ليلة من العمر

البارت الثاني والثلاثون

دخل جدي ودخلته صارت علية بسنة
بس اريد يجاوبني عاد ..اول مادخل شافني مزروعة كباله
اريد احجي ماكو بعد يطلع مني الكلام ..همزين بيبي جانت جاية وراي راسا سالته:- يمعوود دبشر شصااار وينه اوس
سحب كرسي وكعد:- الحمدلله الحمدلله
بس سمعت هيج ..مي بارد نزل على گلبي
جليلة:- شنو دفهمنا شصاير
خالد:- احترك المحل اللتماس بالكهرب واوس جان بداخله
بس الحمدلله مابي شي وطلع سلامات
حجيت راسا:- وينه
ندار باوعلي:- ببيته وينه يعني
جليلة:- وليش ما اجا هنا؟
مايعرف روحنا ثنينا راحت من وراه وهو هيج الافندي ولا يجي يطمنا
خالد:- ياحجيه الولد طالع من نص النار حتى عقله هسه طاير منا تريديه يجي ويكعد يطك حنج
هلكان كوة جاي يحجي وصلوه ابوه واخوه للبيت يرتاح
نزلت دموعي ..اريد اشوفة
روحي كامت تلوب الا اريد اشوفة
كام جدي ودخل للحمام
رحت دخلت على غرفة عمة طلعت حجاب وعباية من عدها لبستهم عالسريع وطلعت
حجيت انا وداعبر عالسريع:- خاله هاجر خبرتني اروح اشوف شبيها
حجيت بدون ماخليلها مجال تحاجيني بيبي
لبست نعالي وهي بركضه اخذتها طلعت ..المنطقة يمكن كلها حست علية من ورا ركضتي وصوت نعالي بس ماهمني غيره
اريد اشوفه لو اعرف هسه مادري شراح يصير
وصلت بيتهم اريد اجر نفس ماكدر بعد من الركض
بحيث استندت عالباب وكمت ادكه بس اريدهم يطلعون عاد
فتحلي قيس ..عقج حواجبه استغرب:- روفان
بيلسان:- وين اوس
قيس:- ذاك هو مشمور بالصالة
بيلسان:- عادي ادخل
راسا سوالي مجال:- لا
ابتسمت ودخلت ركض ..استحيت ابين لهفتي وخوفي
بس ماتحملت نزعت النعال وركض دخلت بوجهي للصالة
جانوا كلهم كاعدين وهو كاعد بالكاع وساند راسه على حضن خاله هاجر
شافوني كلهم استغربوا ..رفع راسه فز وباوعلي
محمد:- روفان
كام عمي واجا عليه:- بيج شي عمو
هزيتله براسي بلا:- جيت اشوف اوس
حجيتها وانا لو تذبحوني ماتلكون قطرة دم بجسمي من الخجل
باسني من راسي وگال:- ماكو شبي يابه هياته
نزلت راسي باوعتله ديباوعلي وهو وجهه كله اسود من رماد النار
وهدومه مدمره وشعره مخربط
رحت كعدت بصفحة وعيوني ماكدرت اوخرها من عنه
اجا قيس:- محظوووظ ابنل ابنل
سكحت بي خاله هاجر:- قيس
قيس:- خليتوا بيها قيس انتو يمعودين
حجاها وياشر بيده ندار للتلفزيون
دخل عمي لغرفته ..باوعت بين قيس وبين اوس
وحجيت:- شون صار الحادث
ماجاوبني اوس رجع راسه بحضن خاله
باوعلي قيس وگال:- اللتماس بالكهرب وكابه المحوله مالمحل بداخله وصاير الحرگ
هاجر:- ياالله احمدك واشكرك الف مره
ذبيت القدر بلطف
قيس:- يالطف باعي ابنج مفحم
هاجر:- انجب الف الحمدلله والشكر طلع سلامات
قيس:- زين مخطوب والا منو جانت راح ترضى بي بعد هالحادثه
رفع راسه باوعله:- ليش يابه
قيس:- تقنعني هسه تكدر تخلف؟
كاموا يضحكون ..نزلت راسي مستحية
وداللعب باصابيعي ..حسيته مارايد يحجي وياي ولا حتى يشوفني وجيتي كلها غلط
جتي الدمعة بعيني وكلش تندمت لانو جيت
شوي وكامت خاله هاجر:- شوي ابني وخر اكوم اني
وخرت راس اوس وكامت
جنت داباوعله من جوا لجوا ...شافني بسرعة نزلت عيوني
اشر لقيس يطلع برا ..وقيس يگله بصوت عالي:- شنو ..شبيك
مدافتهم شرايد يعني
هسه غير يحجي ..شكووو
عاط بي:- كووووم اطلع برا وجه البومة
قيس:- هاااااا دكول هيج شمدريني كاعد تلويلي بركبتك منين افتهم اني
اوس:- اييي صدقة وين اكو ببرائتك
قيس:- مو بله
حجاها وطلعوا هو وبنان
رفعت راسي شوي ..جان ديباوع للتلفزيون وساند راسه بيده
بيلسان:- ليش ماجيت اول شي ببيت جدو
ندار باوعلي:- جدو وطمنته
منو بعد غيره خايف علية؟
بيلسان:- بيبي
اشر براسه:- عرفت جدي راح يرجع ويطمنها
دمعت عيوني وانا اباوعله ..گلت:- وانا؟
باوعلي وسكت ..نزلت راسي وكمت ابجي ماتحملت
تنهد وزحف تقربلي كعد يمي هو وبالكاع ..
اوس:- ان مو كايل ماتبجين على اي شي؟
نزلت كعدت بالكاع يما مسحت وجهي وانا اباوعله:- ضايج مني؟
ابتسم كوة بنص تعبه ..كح وگال:- بنص النار واني ماببالي غيرج
وانتي دگولين ضايج مني؟
كمت ابجي صاح:- لااا اله الا الله ..شو وخري ترضين ماترضين
دفع ايدي وتمدد بحضني
جسمي كله تشنج وگلبي كام يدك سريييييع:- اوس لا يشوفونا اهلك كوووم حبااب
اوس:- هشششش مريض هسه مريض لحد يضوجني
ضحكت:- احجيلي شصااار
باوعلي وفرك بعيونه:- جنت كاعد بالمحل
اصفي الحسابات مالهل شهر وماحسيت غير على صوت كهرب قوي طلعت واشوف البرا صاير كله نار ..منظره ماديروح من بالي
همزين عدنا مخزن كامب كله قناني الاطفاء بسرعة رحتله وجبت بهالقناني وارش عالنار بس المشكلة من يجتمع النار والكهرب سوا مايفيدهم مي اكو باودر خاص يستعملوه الاطفاء لو بالتراب
حاولت اطفي حاولت اخمدها شوي ماكو ولا يفيد بالعكس دازيد الطين بله خفت تنفجر بوجهي المحولة كلها انوب
صعدت ركض للسطوح ومن السطح ركض كمزت على البيت اللي يم المحل والعالم جوا كلها ملتمه تطفي بهالنار واني اعيط عليهم بس خبروا الاطفاء ماراح تفيدون بشي هسه
ولحد ماجتي سيارة الاطفاء هي اللي طفتها وها اها طلعتلج بشحمي ولحمي
اباوعله هو ويحجي ..عيونه ذبلاااانه من التعب
ووجه بي طخات فحم:- يعني انت ماتأذيت
اوس:- لا الحمدلله
اخذت نفس وزفرته بتعب:- الف الحمدلله
باوعتله وحجيت بعتب:- ليش ماجيت ببيت جدو
اوس:- عناد بيج ..ردت اشوف شتسوين
بيلسان:- هاااا
اوس:- اي والللله
كام تعدل وتقرب مني يباوعلي ..باوعتله:- هاا شبيك
يباوعلي ومبتسم:- شبيييك اوس
اوس:- بس لو ما اعرف هسه قيس جاي يتسمع علينه جان سويت شغلة
بيلسان:- قيس!!!
سمعنا صوت ضحكة من يم الباب
نداريت بسرعة ..دخل قيس يضحك
اوس:- عرفت والله
قيس:- گلب والده مو گلب عادي عندك
حجاها واجا كعد كبالنا:- اعتبروني ماموجود وكملوا
تعدلت:- لا خلص انا راجعه للبيت
باوعلي اوس:- وين
بيلسان:- للبيت اصلا طلعت بدون ما احاجي بيبي بسرعة بس ردت اوصل
باوع بعيوني وابتسم ابتسامة بحيث حتى سنونة طلعت ..
استحييييت وحسيت الحرارة صعدت لفوك راسي هم مو بس لراسي
ندار على قيس وگله:- كوم وصلها ماكدر اسوق اني والله
بيلسان:- لالا عادي مثل ماجيت ارجع
اوس:- جيتج لوحدج بهالليل وبالشوارع راح امشيها بمزاجي بس رجعتج لازم احد وياج
قيس:- ايباااااا
حجاها وفرش ايديه عالقنفة وهو يباوعلنا والابتسامة شاكة حلگة
باوعله اوس:- كوم وصلها يلا بلا تمسلتك
رجع باوعلي وگال:- واعتذريلي من بيبي لان ماجيت گليلها تعبان وماجان بي حيل يتحرك
قيس:- اني ماكدر اجذب
اوس:- وانت شعليك
قيس:- ماكدر اسمع الجذب همين ..اعتذر راح اگول لبيبي مو هيج
اوس:- قيس ..روح وصلها ويصير خير
قيس:- شراح تسويلي ولك
هز براسه وانا ضحكت عليهم
كمت وعدلت العباية وحجابي ..بقى كاعد مبين عليه جان تعبان ومابي حيل حتى يكوم
نداريت عليه وكبل لا اطلع سويتله بيباي بيدي ..شو هذا دزلي بوسه بالهوى
عالسريع باوعت لقيس جان ديعدل بقميصة ..رفع راسا عالسريع باوعلنا
قيس:- شسويتلها؟
صفريييييييت من الخجل مو حمريت عالسريع دخلت للمطبخ
سلمت على خاله وطلعت
وصلني قيس للبيت بالسيارة ..دخلت جانت بيبي بعدها كاعدة بالصالة
دخلت ودانزع بالعباية ..شافتني:- ها شونه اوس
بيلسان:- الحمدلله زين بس كلش تعبان وروحه رايحة
هزت براسه:- سودة عليه
بيلسان:- واعتذرلج هواي لان ما اجا بس گال والله جنت تعبان
راسا تحولت نظراتها:- ايييي طبعااا راح يصف يم امه
استغربت من كلامها ..اول مره اسمعها تحجي على خاله هاجر بالمو زين
باوعتلها:- ليش هيج تحجين بيبي خاله هاجر شعليها
جليلة:- لااا ابد ولا عليها
بس كبت بوجه جدج ذيج الكبه
بيلسان:- خاله هاجر؟
ليش شصار وشوكت
جليلة:- من طلع اوس من الحادث وراحوا وصلوه للبيت
كامت تصيح كله منك وذاب الشغل كله على ابني ومايصير هيج وودودودودو كامت تطرن وتلوص بالحجي
كعدت وانا مصدومة ومستغربة
ماحس خاله هاجر عدها هيج حركات ..بس من رحت عدهم جان وجهه زعلان شوي وضايجة
باوعت على بيبي:- اي يابيبي احتمال من قهرها على اوس غير
الا اكيد ماتقصدها
جليلة:- لالا سكتي انتي ..يكلولج يطلع اللي بالقلب ساعة العصبية
صفنت بيها ..ماردت ادخل واطول بالحجي
اكيد صاير سوء تفاهم والا خاله هاجر مسكينه ومايطلع منها هيج شغلات ..