Unicode
အိမ်တော်က ပြန်လာသော လမ်းတွင် ဦးမင်းဘုန်းမြတ်က ဖုန်းဆက်၍ အရေးကြီးအစည်းအဝေးရှိသည် ဟုဆိုသောကြောင့် M. M ဆောက်လုပ်ရေးကုမ္ပဏီကိုပဲ အရင်သွားလိုက်သည်။
အစည်းအဝေးသည် အရင်တစ်ခေါက်က ဆောက်လုပ်ဆဲဖြစ်သော အဆောက်အအုံတွင် အရည်အသွေးမပြည့်ဝသော ပစ္စည်းများအသုံးပြုမှုကြောင့် အခြားသူအပေါ်ထိခိုက်ဒဏ်ရာရစေမှုအတွက် တာဝန်ခံအင်ဂျင်နီယာကို ပြန်လည်တာဝန်ယူခိုင်းပြီး အရည်အသွေးမြင့်ပစ္စည်းများ ပြန်လည်အစားထိုးအသုံးပြုခြင်းနှင့် နောက်လာမဲ့ ပရောဂျက်အသစ်များအတွက် ဆွေးနွေးခြင်း ကိစ္စများသာဖြစ်သည်။ သိပ်တော့ အရေးကြီးသည့် ကိစ္စများမဟုတ်တာကို အရေးတကြီးအစည်းအဝေးခေါ်သည့်အတွက် ဒါရိုက်တာတွေနဲ့ ဋ္ဌာနဆိုင်ရာ အဖွဲ့မှူးတွေတောင် အထူးအဆန်းဖြစ်နေကြသည်။ သိို့သော်လည်း ဘယ်သူမှ မလွန်ဆန်ရဲကြ။
အစည်းအဝေးပြီးသွားသောအခါ အခြားသူများသည် တစ်ယောက်ပြီးတစ်ယောက် ဦးမင်းဘုန်းမြတ်ကို နှုတ်ဆက်ပြီး အစည်းအဝေးခန်းထဲမှထွက်သွားကြသည်။
အာဏာ ထပြီး ထွက်သွားမည်အလုပ်တွင် ဦးမင်းဘုန်းမြတ်က ..
" မင်း မသွားနဲ့အုံး " ဟု ဆိုသည်။
အခန်းထဲတွင် ဦးမင်းဘုန်းမြတ်နှင့် အာဏာတို့နှစ်ယောက်သာ ကျန်တော့တာဖြစ်သည်။
" ပြောစရာရှိတာ မြန်မြန်ပြောပါ .. ကျုပ်မအားဘူး "
" မနက်ဖြန် မင်းမွေးနေ့မလား "
" ဟက် .. မှတ်မိသားပဲ "
" ငါ့သားမွေးနေ့တော့ ငါမှတ်မိပါတယ် "
" အဲ့တာဆို ကျုပ်မွေးနေ့မရောက်ခင်တစ်ရက်မှာ ဆုံးသွားတဲ့ ကျုပ်အမေကိုရောမှတ်မိသေးရဲ့လား "
အာဏာ ခပ်ရဲ့ရဲ့ပြောလိုက်သည်။
" မနက်က ငါသွားပြီးပြီ အာဏာ .. "
မနက်ငါးနာရီလောက်က ထပြီးသွားခဲ့တာဖြစ်၍ ပန်းဆိုင်တွေလည်း မဖွင့်သေးတာတော့ ပန်းစည်းတောင်ဝယ်မသွားခဲ့ရဘဲ ဒီတိုင်း နှုတ်ဆက်ပြီး ပြန်လာခဲ့တာဖြစ်သည်။
VOCÊ ESTÁ LENDO
Mg's Bodyguard (S1) [ Completed ] (S2) [ Ongoing ]
Romanceမင်းအာဏာမောင်၏နှလုံးသားထဲတွင် ရှင်းခနောင်ဟူသည့်ကောင်လေးတစ်ယောက်သာ ခိုအောင်းခွင့်ရှိလေသည်။ မင္းအာဏာေမာင္၏ႏွလုံးသားထဲတြင္ ရွင္းခေနာင္ဟူသည့္ေကာင္ေလးတစ္ေယာက္သာ ခိုေအာင္းခြင့္ရွိေလသည္။ #Own Story Starting date _ 5.3.2023 End date _ 7.6.2024
![Mg's Bodyguard (S1) [ Completed ] (S2) [ Ongoing ]](https://img.wattpad.com/cover/336121028-64-k986634.jpg)