Murang bagwis
Pilit ikinakampay
Miminsa'y lilipad
Minsan di'y babagsak
Tiningala
Mga ulap sa langit
Naising maabot
Pangarap na masapit
Hangi'y umihip
Pakpak ay ikinunday
Lakas ay itinuon
Sa adhikaing gabay
Himpapawid ay nasapit
Alapaap ay naabot
Nilampasan ang mga ulap
Galak ang bumalot
Sa una'y nabigo
Lalo pang nagsumikap
Bagwis na matatag
Puhunan sa paglipad.
—
NOTE: Ang langay-langayan po ay isang uri ng ibon na kilala sa English bilang swallow.
BINABASA MO ANG
Ang Alamat ng Nagtataeng Bolpen
PoesíaSapagkat ang isipa'y malikot, ang imahinasyon ay umiikot. Sapagkat ang bawat malikhaing kamay ay miminsang nababahiran ng tinta, ng saya, at ng lungkot. Isang koleksiyon ng mga tula na sumasalamin sa kapangitan, kaengotan, kapalpakan, at kagandahan...
