تقرب يمنا ويباوعلي مبتسم:- السلام عليكم
سحر:- اهلا وعليكم السلام
باوعلي مبتسم وگال:- ماعرفتيني؟
باوعوا كلهم علية ..استغربت منو هذا وشهل جرئه:- انا؟ ..لا العفو
- اني يوسف بقسم الرياضيات مرحلة ثالثة
صفنت بي
هااااا ..راسا اجا على بالي
ياربي شون حافظ شكلي انا ناسيته
كمت راسا:- اهلا اي اي تذكرتك
يوسف:- جيت اسال عنج خاف محتاجة شي
البنات ديباوعولي مستغربين
توترت كلش ..حكيت كصتي:- لا شكرا اشكرك ماحتاج شي
باوعتلي سحر ورجعت بالكرسي:- ماعرفتينا
مروة:- خطيبج مو
سحر:- خطيبها وماداتعرفه ..شهل سؤال
ردت اضحك ماكدرت
وهذا اباوعله تغيرت تعابير وجهه:- العفو مخطوبة؟
اريد ارد ماكدرت ..راسا سحر قاطعتني:- تفضل ليش واكف
اباوعلها ..شنو تفضل!!!
وين يتفضل ونحنا بس بنات
خزرناها انا ومروة ..همزين هو حس على نفسه
كح وگال:- لا ما ازعجكم بس جيت اسلم على
باوعلي وحجاها ومنتظرني اكول اسمي
صفنت بي ..هذا شبي يالله شبيك شرايد مني
مروة:- روفان
باوعتلهم بسرعة شبيهم جاي يردوله
ابتسملي:- تشرفت وشماتحتاجين اني هنا تعرفين قسمي ..مع السلامة
حجاها وغمض عيونه بسرعة واندار
نداريت عليهم وخزرتهم:- تره اعرف احجي شبيكم تحجون بمكاني
مروة:- لعد ليش انخرستي ماما
ديسال عن اسمج صفنتي ..سال مخطوبة صفنتي
سحر:- وهاي تسالها خطيبج ..خطيبها وماتعرف منو
مروة:- اعرف اعرف مو خطيبها تقصدت لان شفته يريد يستلطف هواي
بيلسان:- صدمني ماتوقعت جاي علية
سحر:- هي بالاول خلي تجاوبنا ..منو هذا ولج
ومن شفتي هيج توترتي؟
كعدت:- شنو توترت ..عادي بس ماتوقعته راح يجي يحجي وياي لان
سحر:- منو هذا
بيلسان:- واحد اول يوم دوام سالته عن قسمي ودلاني
سحر:- اهااا
حجتها وهي ترجع بالكرسي وسحبت العصير تشرب وتباوعلي
مافتهمت نظراتها بس ابد مارتاحيتلها
راسا غيرت الموضوع مروة
بس ياربي شكد جتني الضحكة بس تذكرت تعابير وجهه
يريد ينسحب جان مايعرف شون من عرف مخطوبة ..
خلص وقت الدوام طلعت لكيت اوس
اول ماصعدت سالني:- شلون جاوبتي
بيلسان:- كلش زين الحمدلله
اوس:- هااا اليوم شكلة حلو عليج
بيلسان:- يعني ..بس صار موقف يضحك
اوس:- شصار
حجيتله انا وداعدل بهدومي وانفض بملامسي
ماجنت منتبهه عليه ..بس خلصت گال:- يعني لو ما صديقتج جان كعدتو تعارفتوا !
رفعت راسي عليه ديباوعلي وعاقج حواجبة
بيلسان:- لا بس غير اشوف شيريد
اوس:- ولد جاي على بنية مو بمرحلته ولا حتى بقسمة شيريد مثلا
بيلسان:- تره الولد ماكال شي وحباب ..يريد يشوف اخاف محتاجة شي
اوس:- انيي مو منبهج زين ومو اي شنص يجيج تكعدين تسولفين وياه
بيلسان:- وين سولفت غير بس كلتله ماعرفك وراها تذكرته
اوس:- العااالم اللي هناك مو مثل تفكيرج ولا مثل نيتج ..ذوله همج مايفهمون
بيلسان:- وانا ماااسويت شي شكو تصيح
زفر بعصبية ..شغل السيارة:- بعد ولا كلمة تاخذين وتنطين خارج الدراسة
بيلسان:- ايييع اصير مغرورة
باوعلي:- اي مغرورة ..كتلج العالم اللي هناك مايفيد وياهم الا وحدة مغرورة ..اذا مانغريتي ياكلوج يدمروج يشوهوج ..افتهمتي
نداريت عالجامة:- والله عاد انا اجتماعية
اوس:- اي صح هو البارحة يلا تعرفتي على سحر ومروة
بيلسان:- وحافظ اسمائهم بعد
اوس:- غير صارعتني بيهم
نداريت عليه بسرعه:- هااا ..هاهيه بعد ماحجي
سكت ما حجا شي شغل السيارة ومشى
رجعني للبيت وماحجينا شي بعدها وحتى نزلت بضوجة ..
المغرب هيج
جنا كاعدين بالصالة ..وجدو ديصلي بصفحة
دخلوا قيس واوس .. وقيس وجهه ضايج
سلموا وكعدو يمنا انتبهت على عمتي اشرتلهم بمعنى الحكوني وكامت للمطبخ
كامو بقيت كاعدة ..قبل لادخل اوس للمطبخ ندار وباوعلي واشرلي اروح
رحت وراهم ..دخلنا للمطبخ
اسيا:- شمسوي من فاينة
اوس:- تعارك ويه امي
اسيا:- شمسوي
قيس:- موضوع تافه مايسوى
اوس:- لا يسوى
اسيا:- هسه دحجولي شصاير
اوس:- حبيبته عايفها الافندي وهي كول هيج وروحي دخلي على امي بحسابها واحجيلها كلشي
قيس:- مو بس هيج رايده عنوان البيت تريد تجيني انوب
اسيا:- وشتريد
قيس:- مو بله
باوعله اوس ويحجي وهو ياشر بيده:- البنيه تحبك وانت علقتها بيك
ليش من البداية ماكلتلها الصراحة
قيس:- اني ماحب الخنكة ..شنو من كل عقلها اتزوجها لو حتى افكر اتزوج
اوس:- مشاعرهم لعبة يمك مو ..بنية هاي كلمة صغيرة تنجرك بسببها
قيس:- والله عاد تعرف اني مو مالارتباط
اوس:- ثلاث سنييييين ومو مالارتباط
قيس:- اقصد زواج
اوس:- اي يعني قصدك لعب اي ..جد لا
اسيا:- وامكمم شنو رأيهااا شدادكول
قيس:- دكلي نروح نخطبها
اسيا:- ابني اذا بنيه خوش وتحبك ليش لا
قيس:- لا يابه لا
اوس:- ليش لااا ..مو صارلك ثلاث سنين وياها وبالاخير لا
من يوصل الموضوع للجد لاا
مافكرت بيها بالبداية مافكرت بهالخطوة يعني
بس هيج شوهت حياتها ولا
كام يزفر قيس بعصبية :- ماريد مامفكر بهالموضوع ولا راح افكر
اوس:- جاهل والقران وراح تبقى جاهل
قيس:- اي يلا جاهل ولا انجبر على شغلة ماريدها مثلك
حجاها وراسا الكل سكت
والكل باوعلي انتبه انا موجودة ..جنت واكفه بصفحة خلف اوس
اسيا:- انجب ولاتلوص الكل يدري خطوبة اخوك مو جبر
ضحك ضحكة مستفزه وهو يباوع على عمتي
طخه اوس من جتفه حتى يباوعله وگله:- دقيقة منو كلك اني انجبرت
قيس:- مشيهن على غيري
اسيا:- قيس لاتلوص
قيس:- شنو لا اللوص ..والله هاي الحقيقة واني مو مجبور حتى اعيش مثل حياتك
اسيا:- اوس بنفسة راح لجدك وطلبها
اذا ماتعرف بشي لاتلوص وتحجي من كيفك
راسا باوعت لاوس مصدومة
احس جاي تظهر حقايق وشغلات جان لازم من البداية اعرفها
داتظهر شغلات تجاوبني على الاسئلة اللي جانت بداخلي
حسيت مكاني غلط بينهم
انصدمت وماعرف بعد شسوي ..ردت اعبر حتى اطلع من يمهم وادخل
حسيت احد لزمني
نزلت راسي باوعت ..ايد اوس
بقيت واكفه انجمدت بمكاني ..من وكفت عاف ايدي
اسيا:- اليوم ابقوا هنا لاتروحون لبيتكم
وباجر جمعة راح يجون اهلكم ونكعد نتفاهم ونحجي
قيس:- لاتوصلون الموضوع لجدي رحمة لاهلكم ..والقران مابقالكم ساعة بالبيت
اسيا:- قييييس صاير مستهتر فد نوبه تره
صاحت بي ..كلشي ماحجا عافنا ودخل للصالة
اسيا:- هذا ولا يبطل طلايبة
اوس:- لاتحجين شي لجدي وبيبي ..اني احلها
اسيا:- شوف اخذ رقم البنية واحجي وياها
اوس:- والله ياعمة فشلة ..اخابرها اكللها اخوي ديضحك عليج جان شحجيلها
اسيا:- اوووف يقيسان اووف
باوعتلي عمتي وصفنت ..باوعت عليها
بيلسان:- بشنو داتفكرين
اسيا:- اجت ببالي شغلة
اوس:- ها شنو
تقربت علينا وقربتنا يمها:- منو يكدر يجيبلي رقم البنية
اوس:- عادي سهله
اسيا:- جيبولياه وخلوني اني احجي وياها
نروح اني وروفان نتفاهم وياها
بيلسان:- منو ..انا؟
اسيا:- نحنا حرمات ونفهم على بعض نفهمها بهدوء ميخالف
اوس:- اخاف تصير غير سالفة يمعودة
اسيا:- ماعليك انت المهم ننهي هالموضوع وخلي يولي اخوك
عيب هالحركات شيكولون عنه العالم
ماعليك جيب رقمها والله كريم ..
حجتها وراحت للطباخ تحضر بالعشة
كح بلحيته ..باوعتله ندار علية
حسيته راد يحجي شي وياي
راسا عفته ورحت وره عمتي
ماعرف ليش ضجت ..هيج على غفلا
مرات يصيبك ضوجة فجأة وماتعرف شنو سببها بالضبط
المهم ضجت!! ..
ثاني يوم كعدت
اول ماطلعت من الغرفة لكيت اوس متمدد عالقنفة اللي بالصالة فوك
جان كاعد ويفرك بعيونه
انتبه علية ..باوعتله:- انت ليش تحب تنام هنا وتعذب نفسك
مو اكو غرف
ياوعلي ويمطي بجسمة
ماحجا شي بس ابتسم ابتسامة خفيفة
للظهر اجو بيت عمي محمد
اول مادخلت خاله هاجر شفت وجهه مو مرتاحه وضايجة
مو مثل دائما مبتسمه وتشع وتسولف
دخلوا كلهم جوا ..بس انا وعمتي وخاله هاجر بقينا بالمطبخ
كعدت عالكرسي:- اووف يا اسيا شلني شلني هالولد
اسيا:- ام اوس ..هو شاب وكل شاب هيج يسوي
هاجر:- مو شاب مراهق الله وكيل ..يعني البنيه ورده مالله
تحاجيني وتشهك وتبجي صغيره شنو ذنبها
اسيا:- ميخالف نحله للموضوع مايبقى هيج
هاجر:- اني عندي بنية والصراحة اخاف عليها
يعني والله مارضى احد يعامل بنتي هيج غير اذبحة
باوعلتها من حجت
دمعت عيوني ..تذكرت امي
شكد تمنيت اروح احضنها ..بقيت واكفه بمكاني واشتغل وماحجيت شي
عفتهم وطلعت حتى احضر بالسفرة
كلهم جانو ملتمين ماعدا قيس ماجان كاعد وياهم مادري وينه
انا وداطلع من الصالة
جتي بنان يمي بسرعة وهمستلي:- اوس يكول انتظرج بالاستقبال
بيلسان:- شنو شيريد
بنان:- مادري بس گال يريدج
حجتها ورحت ..باوعت الكل ملتهي
عبرت للاستقبال ..فتحت الباب بهدوء مديت راسي لكيت اوس واكف وديخابر بالتلفون
انتبه علية اشرلي بمعنى ادخل
دخلت وسديت الباب ..خلصت تلفونه طفاه وخلاه بجيبه
بيلسان:- شنو شردت مني
اوس:- جبت رقم البنية
بيلسان:- والله ..اي وهسه شنو مافتهمت شراح نسوي
تقرب علية ويباوعلي:- راح اعتمد عليج بهالسالفة اخذي رقم البنية وحاجيها انتي وعمتي
المهم انو تنهون هالموضوع لان قيس راح ابتلي بي والله
انطاني ورقة صغيره بيها رقم اخذته وخليته بجيبي
بيلسان:- يعني شنو شنسوي والله ماعرفت
اوس:- تروحون تتفقون تحجون ويه البنية ..مادري شنو تحجون او شنو تفهمومها المهم انو قيس خلي تبتعد عنه لان مامنه فايدة
البنية متعلقة بي
بيلسان:- بس البنية متعلقة بي ماراح يفيد
اوس:- لا ميخالف احجو وياها انتي وعمة وراح تنحل
بيلسان:- زين ليش ماتحجي ويه قيس انت وتفضها
اوس:- قيس مو جدي ابد ..يعني بهيج مواضيع
اني اعرفه راح يشرد ويتجاهله ويخليها هيج على نار لاشهر لو ايام
ماراح ارضاها هي بنية وعيب نرضاها عليها مثل ما مانرضاها على نفسنا ..خلي نفهمها باللسان ونحاجيها وها اها
بيلسان:- اي لعد تمام نشوف شون راح يصير
هز براسه:- معتمد عليج ها
ابتسمت:- ان شاء الله اوس
عيونه بعيوني ومبتسم ..بسرعة درت وجهي وطلعت
اليوم جان بي توترات شوي
مو كلش جنا ماخذين راحتنا او دانسولف
خاله هاجر مبين عليها جانت كلش ضايجة وقيس هم ولا شفناه
نزل كال طالع وماحجه شي ثاني
لليل بعد ما راحو بيت عمي
انتظرت جدو وبيبي هم يروحون ينامون حتى احجي ويه عمتي
جانت بغرفتها ..دكيت الباب ودخلت
داتعدل بفراشها ..باوعتلي:- هاا شكو
بيلسان:- فاضية لو راح تنامين
اسيا:- تعالي
دخلت وجان بيدي تلفوني والورقة مالرقم
بيلسان:- جبت رقم البنية من اوس
باوعتلي وفتحت عيونها:- هاااا ..تعالي تعالي
رحت كعدت كبالها:- بس خايفة احس الموضوع مادري شونه
اسيا:- لا لاتخافين لازم نسوي شي مانبقيه هيج
اخاف البنية تروح توصل لجدج
بيلسان:- لاا شيوصلها
اسيا:- يولي هاجر دكول رايحة على مكان دوام عمج
بس همزين مالكته ..والله ماعدها مانع تروح لجدج
بيلسان:- يمةةةة شنو هالجرئة
اسيا:- اي والله جاهله من يدري شونها
داتحجي جتني رسالة عالتلفون ..كل ظني من اوس
تركتها ولا حتى شفت من منو كلت بعدين ارد
بيلسان:- زين هسه شنو نسوي ..اوس يكلي معتمد عليج تنهين هالموضوع
صفنت بيه عمتي
اجاني اشعار ثاني ماهتميت ولا فتحتها
اسيا:- نخابرها ..نگللها نريد نلتقي وياج بمكان
نروحلها اني وانتي ونحاجيها نفهمها الموضوع بهدوء
لي وكتها هو يجي الحجي
بيلسان:- شوكت نخابرها
بيلسان:- جيبي هسه ماعدنا شي
طلعت التلفون ووخرت الاشعارات بدون ما انتبه
لزمت الرقم وجيت اخليه وعمتي يمي
جتني رسالة :- واسف عالازعاج
من حساب غريب ..شافته عمتي گالت:- هذا منو
بيلسان:- مادري والله
راسا وخرته واللتهيت بالرقم
دخلته ودست اتصال بقينا نسمعه يرن وننتظرها ترد
بطني كامت تلومني مادري شبيها
جان بيدي ..بس ردت گالت الو بسرعة شمرته بحضن عمتي
باوعتلي وسوتلي امداج ..اخذت التلفون:- الو مرحبا
- اهلا منو وياي
صوتها جان ناااااعم ومثل اللي دحجي من خشمه
اسيا:- اني ام ايسر عمة قيس
- نعم تفضلي
اسيا:- شوفي بنتي اكو شغلات اريد نكعد ونحجيها سوه
- اي تفضلوا عدنا
باوعتلي عمتي ..خليت ايدي على حلكي اريد اضحك
اسيا:- لا امي فهمتيني غلط ..اريد احاجيج بيني وبينج يعني اكو مواضيع اريدج تفهميها يعني وشغلات نريد نحلها سوا
- اي تمام ..شنو اجيكم يعني لو شنو
اسيا:- شوفي مكان مناسب ونلتقي بي ان شاء الله فد ساعه نص ساعه هيج مانطول
- تمام
اتفقنا على عنوان معين باجر العصر
بس سدته ..طكيتها بضحكة
تباوعلي عمتي مصدومة:- ولج هاي تحسبنا رايحين نخطبها
بيبسان:- دكلج تفضلو عدنا
اسيا:- ماعرفت شنو ارد
دخيلك ربي شنو هالبلوة
كمت اضحك ..تلفوني بعده بيدها جتني رساله ثانية
شمرته بحضني وگالت:- دهاج انتي هم صرعني تلفونج
اخذته وترخصت طلعت
فتحته لكيت رسايل من حساب غريب ماعرفة
وحتى مو وياي مشترك
باوعت زين ..افتح الرسايل الباقية لا
داز اربع رسايل مدري خمسه
صعدت للغرفة وانا صافنة بالتلفون ..فتحتهم
- مرحبا
- شلونج
- اعتذر عن اخر موقف اذا احرجتج
- واسف عالازعاج
واخر شي وردتين !!
هذا شبي ومنو هذا اصلا ..اردله لا؟
بقت حسره اريد اعرف منو
تشجعت ورديتله برسالة وحده :- منو حضرتك؟
وراسا سديت التلفون وسويته صامت حتى ..
ثاني يوم من الصبح كعدنا ونريد نكمل شغلنا عالسريع
شافتنا بيبي مو على طبيعتنا
گلنالها عدنا شغلة نريد نجيبها من السوق
بحيث حتى تغدينا من وقت وكملنا تنظيف وكلشي
اسيا:- خبرت اوس يودينا
بيلسان:- اوس ..ليش مانروح بتكسي
اسيا:- بالعصريات نروح بتكسي
عوجت بوجهي وصعدت ابدل
تلفوني اليوم كله ماشفته ولا فتحته
من جيت ابدل رحت عليه شفت جايتني رسايل كومة
من نفس الحساب!!!!
- صباح الخير ..اني يوسف
طالب قسم الرياضيات ..لادكوليلي ماتذكريني همين هههههه
صفنت بالرسالة
هذا شبي! ..ليش ديلح
استحيت ما ارد لان اصلا انا فتحت الرسالة
دزيتله:- صباح النور ..اهلا وسهلا بس بالبداية ماعرفتك مامبين الاسم
راسا شافها
ياربي شهل لزكة هذا شبي
بقى يكتب ..طلعت وكمت ابدل
دزلي:- ياصباح النور ساعه خمسه العصر بس يلا امشيها
امشيها! واذا مامشيتها ..يابه ماتولي ...
دزيتله ضحكة بس
ماردت اطول الحجي عفته وكملت شغلي
وسحبته ونزلت
لكيت عمتي كاعدة بالصالة داتلبس بجواريبها وبيبي يمها
جليلة:- راح تتاخرون
اسيا:- لالا مانطول
جليلة:- خبرتوا اوس
باوعتلي عمتي:- صح روفان امي خبري اوس كوليله كملنا
طلعت تلفوني واتصلت عليه
بالبداية حسيت مثل گلبي رجف مع اول دكة
احس اول مره اخابره
اوس:- الو
بيلسان:- اا ..نحنا كملنا
اوس:- خمس دقايق واني جاي
سديته وكملنا كلشي انا وعمتي
جانت متوتره اكثر مني جنا رايحين مقابله ويه ولد مو بنية من التوتر
المشكلة مانعرف شنو نحجي
وحده مخربطة اكثر من الخ ..
سمعنا صوت هورن سيارة اوس
طلعنا هي صعدت كدام وانا خلف
اوس:- هاا جاهزين
اسيا:- اسكت وخليها مادري شبيه متوتره
اوس:- لا عمة يمعوده كولي يالله
اسيا:- شوف لو راح نبعرها لو نحلها
باوعلي من المراية وگال:- لا واضح شراح يصير
حجاها اجتني الضحكة عرفت شقصدة
وصلنا عالمكان جان مثل كفترية ..باوعتله عمتي:- تعرف شكلها؟
اوس:- لا والله ماعرفها
اسيا:- هنيالي شون راح نعرفها لعد
بيلسان:- نخابرها ونگللها وينج نحنا وصلنا
اسيا:- اي ديلا
نزلنا طلعت التلفون وانطيته لعمتي تتصل بيها
المهم جانت واصله قبلنا
دانمشي الها تقربت من عمتي وهمستلها:- مستعجله الاخت جتي قبلنا
وانا كلت هيج
عمة تريد تسكت بعد ماتكدر ..سندت علية ومخليه وجهه بجتفي وتضحك
وانا اسكت بيها:- بشرفج عمة شبيييج
اسيا:- يولي انحصرتتت
بيلسان:- عمةةةةة مو وكتهاااا
والبنية انتبهت علينا ..كاعدة ومخليه رجل على رجل
رحنا يمها ..كامت وكفت
قصيرة كلش وسمرة ومفرعة مالابسه حجاب بس بسيطة مابيها شي
اسيا:- مرحبا بنتي
- اهلا عمة تفضلوا تفضلوا
باوعتلي وصفنت بيه ..راسا حجت عمتي:- هاي روفان بنت اخوي
ابتسمتلي:- اهلا وسهلا
بيلسان:- اهلا بيج
كعدنا ..راسا صاحت النادل يجيبلنا شي
اباوع لتصرفاتها ..من حجوا عنها انو عيب يلعب بمشاعرها ومادري شنو تخيلتها وحده هيج لابسه حجاب ومنضبطة بلبسها
بس تصرفاتها ابد مو مالوحده هينة
حتى نظرات عيونها غريبة وهيج مادري شون تحرك بيديها ومن تحجي تتفيك
عفة على گلبك ياقيس شون تحملتها سنتين؟ ..
اسيا:- باعي راح اعتبرج مثل بنتي وجايه احاجيج وانصحج
قيس ابن اخوي واني اللي ربيته ..ويمكن لان انتي ماتعرفيه زين
بس قيس ..
قاطعت عمتي راسا وهي دگللها:- لا اعرفه كلش زين لقيس
صفنت شوي بيها عمتي
رجعت كملت:- المهم ..حتى نكون واضحين واحجيلج هي طك بطك
قيس مو من النوع اللي يرتبط ويتزوج ومادري شنو
هالولد يريد يبقى حر يعني من عرفت بي مرتبط صدكيني استغربت
اي والله يعني قيس مو مالهيج سوالف ..اكلج هي اي هو ابو بنات ويتشاقة ويسولف بس مو من النوع اللي يرتبط بشكل رسمي
باوعت علية
رجعت باوعت لعمتي:- خاله اني مقدرة جيتج لهنا
ومقدرة حجيج هذا كله ..بس مو اني اللي يتسوه وياي هيج
سنتيييين سنتين تدرون يعني شنو سنتين
هيج بلحظة يقرر يعوفني والله صايره خنكة ونكدية وماعرفيش
اسيا:- يابنتي انتي كلتي اعرف قيس
مفروض تعرفيه انو مو من النوع اللي واحد يخنكة تره تدرين هذا من يبقى يوم واحد بالبيت يكلبه كله مساكل يتعارك ويه ابوه وامه واخوانه لان مايحب احد يدخل بي لو بحياته
- بس اني مو اي احد
بيلسان:- واهله يعني اي احد!
باوعتلي بنظره سريعة ..راسا حجت عمتي:- احنا جاي نفهمج على طبعه ..كلش عجوزي ولو تشوفيه شكد مكروه
يمكن مايبينلج بالرساله انو هو طبعة صعب ومعقد ..بنتي الموضوع لو وصل لجده صدكيني ماراح يصير خير لا الج ولا لقيس
انتي بنية واكيد اهلج من عائله زينة ومحافظة وماراح ترضى الفضيحة لبنتها
- يعني شنو هسه خاله ..تريدين اعوفه يعني
لو شنو مافتهمت عليكم
دك تلفوني مانتبهت منو راسا قلبه على وجهه طفيته
وتقربت من الطاولة وگلتلها:- باعي حقج والله نحنا مو جايين نلومج ابد ..نحنا جايين بس نفهمج
- شنو تفهميني؟
صفنت بيها ..هاي هي مدرعمه علينا مو نحنا
احس ماراح نكدرلها ..باوعت لعمتي ماعرف بعد شنو احجي
حتى هي حسيتها حاسه بنفس احساسي
باوعتلها:- نحنا بنات وراح نفهم على بعض مو تمام
هزت براسها ..رجعت گلتلها:- من الاخير بدون لف ودروان
الولد مارايدج
باوعتلي عمتي بسرعة ..واحس نفسي جفصت
بس ماتحملت استفزتني كلش بتصرفاتها وكلامها
ونحنا نجيبها يمين وتجيبنا يسار ..وشما نحجي تسكتنا
صفنت بيه ومادري شداتسوي حركات بحلكها
غمضت عيونها وهزت راسها:- افتهمت عليكم
اسيا:- ياماما نحنا مانريد مشاكل والله
واذا على قيس وعد مني ارزلج ياه رزاله تبرد قلبج بس لاتوصلون الموضوع للكبار
- لا خاله لا
اسيا:- فدوه لوجهج خاله
هزت براسها ..دك تلفوني مره الخ ..رفعته شفت اوس
باوعت لعمتي ودرتلها التلفون
هزت براسها ورجعت باوعت للبنية:- يلا امي نحنا نترخص ان شاء الله مانكون ازعجاج ووصلناج للموضوع اللي جينا علموده
واذا عندج قسمة بالشي صدكيني لو الدنيا كلها ترفض راح يصير
ابتسمتلنا وهزت براسها
ترخصنا وكمنا
اريد بس اطلع واوصل السيارة عاد ..متت بگلبي مليان حجي وضحك بنفس الوقت
عمتي صفرت المسكينة مادري شجاها
طلعنا لكينا اوس واكف منتظرنا
كمنا نتراكض عالسيارة حتى هو شافنا انصدم
اوس:- هااا شصار
.
.
.
للحكاية بقيـــة
#منة الله_الأيوبي
أنت تقرأ
ليلة من العمر
Genç Kız Edebiyatıكل شي يتحول فجأة ، كل شي تغير فجأة وكأنُ كل أيامك الحلوة عشتها بليلة وحدة .. . . يـ رب العين هاي العين ماترضى بوجه غيره يـ رب عينه وحگ عينه حسرتي لشوفته چبيرة يـ رب العين مشتاگتله ماجتها مراسيله يـ رب العين إذا تبچي أراضيها بتفاصيله باوعلي ...
