي من يمهم جانت كاعده خلف انا وهي
اسيا:- هو خلي يستقر على وحده
قيس:- عمي والله فقير اني
هاكر:- اي وين اكو منك
قيس:- اي تقشمروا تقشمروا غيركم يتحسر الكلمة مني
اسيا: والله ماصدك ..انت لو تشوف ضفدع انثى تزحفلها
قيس:- رحمة الله والديج مالگيتي الا ضفدع ..بعدين شهل سمعة تره اني ثكيل ثكيل
هاجر:- والله بعد روحي محد يجي بثكل اوس
سوه بيده حركة وگال:- اهووووو
تقربت بسرعة عمتي منا وگالت:- شنو اهووو ..دگول جذب
قيس:- افتهمنا داتمدحون بي كبال البنيه ..عمي وافقت بعد هاهية
من حجا هيج راسا باوعت للمراية
وكعت عيني بعينه جان مبتسم ..ماعرفت شسوي من رد فعل
افرح ازعل اضحك ابجي
ماردت احسسهم انا ضايجة
بس والله مو بيدي والموضوع دايدك بقلبي
رجعت عيني عالطريق ولا بالي يمهم
وصلنا هما كعدو يشوفون الغراض لبيبي ..انا كتلهم رايده اصعد ارتاح
صعدت خابرت امي وحجيتلها الموضوع
بس ماگلتلها انجبرت ..بالعكس گلتلها شفته خوش ولد
خفت تصير مشكلة ..تحجي لابوي وابوي مايتحمل ويجي يدخل وتصير طلابه بينهم
بلعت الغصة وسكتت وگلتلها خوش ولد وابن عمي احسن من الغريب ..