Mg's Bodyguard (S1) [ Completed ] (S2) [ Ongoing ]
Оглавление

    ВЫ ЧИТАЕТЕ

    Mg's Bodyguard (S1) [ Completed ] (S2) [ Ongoing ]

    Любовные романы

    မင်းအာဏာမောင်၏နှလုံးသားထဲတွင် ရှင်းခနောင်ဟူသည့်ကောင်လေးတစ်ယောက်သာ ခိုအောင်းခွင့်ရှိလေသည်။ မင္းအာဏာေမာင္၏ႏွလုံးသားထဲတြင္ ရွင္းခေနာင္ဟူသည့္ေကာင္ေလးတစ္ေယာက္သာ ခိုေအာင္းခြင့္ရွိေလသည္။ #Own Story Starting date _ 5.3.2023 End date _ 7.6.2024

    #boyxboy #lgbt #lovestory #myanmar #ownstory #romance

    အပိုင်း (၁၉) [ Uni + Zaw ]

    8.9K 407 38 
                                            
    
                                                  
    Unicode 
    အာဏာ အစည်းအဝေးပြီးချိန်တွင် အပြင်ထွက်လာတော့ ရှင်းခကိုမတွေ့၍ အတွင်းရေးမှူးကို မေးကြည့်လိုက်တော့ အောက်ထပ်ဆင်းသွားသည်ဟုဆိုလို့ သူလည်း ဓာတ်လှေကားနဲ့ ဆင်းလာခဲ့လိုက်သည်။ 
    ရှင်းခ သူ့အတွက် ကော်ဖီသွားဝယ်ပေးတာပဲလို့ တွေးရင်း ပြုံးနေတုန်းရှိသေး ၊ cafe ရှေ့တွင် မြင်လိုက်ရတဲ့ မြင်ကွင်းကြောင့် ပြုံးနေသောမျက်နာမှာ ချက်ချင်းတည်သွား၏။
    နန်းမေဆိုတဲ့ကောင်မလေးနဲ့ စကားပြောနေသော ရှင်းခရဲ့မျက်နာမှာ ပြုံးရယ်နေသည်။ 
    * ဒီကောင်လေးဘာလို့ အခြားသူတစ်ယောက်ကို လွယ်လွယ်နဲ့ပြုံးပြရတာလဲ.. သူ့အပြုံးတွေက ဘယ်လောက်ထိ .. ဘယ်လောက်ထိ တစ်ဖက်သားကို ဆွဲဆောင်နိုင်လဲဆိုတာ မသိတာလား *
    * နှစ်ယောက်သား စကားပြောနေကြတာကိုက ဘေးပတ်ဝန်းကျင်ကိုတောင် သတိမရတော့သလိုပဲ ဟွန်း *
    အာဏာ တစ်ယောက်တည်း အတွေးပေါင်းစုံနဲ့ ဒေါသတွေထွက်နေတုန်း ရှင်းခသည် စကားပြောပြီး၍ ဓာတ်လှေကားနားသို့လျှောက်လာရင်းမှ အာဏာ့ကို တွေ့သွား၍ထင် ၊ အနားသို့ အမြန်ပြေးလာသည်။
    " စီးအီးအိုအတွက် ကော်ဖီအေးဝယ်လာတယ်ဗျ "
    " ဟုတ်လား.. ဒါပေမဲ့ ငါမသောက်ချင်ဘူး မင်းဘာမင်းသောက်လိုက်တော့ "
    ဟုဆိုကာ ဓာတ်လှေကားတံခါးကိုနှိပ်လျက် ဓာတ်လှေကားထဲဝင်သွားသည်။ ရှင်းခ လိုက်ဝင်မလို့လုပ်တော့ အထဲမှ ' မဝင်နဲ့ ' ဟု လှမ်းပြောသည်။
    ဓာတ်လှေကားတံခါး ပြန်ပိတ်သွားသည့်တိုင် ရှင်းခတစ်ယောက် ဘာလုပ်ရမလဲမသိဘဲ ကြောင်တောင်တောင်နှင့်ပင် ရပ်နေမိတော့သည်။
    --------------------------------------------------------
    လွှမ်း အိမ်ထဲဝင်လာတော့ သက်ပိုင်ဦးသည် ဆိုဖာခုံတွင် မိန့်မိန့်ကြီးထိုင်၍စာဖတ်နေလျက်ရှိသည်။
    " ဟာ.. ဟေ့ကောင်.. မလာစဖူးပါလားဟ "
    သက်ပိုင်သည်သူ့ကိုမြင်တော့ အားရဝမ်းသာဖြင့်ပြောရင်း " လာထိုင်လေ " ဟု လှမ်းခေါ်သည်။
    Mg's Bodyguard (S1) [ Completed ] (S2) [ Ongoing ] Место, где живут истории. Откройте их для себя