ليلة من العمر

البارت الثامن عشر

بيلسان:- بس انا مامنطية رقمي لاوس ولا حتى عندي رقمة
لا اراديا طلعت مني والعيون كلها رجعت تباوعلي مصدومة
حسيتني جفصت؟!!!
وقيس نظراته هم مالواحد حس على روحة جفص
راسا عمتي لغمطتها وگالت :- هسه الا تخجلوهم ..يداده منك قيسان
باوعلي جدي وگال:- جدو روفان جايج قبل شوي عجبني ..بلا امر عليج اريدلي استكان ثاني من ايدج الحلوة
كمت:- اي بعيني
جليلة:- جيبي لكلنا
لميت استكاناتهم بدون ماباوع لاي واحد وانا احس الفشلة والمستحة جاي تطلع من اذاني حتى ردت اوكع الصينية على عمي محمد
محمد:- الله الله بنتي
بسرعة طلعت ودخلت للمطبخ
يالله ليش تخليني بهيج مواقف ياربي لييييش
يعني الا يفتحون هالموضوع الا!!!!!
جنت منداره وجهي للطباخ
دخل احد انداريت لكيته اوس
اجا يمي سون روحه ديغسل لأن السنك جان يمي
حسيته باوعلي ..گال
اوس:- جان يشاقة قيس
حجيت بدون ماباوعله عيني على قوري الجاي:- ومنو گلك اهتميت للموضوع؟
سكت شوي ..حك بلحيته ومنزل راسه
طبعا هاي داباوعله من طرف عيني ومسويه نفسي متجاهلته
اوس:- بس فشلة ماعندج رقمي ولا عندي رقمج
نداريت باوعتله:- مو گلنا هالحركات مو حركاتنا
اوس:- ما داگلج خل نتخابر بالليل ..بس رقمي خليه يكون يمج
بيلسان:- بس مع هـ......
كبل لا اكمل قاطعني:- شبيج
صافن بوجهي ..استغربت
بيلسان:- شبية!
اوس:- اني داسال شبيج
بيلسان:- اي فهمني شداتشوف
باوع بعيوني:- وجهج ذبلان ..وطالعلج سواد جوه عيونج هاي ليش
هزيت بجتفي:- اي صارلي جم يوم مادانام زين
اوس:- ليش
بيلسان:- يعني هاي موضوع ايسر والخطار الرايح والجاي
حك بلحيته ونزل راسه شويه ورجع باوعلي:- بس مو هيج تتعبين روحج
بيلسان:- لهالدرجة وجهي تعبان
حجيتها ووحت على باب المطبخ
بي جان ف ينعكس بالليل ويصير مثل مراية
باوعت على نفسي واللعب بوجهي
اوس:- لاتخافين بعدج حلوة
باوعتله بسرعة ..منتجي ضهره عالكاونتر ويباوعلي
كمت ارمش بعيوني من الخجل ..ردت احجي دخل قيس بدون ماينتبه على انو اوس هم موجود بالمطبخ
قيس:- جنت اشاقة اساسا صاير دجاجة انام من التسعه والله
بيلسان:- عادي شحجيت ليش
قيس:- مو لوصت ادري
باوع انتبه اوس هنا ..رجع گال:- ايييييي هسه طخت ..الله اعلم شون راضاج ونساج الموضوع
بيلسان:- ياموضوع
اوس:- قيس كافي لوصت هواي اليوم
بيلسان:- لا دقيقةةة مافتهمت
باوعلي قيس:- جنا نقلد على اوس مايفهم الشي بسرعة جيتي انتي اخرب
بيلسان:- بس فهمنييي شجنت تقصد
قيس:- راح اشك هدومي
اشرله اوس:- قيس لبرا يلااا
قيس:- طالع طالع
حجاها وعبر من يمي طلع وطلع وراه اوس
من طلعوا يلا طخت يمي
وكلت هاااااااااا ..خرب يومك قيس
المشكلة الكل ماخذ فكرة انو نحنا متفاهمين وبينا اعجاب والعياذ بالله
ماعدا عمتي اسيا تعرف الموضوع كله ...
لليل لمن خلصت كلشي وجيت دخلت لغرفتي
تمددت عالفراش داعدله وسمعت صوت مبايلي اجاه اشعار
سحبته باوعت حساب غريب ..بس ركزت عالاسم لكيته اوس
فتحته لكيته دازلي رسالة:- ماعدنا رقمج على الاقل عدنا حسابج
ضحكت واستحيت مادري شبيه ..
دزيتله ملصق الضحكة وكتبتله:- يعني هسه ارتاحيت؟
بسرعة شافها وگال:- اي مو گاتل روحي
شفتها ورجعت سديته توني خليت راسي عالمخده سمعت اشعار الاخ
فتحتها هم هو دازلي منشور مالدوامات
كتبلي:- دوامج ماباقيله هواي
- اي بس اريد انزل للسوك اشتري غراض بعدين
- تريدين اني اوديج
- لا عود ننزل انا وعمة
- الخميس ماعندي شي
- لاا هواي للخميس
- هو بس هاليوم عندي يكون فارغ
شفتها وماعرفت شنو ارد ..تركته وقفلت التلفون ...