Unicode
" ကျွန်တော့်ကိုခေါ်တာ ဘာပြောစရာရှိလို့လဲ ဦးသာဟန် "
ဘာမှလည်းရှည်ရှည်ဝေးဝေးပြောမနေချင်တော့တာကြောင့် ရှင်းခ တည့်တည့်ပဲမေးလိုက်တော့သည်။
အစကသူထွက်မလာတော့ဘူးနေခဲ့ပြီးမှ တစ်ခုခုကိုစိတ်ထင့်နေ၍ အာဏာ့အားအိမ်ကိုခနသွားမယ်ဟုအကြောင်းပြကာထွက်လာခဲ့ခြင်းဖြစ်သည်။
ဦးသာဟန်က ခွက်ထဲသို့ဝိုင်ကိုငှဲ့ပေးကာ သူ့ဘက်ကိုတိုးပေးသည် ။
" အေးဆေးပေါ့ကွာ ၊ သောက်ပါအုံး "
" ကျွန်တော့်မှာအချိန်မရှိဘူး ၊ ဦးလေးပြောစရာရှိတာကိုသာပြောပါ ပြီးရင်ကျွန်တော်ပြန်မယ် "
" ကောင်းပြီ ၊ အဲ့တာဆိုလည်း လိုရင်းကိုပြောတာပေါ့ "
ဦးသာဟန်ကပြုံးသည်။
" မင်းအာဏာမောင် ငါ့ဆီကနေပစ္စည်းတစ်ခုခိုးသွားတယ် ၊ အဲ့တာကိုပြန်ယူလာပေး "
" ကျွန်တော်ကဘာလို့လဲ "
" ဘာလို့လဲဆိုတော့ မင်းကမင်းအာဏာမောင်ရဲ့ချစ်သူမို့လို့လေ ၊ သူကမင်းကိုအရမ်းယုံတာမလား "
" ကျွန်တော်က စီအီးအိုကိုသစ္စာဖောက်မှာမဟုတ်ဘူး ၊ ဦးလေးပြောလို့ပြီးပြီဆိုရင် ကျွန်တော်ပြန်တော့မယ် "
ရှင်းခပြန်ရန်ထိုင်ခုံမှထလိုက်သည်။
" ဒီလိုအချိန်မှာသစ္စာတရားဆိုတာကိုထည့်တွက်နေဖို့ မလိုဘူး ၊ ကောင်လေးရဲ့ "
ဦးသာဟန်ကဓာတ်ပုံနှစ်ပုံအား စားပွဲပေါ်သို့တင်လိုက်သည်။
တစ်ပုံကအာဏာသူ့ကိုကမ်းခြေမှာချစ်ရေးဆိုနေတဲ့ပုံဖြစ်ပြီး နောက်တစ်ပုံကနမ်းနေသောပုံဖြစ်သည်။
ဒါတွေကဘယ်လိုလုပ်ဦးသာဟန်မှာရှိနေရတာလဲ ။
" နှမြောစရာပဲ M.M Group ရဲ့တစ်ဦးတည်းသောသားက ဂေးဖြစ်နေရတယ်လို့ "
ရှင်းခလက်သီးကိုကျစ်ကျစ်ပါအောင်ဆုပ်လိုက်မိသည်။
" ခင်ဗျား ကျွန်တော့်ကိုခြိမ်းခြောက်နေတာလား "
" ခြိမ်းခြောက်နေတာမဟုတ်ပါဘူးကွာ ၊ ငါကမင်းကိုသတိပေးရုံပါ ၊ ဒီပုံတွေသာပျံ့သွားခဲ့ရင် အခုထုတ်မဲ့ဂိမ်းအသစ်အပေါ်တော်တော်သက်ရောက်မှုရှိသွားမှာပဲ "
YOU ARE READING
Mg's Bodyguard (S1) [ Completed ] (S2) [ Ongoing ]
Romanceမင်းအာဏာမောင်၏နှလုံးသားထဲတွင် ရှင်းခနောင်ဟူသည့်ကောင်လေးတစ်ယောက်သာ ခိုအောင်းခွင့်ရှိလေသည်။ မင္းအာဏာေမာင္၏ႏွလုံးသားထဲတြင္ ရွင္းခေနာင္ဟူသည့္ေကာင္ေလးတစ္ေယာက္သာ ခိုေအာင္းခြင့္ရွိေလသည္။ #Own Story Starting date _ 5.3.2023 End date _ 7.6.2024
![Mg's Bodyguard (S1) [ Completed ] (S2) [ Ongoing ]](https://img.wattpad.com/cover/336121028-64-k986634.jpg)