Unicode
" မင်းကောင်လေးမလာတာကြာပြီနော် "
ဟူသည့် နိုင်မင်း၏စကားအား သူမကြားချင်ယောင်သာဆောင်ထားလိုက်သည်။
တကယ်လည်း သူ မသိချင်ယောင်ဆောင်ထားသင့်သည်လေ။ ဒီကောင်လေးရဲ့အဆင့်အတန်းနဲ့ သူနဲ့က မိုးနဲ့မြေလိုကွာခြားနေတာကို သူ့အနေနဲ့ မိတ်ဆွေတောင်ဖြစ်ဖို့သင့်ပါရဲ့လား ။
ထိုကိစ္စများအား သူခေတ္တခဏမေ့ထားလိုက်ပြီး လုပ်စရာရှိသည့်အလုပ်များအပေါ်ကိုသာ အာရုံစိုက်ထားလိုက်သည်။
ညနေအလုပ်ဆင်းသောအခါ ပုံမှန်အတိုင်းပဲ ဘတ်စ်ကားနှင့်အိမ်သို့ပြန်လာခဲ့သည်။ ပြီးနောက် ထမင်းချိုင့်ထားပြီး ပန်းချီ့ကိုကျူရှင်သွားကြိုသည်။
ပုံမှန်လုပ်နေကျအရာများအားလုပ်ဆောင်နေပေမဲ့ သူ့စိတ်ကတော့ ပုံမှန်ဟုတ်မနေခဲ့ပေ ။
" သားငယ် ဘာဖြစ်လို့လဲ.. နေမကောင်းဘူးလား "
ဧည့်ခန်းမှမိသားစုဓာတ်ပုံအား အတန်ကြာအောင်ငေးကြည့်နေသည့်သူ့ကို မေမေက ကြက်သွန်ဖြူများကိုအခွံနွှာနေရင်းမှ စိတ်ပူဟန်ဖြင့် လှမ်းမေးသည်။
" ဘာမှမဖြစ်ပါဘူးဗျ "
ထိုသို့ပြန်ဖြေလိုက်သော်ငြား သူအကြည့်မလွှဲမိ ။
ဒီနေ့ထိုကောင်လေးပြောသည့်စကားသည် မှန်သလား၊ မှားသလားဆိုတာကို သိချင်စိတ်က သူ့ရင်ထဲတွင်တစ်စတစ်စကြီးထွားလို့လာသည်။
နောက်ဆုံး သူဒီတိုင်းမနေနိုင်တော့ပဲ နေရာမှထလိုက်ကာ မေမေ့အား..
' အပြင်ခဏသွားစရာရှိလို့ပါဗျ.. မေမေတို့ညစာစားနှင့်ပါနော် သားကိုမစောင့်ပါနဲ့ '
ဟုပြောကာ အိမ်မှထွက်လာခဲ့လိုက်သည်။
-----------------------------------------------------------
M.M ဆောက်လုပ်ရေးကုမ္ပဏီသို့ရောက်သောအခါ ညနေခြောက်နာရီပင်ထိုးခါနီးနေလေပြီ ။ ရုံးဆင်းပြီးပြီဖြစ်၍ ကုမ္ပဏီတံခါးလည်းပိတ်ထားပြီး ကားပါကင်တွင် တံမြတ်စည်းလှည်းနေသည့် သန့်ရှင်းရေးဝန်ထမ်းအချို့သာရှိသည်။
ဟိုဟိုသည်သည်လျှောက်ကြည့်နေတုန်းမှာပင် ကားပါကင်က ကားအဖြူရောင်လေးတစ်စီးနားတွင် မနက်တုန်းကတွေ့ခဲ့သည့် အတွင်းရေးမှူးဆိုသည့်ကောင်လေးအား တွေ့လိုက်ရသဖြင့် သူဝမ်းသာသွား၏။
VOCÊ ESTÁ LENDO
Mg's Bodyguard (S1) [ Completed ] (S2) [ Ongoing ]
Romanceမင်းအာဏာမောင်၏နှလုံးသားထဲတွင် ရှင်းခနောင်ဟူသည့်ကောင်လေးတစ်ယောက်သာ ခိုအောင်းခွင့်ရှိလေသည်။ မင္းအာဏာေမာင္၏ႏွလုံးသားထဲတြင္ ရွင္းခေနာင္ဟူသည့္ေကာင္ေလးတစ္ေယာက္သာ ခိုေအာင္းခြင့္ရွိေလသည္။ #Own Story Starting date _ 5.3.2023 End date _ 7.6.2024
![Mg's Bodyguard (S1) [ Completed ] (S2) [ Ongoing ]](https://img.wattpad.com/cover/336121028-64-k986634.jpg)