Unicode
" ရှင်းခ ကိုယ် မင်းရဲ့ညီနဲ့တွေ့ခဲ့တယ် "
အာဏာ့ရဲ့စကားကိုကြားတော့ ရှင်းခရဲ့မျက်ဝန်းလေးများဝိုင်းစက်သွား၏။
" သူရောက်လာတာလား "
" အင်း.. စိတ်မပူပါနဲ့ မင်းဆေးရုံတက်နေတာကို သိပုံမရပါဘူး .. ဒါပေမဲ့ "
' ဒါပေမဲ့ ' ဆိုသည့်စကားလုံး၏ နောက်ဆက်စကားအား အာဏာဆက်မပြောသေးဘဲ ရှင်းခမျက်ဝန်းတို့အား အသေအချာကြည့်လိုက်၏။
" မင်း ဘော်ဒီဂတ်ဆိုတာကိုတော့ သိသွားပြီ.. "
" ဗျာ "
ထိုစကားကိုကြားလိုက်ပြီးချင်း ရှင်းခ စားပွဲပေါ်တွင်တင်ထားသော ဖုန်းကို အမြန်လှမ်းယူလိုက်ကာ မင်းခန့်ဆီသို့ဆက်လိုက်သည်။
" မင်းခန့်.. ငါ.. ငါတကယ်တောင်းပန်ပါတယ်.. ငါ မညာချင်ခဲ့ပါဘူး "
" ကိုကြီး.. မတောင်းပန်ပါနဲ့.. ကိုကြီး အမှားမဟုတ်ပါဘူး.. ကျွန်တော့်အမှားပါ.. ကျွန်တော်မှားတာ "
မင်းခန့်ရဲ့အသံမှာ တိုးလျော့အက်ကွဲနေသည်။
" မဟုတ်ဘူး.. ငါ.. "
" အလုပ်ထွက်လိုက်ပါ "
မင်းခန့်ဆီမှ ပြတ်သားသည့်စကားသံကိုကြားရသည့်အခါ ရှင်းခ အာဏာ့ဆီသို့အကြည့်ရောက်မိ၏။ အာဏာကတော့ သူ့ကိုမကြည့်ဘဲ သူစားဖို့ဝယ်လာသောမုန့်များအား စားပွဲပေါ်တွင် အသင့်ပြင်ပေးနေလေသည်။
" ကိုကြီး.. ကျွန်တော့်စကားနားထောင်ပါ.. အလုပ်ထွက်လိုက်ပါ.. ကျွန်တော် အလုပ်ကြိုးစားပါ့မယ်.. "
" မင်းခန့် .. ငါအလုပ်ထွက်လို့မရဘူး "
" ဘာလို့လဲ "
" ငါ စာချုပ်ချုပ်ထားပြီးသား.. စာချုပ်သက်တမ်းမပြည့်မချင်း ငါထွက်လို့မရဘူး "
" စာချုပ်သက်တမ်းဘယ်လောက်လဲ "
" ငါးနှစ် "
" ဗျာ! ဒါဆိုဘာလဲ.. ကျွန်တော်က ကိုယ့်အစ်ကိုကို ငါးနှစ်လုံးလုံးအန္တရာယ်တွင်းထဲမှာ နေခိုင်းရမှာလား "
" မဟုတ်ဘူး.. မင်းခန့် ငါပြောတာနားထောင်.. ငါအဆင်ပြေပါတယ်.. ငါဘာမှမဖြစ်ပါဘူး.. အန္တရာယ်လည်းမရှိဘူး နော် "
YOU ARE READING
Mg's Bodyguard (S1) [ Completed ] (S2) [ Ongoing ]
Romanceမင်းအာဏာမောင်၏နှလုံးသားထဲတွင် ရှင်းခနောင်ဟူသည့်ကောင်လေးတစ်ယောက်သာ ခိုအောင်းခွင့်ရှိလေသည်။ မင္းအာဏာေမာင္၏ႏွလုံးသားထဲတြင္ ရွင္းခေနာင္ဟူသည့္ေကာင္ေလးတစ္ေယာက္သာ ခိုေအာင္းခြင့္ရွိေလသည္။ #Own Story Starting date _ 5.3.2023 End date _ 7.6.2024
![Mg's Bodyguard (S1) [ Completed ] (S2) [ Ongoing ]](https://img.wattpad.com/cover/336121028-64-k986634.jpg)