Tumutubo, nalalanta
Bumabaliktad, tumitihaya
Sumasama, bumubukod
Humaharap, tumatalikod
Hinihintay, iniiwan
Nililinis, dinudumihan
Hinuhulog, dinadampot
Nagbibigay, nagmamaramot
Naiinis, natutuwa
Nagtatago, bumubulaga
Binabasâ, pinapatuyo
Pumipilak, gumiginto
Dumidilim, lumiliwanag
Inuumbok, pinapatag
Binubuo, winawasak
Dinidikit, binabakbak
Ang ating mundo ay tunay na kumplikado
Mga bagay ay magkakasalungat na totoo
Isiping mabuti bago pumili
Upang maging maayos, maganda ang minimithi.
BINABASA MO ANG
Ang Alamat ng Nagtataeng Bolpen
PoetrySapagkat ang isipa'y malikot, ang imahinasyon ay umiikot. Sapagkat ang bawat malikhaing kamay ay miminsang nababahiran ng tinta, ng saya, at ng lungkot. Isang koleksiyon ng mga tula na sumasalamin sa kapangitan, kaengotan, kapalpakan, at kagandahan...
