Mg's Bodyguard (S1) [ Completed ] (S2) [ Ongoing ]
Оглавление

    ВЫ ЧИТАЕТЕ

    Mg's Bodyguard (S1) [ Completed ] (S2) [ Ongoing ]

    Любовные романы

    မင်းအာဏာမောင်၏နှလုံးသားထဲတွင် ရှင်းခနောင်ဟူသည့်ကောင်လေးတစ်ယောက်သာ ခိုအောင်းခွင့်ရှိလေသည်။ မင္းအာဏာေမာင္၏ႏွလုံးသားထဲတြင္ ရွင္းခေနာင္ဟူသည့္ေကာင္ေလးတစ္ေယာက္သာ ခိုေအာင္းခြင့္ရွိေလသည္။ #Own Story Starting date _ 5.3.2023 End date _ 7.6.2024

    #boyxboy #lgbt #lovestory #myanmar #ownstory #romance

    အပိုင်း (၁၂) [ Uni + Zaw ]

    9.5K 422 22 
                                            
    
                                                  
    Unicode 
    " ဘယ်ပြောလို့ရမလဲ.. သူသိရင်လည်း သိနေနိုင်တာပဲလေ "
    " မသိတော့ဘူးကွာ.. အဲ့တာတွေစဥ်းစားရင် ငါပိုပြီးခေါင်းကိုက်လာတယ်.. "
    လွှမ်းသည် ငြီးတွားရင်း ရေဘူးကိုယူကာ ရေကိုမော့သောက်ပြန်သည်။
    " ဒါနဲ့ မင်းဘော်ဒီဂတ်ရော ရေသွားဝယ်တာကြာလိုက်တာ.. " 
    " ရှောင်ပေးနေတာနေမှာပေါ့ "
    လွှမ်း ထိုင်နေရာကနေမှ အာဏာ့ရဲ့လက်မောင်းကို တစ်ချက်လှမ်းထိုးလိုက်သည်။
    " နာတယ်ဟ ခွေးကောင်ရဲ့ ! "
    " ဒီမှာ ရှောင်ပေးနေတာဆိုလည်း အခုငါတို့ပြောပြီးပြီလေ အထဲပြန်ခေါ်လိုက်တော့.. ဧည့်သည်ကိုအပြင်မှာထားထားရတာမကောင်းပါဘူး.. ပြီးရင် ငါ့ကိုသူနဲ့မိတ်ဆက်ပေးအုံး "
    " ဘာလို့မိတ်ဆက်ပေးရမှာလဲ.. မင်းကဘာလုပ်မလို့လဲ "
    အာဏာ့ရဲ့ ကြောက်စရာကောင်းတဲ့လေသံကြောင့် လွှမ်း နည်းနည်းတောင် ကျောထဲစိမ့်သွားသလို ။
    " ဘာမှမဟုတ်ပါဘူးဟ မင်းကလည်းအေးဆေးပေါ့ ဘာဖြစ်နေတာလဲ "
    အာဏာသည် ဘာမှပြန်မဖြေတော့ဘဲ လွှမ်းကိုကျောခိုင်းကာ အခန်းအပြင်သို့ထွက်သွားလေ၏။
    လွှမ်း သူပဲစိတ်ထင်နေတာလား ။ အာဏာ့ရဲ့ခြေသံက ပုံမှန်ထက်ပိုပြီး ပြင်းနေသလား ဟု တွေးနေမိသည်။
    -----------------------------------------------------------
    အာဏာ ဆေးရုံအောက်ဆုံးထပ်ရောက်တော့ တွေ့ပါပြီလေ ။ စားစရာများရောင်းသည့်နေရာတွင် ရေသန့်ဘူးဝယ်နေတဲ့ ရှင်းခ။ 
    အာဏာ အနားကိုမသွားသေးဘဲ ခပ်လှမ်းလှမ်းက ရပ်ကြည့်နေလိုက်သည်။
    " လူနာတင်လှည်းလာနေတယ်! လူနာတင်လှည်းလာနေတယ်! "
    ဟူသည့် အသံကိုကြား၍ အာဏာကြည့်လိုက်တော့ လူနာတင်လှည်းတစ်ခုသည် ရှင်းခတည့်တည့်သို့ဦးတည်နေသည်။ ဟုတ်လည်းဟုတ်သည်လေ ။ ရှင်းခ က အရေးပေါ်အခန်းဘက်သွားတဲ့ လမ်းရဲ့အလယ်တည့်တည့်ကြီးမှာရပ်နေတာကိုး ။
    " ရှေ့ကဖယ်ပါ ! ရှေ့ကဖယ်ပါ ! " 
    ဒီလောက်အော်နေတဲ့အသံကိုတောင် ဂရုမစိုက်စွာ ရှင်းခသည် ကြောင်ပြီးရပ်ကြည့်နေသေးသည်။
    Mg's Bodyguard (S1) [ Completed ] (S2) [ Ongoing ] Место, где живут истории. Откройте их для себя