သီချင်းလေးနားထောင်ရင်း ဖတ်ကြနော် ဒါဒါလေးတို့ 🖤
Unicode
coffee ဆိုင်ကနေ ပြန်ထွက်လာတော့ ညနေခြောက်နာရီပင်ထိုးခါနီးနေလေပြီ။ မလှမ်းမကမ်းကနေ သီချင်းသံသဲ့သဲ့ကိုကြားနေရသည်။
" ပွဲဈေးရှိတာပဲ "
ရှင်းခအပြောကြောင့် အာဏာလှမ်းကြည့်လိုက်မိသည်။ ဆိုင်လေးများစီတန်းကာ မီးထိန်ထိန်လင်းနေသော ပွဲဈေးတန်းကြီးကိုတွေ့လိုက်ရသည်။ မိုးသိပ်မချုပ်သေး၍ လူကတော့ရှင်းနေသေးသည်။
" သွားချင်လား "
ကောင်လေးက သူ့အားတစ်ချက်လှည့်ကြည့်လာပြီးနောက် ခေါင်းညိတ်သည်။
" စီအီးအို အဆင်ပြေမှပါ "
" ဘာကိုစီအီးအိုလဲ ကျစ်!! "
သူမျက်နှာကြီးမှုန်ကုတ်ကာ ထိုသို့စုတ်သပ်လိုက်တော့ ရှင်းခကသဘောတကျရယ်သည်။
" ဒီနားမှာ လူတွေရှိနေလို့ပါ "
" ဘာဖြစ်လဲ လူတွေရှိတော့ "
" ဘာမှမဖြစ်ပါဘူး သွားရအောင်လေ ၊ စီအီးအိုရဲ့ကား ဒီမှာပဲရပ်ထားခဲ့လို့ရတယ်မလား ၊ ရလောက်မှာပါ "
သူပဲမေးသူပဲဖြေပြီး စကားလမ်းကြောင်းလွှဲကာ ရှေ့ကထွက်သွားသောကောင်လေးကြောင့် အာဏာသက်ပြင်းသာချလိုက်မိသည်။
သူသိတာပေါ့ ။ သူတို့နှစ်ယောက်တွဲနေတာကို ကုမ္ပဏီကတစ်ယောက်ယောက်သိသွားမှာ ရှင်းခစိုးရိမ်နေတယ်ဆိုတာ ။ စီအီးအိုမင်းအာဏာမောင်ဆိုတဲ့သူက ယောင်္ကျားလေးတစ်ယောက်နဲ့တွဲနေတာကို အခြားသူတွေသိသွားမှာ စိုးရိမ်နေတယ်ဆိုတာ ။
နောက်မှဒီကောင်လေးကိုသေချာရှင်းပြရတော့မည်။
သူဆိုတဲ့မင်းအာဏာမောင်က နာမည်တွေ၊ဂုဏ်သတင်းတွေထက် ရှင်းခနောင်ဆိုတဲ့ကောင်လေးကိုပို၍ဂရုစိုက်ကြောင်းကိုပေါ့ ။
--------------------------------------------------------
ပွဲဈေးတန်းသည် ဆိုင်အတော်လေးစုံသည်ဟုဆိုရမည်။ အကြော်ဆိုင်၊ အကင်ဆိုင် ၊ ကောက်ညှင်းခြေထောက်ရောင်းသည့်ဆိုင် ၊ အရုပ်ဆိုင် စသဖြင့် စုံစုံလင်လင်ရှိနေ၏။ သူတို့ဆိုင်တွေတစ်ဆိုင်ပြီးတစ်ဆိုင်ဝင်ကာ မုန့်ဝယ်စားဖြစ်ကြသည်။
YOU ARE READING
Mg's Bodyguard (S1) [ Completed ] (S2) [ Ongoing ]
Romanceမင်းအာဏာမောင်၏နှလုံးသားထဲတွင် ရှင်းခနောင်ဟူသည့်ကောင်လေးတစ်ယောက်သာ ခိုအောင်းခွင့်ရှိလေသည်။ မင္းအာဏာေမာင္၏ႏွလုံးသားထဲတြင္ ရွင္းခေနာင္ဟူသည့္ေကာင္ေလးတစ္ေယာက္သာ ခိုေအာင္းခြင့္ရွိေလသည္။ #Own Story Starting date _ 5.3.2023 End date _ 7.6.2024
![Mg's Bodyguard (S1) [ Completed ] (S2) [ Ongoing ]](https://img.wattpad.com/cover/336121028-64-k986634.jpg)