Unicode
အင်္ကျီများဝယ်ပြီးတဲ့နောက် ပိုင်ဦးသွေးအတွက် လက်ဆောင်ဝယ်ရန် အရုပ်ဆိုင်သို့ထွက်လာခဲ့လိုက်သည်။ အရုပ်မျိုးစုံကိုကြည့်ရင်းကြည့်ရင်း အာဏာ ဘာဝယ်ရမလဲမသိ၍ ခေါင်းခြောက်လာသည်။
" ကလေးတွေကဘာကြိုက်လောက်လဲ မင်းသိလား ရှင်းခနောင် "
" ကျွန်တော်လည်း သိပ်မသိဘူး "
" အဲ့တာဆို မင်းဘာကြိုက်လဲ "
" ဗျာ.. ကျွန်တော်က ကလေးမှမဟုတ်တာဗျ "
အာဏာသည် ရှင်းခကိုမကြည့် ၊ ရှေ့မှ စက်ရုပ်ပုံအရုပ်လေးကိုသာကြည့်နေရင်း..
" ငါ့မျက်လုံးထဲမှာတော့ မင်းကကလေးပဲ " ဟု လှမ်းပြောလိုက်သည်။
ရှင်းခ ရင်ထဲတစ်မျိုးကြီးဖြစ်သွားပြီး ဘာပြောရမှန်းလဲမသိတော့တာကြောင့် ရှေ့မှာရှိသည့် တွေ့မိတွေ့ရာ ကားစက်ရုပ်ဘူးလေးကို လှမ်းယူလိုက်ကာ..
" ဒါလေးဆိုရင်ရော စီအီးအို.. ပုံမှာပြထားတာကတော့ စက်ရုပ်လည်းလုပ်လို့ရတယ် ကားလည်းလုပ်လို့ရတယ်တဲ့ "
အာဏာသည် ရှင်းခလက်ထဲမှ အရုပ်ဘူးကိုယူကာ ကြည့်လိုက်၏။
" အင်း.. မဆိုးဘူးပဲ.. ဒါပဲယူလိုက်မယ် "
အာဏာ ကောင်တာတွင် ငွေရှင်းနေတုန်း ရှင်းခ ဆိုင်ထဲစစဝင်ကတည်းက သူ့အမြင်ကိုဆွဲဆောင်ထားတဲ့ သော့ချိတ်များရှိရာသို့ လျှောက်သွားလိုက်သည်။ ကာတွန်းရုပ်ပုံလေးများနှင့် သော့ချိတ်လေးတွေသည် အတော်ပင်ချစ်စရာကောင်းသည်။
ရှင်းခ ပန်းချီ့အတွက်တစ်ခုလောက်ဝယ်မယ်ဟု စဥ်းစားမိ၍ ယုန်ပုံလေးပါသော သော့ချိတ်လေးကို ဖြုတ်ယူလိုက်ပြီးမှ ထိုသော့ချိတ်နောက်တွင်ရှိသော Angry Bird အနီရောင်လေးကို မြင်လိုက်၍ တစ်စုံတစ်ယောက်ကိုသတိရသွားကာ အဲ့တာလေးကိုပါ ဖြုတ်ယူလိုက်တော့၏။
----------------------------------------------------------
" သော့ချိတ်က ဘယ်သူ့အတွက်လဲ "
အာဏာ့စကားကြောင့် ရှင်းခ စတော်ဘယ်ရီဖျော်ရည်ကို သောက်နေရင်းမှ ခေါင်းမော့ကြည့်လာသည်။
VOCÊ ESTÁ LENDO
Mg's Bodyguard (S1) [ Completed ] (S2) [ Ongoing ]
Romanceမင်းအာဏာမောင်၏နှလုံးသားထဲတွင် ရှင်းခနောင်ဟူသည့်ကောင်လေးတစ်ယောက်သာ ခိုအောင်းခွင့်ရှိလေသည်။ မင္းအာဏာေမာင္၏ႏွလုံးသားထဲတြင္ ရွင္းခေနာင္ဟူသည့္ေကာင္ေလးတစ္ေယာက္သာ ခိုေအာင္းခြင့္ရွိေလသည္။ #Own Story Starting date _ 5.3.2023 End date _ 7.6.2024
![Mg's Bodyguard (S1) [ Completed ] (S2) [ Ongoing ]](https://img.wattpad.com/cover/336121028-64-k986634.jpg)