ليلة من العمر

البارت الخامس والعشرون

فزيت على صوت عمتي وهو برا بالصالة مادري شديحجون
ردت اطلع
تذكرت البارحة ..بسرعة غطيت وجهي وبقيت بمكاني ماريد اطلع واللتقي بي
بقيت بمكاني خاتله ..لحد ماسمعت صوت الباب عرفت بي طلع
كمت طلعت لكيت عمتي جاي تلم بالريوك
شافتني:- ها حبيبة صباح الخير يلا ماتتريكين
بيلسان:- صباح النور ..مو هواي جوعانة
حجيتها وسحبت الكرسي كعدت وافرك بعيوني
اسيا:- البارحة ساعة شكد رجعتوا
بيلسان:- تقريبا بال١١ وشوية هيج
اسيا:- وشعدتكم تأخرتوا
وخرت ايديه من عيوني باوعتلها جاي تباوعلي
صفنت بيها ..حسيتها جاي تحقق وياي
بيلسان:- اكلج عمة ..معقولة اوس ماسولفلج كلشي؟
اسيا:- وهو اوس تكدرين تاخذين منا الكلام
بيلسان:- شعجبببب مو حبيب عمته هذا
اسيا:- مافتهمت دتغارين علية لو عليه؟
حجتها ورفعت حلجبها مبتسمه
استحيت ونزلت راسي رجعت باوعتلها:- عمة وين تريدين توصلين
اسيا:- اريد اوصل ليش اوس ازار قابوطة الثنين مكطوعة
شنو هالصدفة العجيبه
صفنت بيها:- وانا شمدريني
اسيا:- اوس مو حرك مايكطع هواي ازرار هدومة
جيبي من الاخير
بيلسان:- ويييه عمة انا شمعرفني
عافت الصحونة خلتهم عالطالة وجتي كعدت كبالي
بسرعة كمت وگلت:- رايحة اغسل انا
سحبتني من ايدي:- كعدي
نداريت عليها:- بشرفج عمة توني كاعدة والقران ماعندي واهس احجي
اسيا:- يعني صار شي !
بيلسان:- يمة يمة شلون تسحب الحجايه مني
اسيا:- كعدي لج
صاحت بيها ..ورجعت تركت ايدها وكعدت كبالها
اسيا:- بنتي اذا صاير شي احجيلي
بيلسان:- ماصااار شي ..بس انا
شسمة لمن صعدني للباخرة لزمته قوي من قابوطة ف انكطعت
اول مره تكون جذبتي حاضره بدون تخطيط مني
حجيتها وانا استغربت من نفسي ..باوعتلي وضيقت عيونها:- راح اصدك
باوعتلها وابتسمت اريد بس تغير الموضوع عاد
كمت ركض دخلت للحمام ..
اليوم كله ماجان موجود اوس حتى عالغدة وصاى النا دلفري وهو ما اجا فتهمت من عمة انو عنده شغل ويريد يلحك يخلصه
وهم بعد احس ماريد اللتقي بي
احسني متفشلة من بعد موقف البارحة وتحلفت مستحيل بعد اطلع وياه لوحدنا ..وحتى السفرية كلها ندمت انو اجيت بيها
بالليل جنت كاعدة
وعمتي بالغرفة داتحضرلها هدوم حتى تدخل تسبح
سمعت صوت قفل الباب عرفته اجا
نداريت اول مادخل ووكعت عيني عليه ..تملكني شعور غريب!!
يمكن لان صارلي هواي ماشايفته! ..لالا ماعتقد شعور عادي اكيد
جان وجهه تعبان وعيونة ذبلانه اكثر
ظنيت بس انا انتبهت عليه هيج ..بس باب الغرفة اللي بيها عمتي جان مفتوح
شافته گلتله:- ها امي شبيك شو ذبلان
باوعلها وحجه بتعب:- نعسان ..واليوم صارت تعقيدات بالشغل
اسيا:- انت مو ماخذ على انو نبقى عشر ايام ..شكو مستعجل تريد باسبوع يا ابني
اوس:- الله كريم ..الله كريم
اسيا:- دتعال نام ارتاح باوع على عيونك
هز براسه واجا شمر روحه عالقنفة
دخلت عمة تسبح ..بقينا انا وهو كاعدين بالصالة
استحيت شي بداخلي خلاني اكوم قبل لا ادخل للغرفة گلي
اوس:- ماتريدين تحجين ويه امج؟
نداريت عليه بفرحة:- بلي والله
مد تلفونه وگال:- لكيت الفايبر مالوالدج وحجيت وياه لكيته مفتوح
ابتسمت والفرحة ماسعتني
من اجينا وانا ماحاجيه وياهم ..احس شي نقص بحياتي
وماعندي فايبر حتى اللكيهم
بسرعة رحت اخذت التلفون من ايده واتصلت عليهم
دك مره مرتين ..انسد بوجهي
استغربت ..جتني بنفس اللحظة رسالة:- هلو ماما بيلسان شونج ..ماكدر ارد ابوج نايم
حسيت اكو شي بس كلت لا جان حجتلي اكيد
كعدت اسولف وياها بالرسايل ..حجيتلها على السفرة وطلعاتنا
على غفلا گلتلي:- وج خطيبج اسلوبة شكد حلو
بيلسان:- شوكت حجيتي وياه؟
- اليوم الصبح خبرني گلي عمة شونج وشونة عمي خبرت بس حتى اتاكد من الحساب لان بيلسان تريد تحجي وياكم
راسا رفعت راسي عليه ..جان ديتفرج عالتلفزيون
او بمعنى اصح صافن بالتلفزيون
منين يعرف اسمي؟؟ ..ولا مره صاحني بيلسان
اريد اغير السالفة رجعت گلتلي:- اريد صورة انتي وياه
بيلسان:- ماعندي صورة سوا شسوين بيها
- كومي اخذي هسه
بيلسان:- شتسوين بيها
- كلشي شسوي يعني بس اريد اشوفكم
ماحبيت ارفض طلبها بعد ما جاي تصر
بس استحيت شون راح اكله!
كمت وكفت وباوعتله بس جان طافي بحيث مانتبه علية
گلت:- شسمة ..ماما تريد صورة النا سوا
باوعلي وگال:- اي تمام
بيلسان:- ماعدنا صورة سوا ..اقصد راح هسه ناخذ
اوس:- هاا ..ديلا
عدل كعدته وبلوزه ..تقربت ورحت كعدت يما
استحييييت هواي حسيت كامت تطلع الحرارة من وجهي
فتحلي الكاميره هو وبيدي
تقرب اكثر حتى نطلع ثنينا ..جنت لابسه بلوز عريض شوي علية من ناحية الحلك
ف جان طالع شوي من جتفي
رفعت ايدي داخذ الصورة شو ما احس الا مد ايده
وعدل ياخة البلوز وغطة جتفي الطالع ..خجلت وانوب تقرب وقرب وجهه من وجهي
ايدي كامت ترجف
وتوترت فد مره
وكعت عيني بعينه بالكاميرة ..ابتسم وانطكت الصورة!
بگلبي گلت الحمدلله
احس جان سونار مو صورة من كد التوتر
بسرعة عدلت كعدتي وهو رجع انتجا ضهره ..دزيتلها الصورة
اجاني ردها:- هسه تطمنت عليج
دزيتلها علامة استفهام مافتهمت شقصدها ..گالت:- شفتج بعيونة يابنتي
وتأكدت راح يحافظ عليج ويسعدج
كلامها خربطني وحسيته سوه شي بداخلي!
ماعرف شصار بيه
باوعتله ملتهي بالتلفزيون ..فتحت الصورة
وباوعت علينا!! ..بسرعة طلعت ورجعت يم محادثة امي وغيرت الموضوع
بس بقى كلامها طابع بعقلي! ..انرسمت ببالي
"شفتج بعيونة" ...
جنت كاعدة ومستمره داحجي وياها
ما احس الا شوي شوي وكع يمي عالقنفة ..سانتيمترات قليييلة وجان راح يصير راسه بحضني
بسرعة وخرت ..اباوعله انقهرت عليه تعبان
كمت وجبت مخده ورفعت راسه بهدوء اخليه فوك المخده ..سمعته حجه بصوت خافض:- لاا ..مايحتاج
بيلسان:- اشش بلا عناد
انفاسه كامت تضرب بركبتي ..توترت وگلبي كام يدك سريع
جان غاط بنومته بهاللحظات عدلته ورفعت رجلية ورحت جبتله غطه
ختمت الكلام ويه امي وسديت تلفونه وخليته يم راسه
طلعت عمتي انا وداحوص يما:- عمت عيني نام هنا
بيلسان:- على غفلا كاعدين وماحس بي الا نام
اسيا:- عمت عيني عليك يا ابني ..ماعرف ماكل لو لا
باوعتلها:- لا اكيد ماكل ..لو مماكل جان گللنا
تنهدت وهي تباوعله:- والله جدج راح يتحاسب
تارك كل شغله عليه وهو بعده بعز شبابه تحسي عمره جبير
باوعتله ..صفنت بي
ملامحه هاااادئه ..حتى عيونه بيها هدوء مو طبيعي
ابتسامته سكوته حتى بالعصبية ..هادئة وبيها دفو
!!
صحيت من صفنتي وكمت لميت الصالة عزلتها وطفيت الاضوية ودخلت للغرفة ...