Unicode
" ရှင်းခ .. အာဏာက တကယ်ပျော်ရွှင်ဖို့ထိုက်တန်တဲ့ကလေးပါ .. ဦးလေး သူပျော်နေတာကိုပဲ အမြဲမြင်ချင်ခဲ့တာ .. အဲ့တာကြောင့် မင်းကိုသူ့အနားမှာထားဖို့ ရွေးချယ်ခဲ့တာ ရှင်းခ .. မင်းကမင်းအဖေနဲ့ တော်တော်တူတယ် .. အခြားလူတွေကိုပျော်ရွှင်အောင်လုပ်ပေးနိုင်တယ် "
" ဗျာ.. ဥက္ကဋ္ဌကြီးက ကျွန်တော့်အဖေကိုသိတာလား "
" မင်းအဖေက ဦးလေးရဲ့ငယ်သူငယ်ချင်းပဲ.. အချစ်ဆုံးသူငယ်ချင်းဆိုလည်း ဟုတ်တယ် ရှင်းခ.. ပြီးတော့ သူက ဦးလေးရဲ့ကျေးဇူးရှင်ပဲ "
ရှင်းခ အံ့သြသွားရသည်။ ဖေဖေသည် ဥက္ကဋ္ဌကြီးဦးမင်းဘုန်းမြတ်အကြောင်း သူ့အားတစ်ခါမျှပင်မပြောဖူးပါ ။
" မင်းအဖေနဲ့ ဦးလေးနဲ့ အဆက်အသွယ်လုံးဝပျက်သွားခဲ့တာ .. ဒါကလည်း ကြားထဲမှာ ကိစ္စလေးတွေနည်းနည်းရှိခဲ့လို့ပါ ရှင်းခ .. "
" ဟုတ်ကဲ့ပါဗျ "
ကြားထဲကကိစ္စဆိုသည့်အရာများအား ရှင်းခသိချင်သော်လည်း ဥက္ကဋ္ဌကြီးမပြောပြချင်မှန်းရိပ်မိ၍ ဆက်၍မမေးတော့ပါ ။
" အဟွတ် အဟွတ်! "
ဥက္ကဋ္ဌကြီးက ချောင်းကိုပြင်းထန်စွာဆိုးပြန်သည်။
ရှင်းခ စိတ်ပူလာ၏။ အသက်အရွယ်လည်းရနေပြီဖြစ်တဲ့သူဖြစ်တာကြောင့် ဒီလိုချောင်းဆိုးခြင်းက ပုံမှန်လား ။ ဒါမှမဟုတ် အခြားတစ်ခုခုရှိနေမလားဆိုတာ စိုးရိမ်မိသည်။
" ရရဲ့လားဗျ ဥက္ကဋ္ဌကြီး.. ကျွန်တော် ဆရာဝန်ခေါ်ပေးရမလား "
" ရတယ် .. ရတယ် .. ဆရာဝန်ကိုခေါ်မနေပါနဲ့.. ဦးလေးလည်း သူ့မျက်နာပဲအမြဲမြင်နေရလို့ ညဆိုအိမ်မက်ထဲထိပါ ပါပါလာတာ.. ဟားဟား "
ဥက္ကဋ္ဌကြီးက သူ့ဘာသူပြောရင်းရယ်သည်။ ရှင်းခလည်း လိုက်၍ပြုံးလိုက်မိသည်။ သေချာစဥ်းစားကြည့်ရင် သူ ဥက္ကဋ္ဌကြီးနဲ့ ဒီလောက်အကြာကြီး စကားတစ်ခါမျှမပြောဖူးပါ ။
" Ring ~~ "
စားပွဲပေါ်မှာတင်ထားသော ဖုန်းသည် ကျယ်လောင်စွာမြည်လာတဲ့အတွက် ဦးမင်းဘုန်းမြတ် ယူကြည့်လိုက်တော့ သားဖြစ်သူထံမှဖြစ်သည့်အတွက် နှုတ်ခမ်းတို့မှာ ပြုံးယောင်သမ်းသွားသည်။
YOU ARE READING
Mg's Bodyguard (S1) [ Completed ] (S2) [ Ongoing ]
Romanceမင်းအာဏာမောင်၏နှလုံးသားထဲတွင် ရှင်းခနောင်ဟူသည့်ကောင်လေးတစ်ယောက်သာ ခိုအောင်းခွင့်ရှိလေသည်။ မင္းအာဏာေမာင္၏ႏွလုံးသားထဲတြင္ ရွင္းခေနာင္ဟူသည့္ေကာင္ေလးတစ္ေယာက္သာ ခိုေအာင္းခြင့္ရွိေလသည္။ #Own Story Starting date _ 5.3.2023 End date _ 7.6.2024
![Mg's Bodyguard (S1) [ Completed ] (S2) [ Ongoing ]](https://img.wattpad.com/cover/336121028-64-k986634.jpg)