Nilagom ng dilim
Ang mga ulap sa langit
Nasilo sa bitag
Ng sinugbang unos
Kaba at pagsisisi
Bumalot sa kaluluwa
Ng murang binhi
Sinag ng araw
Tinabig ang gabi
Dumungaw ang umaga
Sa kanyang ngiti
Pinahid
Batis ng luha
Kinalong
Ngalay na puso
Sa dantay ng haplos
Napawi ang sakit
Sumupling ang pag-asa
Bumukal ang lakas
Liwanag
Di maglalaho
Di maluluoy
Di magbabago
At ngiti ay sisilay
Sa mga labi ay mamumutawi
Mga kataga ng pasasalamat
Ng pag-ibig
Ng pag-asa
Bukas, magtatagumpay
Ka na.
BINABASA MO ANG
Ang Alamat ng Nagtataeng Bolpen
ПоэзияSapagkat ang isipa'y malikot, ang imahinasyon ay umiikot. Sapagkat ang bawat malikhaing kamay ay miminsang nababahiran ng tinta, ng saya, at ng lungkot. Isang koleksiyon ng mga tula na sumasalamin sa kapangitan, kaengotan, kapalpakan, at kagandahan...
