Mg's Bodyguard (S1) [ Completed ] (S2) [ Ongoing ]

အပိုင်း (၅၄) [ Uni + Zaw ]

Unicode

ထိုဓာတ်ပုံကိုမြင်ပြီးသည့်အချိန်မှစ၍ ရှင်းခရဲ့စိတ်တို့သည် ထိုဓာတ်ပုံဆီတွင်ပဲရောက်နေတော့၏။
ဓာတ်ပုံထဲက မိန်းကလေးသည် ဘယ်သူလဲဆိုတာ သူသိချင်မိသည်။
ဒါဟာ စီအီးအိုရဲ့ ကိုယ်ရေးကိုယ်တာကိုဝင်စွတ်ဖက်သလိုများဖြစ်နေမလား ။

ရှင်းခ ခေါင်းလျှော်ထား၍ စိုနေသော ဆံပင်တို့အားခြောက်အောင် သဘက်ဖြင့်သုတ်ရင်း ခြံထဲသို့လှမ်းကြည့်လိုက်သည်။
ခြံထဲတွင် ပန်းပင်များသည် အမျိုးအစားစုံလင်လျက် ။ နှင်းဆီပင် ၊ သစ်ခွပင် ၊ ဂမုန်းပင် စသဖြင့် ပန်းပင်များစွာရှိသည်။

ရှင်းခ အတန်ကြာအောင် ငေးကြည့်နေမိသည်။
လှလိုက်တဲ့ ပန်းပင်လေးတွေ ။
သူ့စိတ်ကိုအနည်းငယ်တော့ကြည်လင်သွားစေသည်။

' Ring ~~ '

ဧည့်ခန်းကစားပွဲပေါ်တွင် တင်ထားခဲ့သောဖုန်းသည် ကျယ်လောင်စွာမြည်လာလေ၏။

ရှင်းခ ' အာဏာဖုန်းဆက်သည် ' ဟုထင်ကာ ပျော်သွားပြီး ကမန်းကတမ်းသွားကိုင်လိုက်သည်။

သို့သော် ထင်တာနဲ့တခြား ၊ ဖုန်းဆက်သည့်သူသည် အာဏာမဟုတ် ။
ဥက္ကဋ္ဌကြီး ဦးမင်းဘုန်းမြတ် ။

" Hello ဥက္ကဋ္ဌကြီး ခင်ဗျ "

" ရှင်းခ မင်းအခုအားလား "

" အားပါတယ်ဗျ "

" အင်း ဦးလေးမင်းနဲ့ပြောစရာလေးတွေရှိလို့ .. ဦးလေးဆီလာလို့ရမလား "

" အာ .. "

ရှင်းခ ခနစဥ်းစားရသည်။ အာဏာ့ကိုမပြောဘဲနဲ့ သွားလို့ရပါ့မလား ။ သူ့ကိုစိတ်ဆိုးမည်မှာတော့ ပြောစရာတောင်မလို ။ သို့ပေတည့် ဥက္ကဋ္ဌကြီးကပြောနေတာဆိုတော့လည်း ငြင်းလို့မကောင်းပေ ။

" မရဘူးလား "

" မဟုတ်ပါဘူး ရပါတယ်ဗျ.. ကျွန်တော် လာခဲ့ပါ့မယ် "

" အင်း ဦးလေး ကားလွှတ်ပေးလိုက်မယ် .. စောင့်နေနော် "

ဥက္ကဋ္ဌကြီးဖုန်းချသွားပြီးနောက် ရှင်းခ ဖုန်းအားကိုကြည့်လိုက်တော့ 4 % တဲ့ ။

ရှင်းခ ကိုယ့်နဖူးကိုယ်သာ ပိတ်ရိုက်လိုက်ချင်တော့သည်။ သူဘာလို့ ဒီတစ်မနက်ခင်းလုံး ဖုန်းအားသွင်းဖို့ မေ့နေရတာလဲ ။