عِــشْــق بَــدَوِي لـنْ تَــفـهــمِــيـه! " بالدارجة المغربية "

💕 الفصل السابع💕

عـــشــق بــدوي لــن تـفـهـمـيـه! 🌾

فكرة وإشراف: ندى علامي

بقلم: Sola Ait Reddad

أخذليه كي لاينساكي.. وأوجعيه كي يحبك أكثر 📌

#الجزء_19:

قاطع حواره اتصال الهاتف جبده من جيبه بلا ميشوف شكون داره فودنو حتى كيسمع صوتها:

صفية: سلمان لاباس

سلمان:الحمد لله وانتي

صفية : منين اوليدي حالي هو حالي مع جبران

سلمان:سلاك وصافي عينا معاه وهو مقصح راسه

صفية: اجي عندو اوليدي هدر معاه راه تلت ايام ماكلا غ ساد عليه وناعس ليل ونهار

سلمان:وخا انا نجي نشوفو

قطع معاها وديمارا شاد طريق الفيلاج لدار خالو مسافة قصيرة ووصل دخل مع الباب ميني فيلا.. دق ودخل كان الباب محلول سلم عليهم وجلس

رشيد خاله: هلكني الصحة على قد الحال وزايد عليا

صفية غمضت عينيها كدور راسها: كلشي منها ديك بنت الحرام هي تزوجت وحنا مرضنا بغيت ليها مرضة

سلمان: نعلي الشيطان مشات الله يسهل عليها مكيناش غ هي امرأة

صفية : شطنتنا تا عليك ماحضرناش لزواجك كيف دايرة مرتك

سلمان: الحمد لله.. الدنيا هانية مابيناتناش انا نطلع نشوفو

طلع فالدروج نيشان لبيته دق ودخل عرفو مغيحلش عليه دوز يده على الحيط كيقلب على الضو شعله

جبران دار عليه الخدية: الوالدة ماباغيش ناكل طفي الضو

سلمان: هدا انا

حيد عليه الخدية ودار كيشوف فيه مقوس حواجبه مع الضو: سلمان

قرب منو جلس على طرف السرير: هو هذا.. كيدور عينه على البيت منزل الخاميات وباكيات الكارو ضايرين بيه.. صافي هادي اخرتك

جبران:راك عارف لي كاين بلا متعاود ليا هدرة الوالدة

سلمان: هدرة مك هي لي كاينة من غيرها مكاينش، مشات الله يعاونها مغتحبسش راسك على قبلها

جبران:ممشاتش داوها داوها ليا ممشاتش بخاطرها

سلمان: ااه ماشي بخاطرها.. عليها دايرة العرس والعمارية وغادا ضاحكة لطاليان

جبران: دارهم لي بززو عليها عارفها مديرهاش

سلمان: مضحكش على راسك بهاد الهدرة زيزونة هي ماعندهاش فمها نهار سولوها ونهار دارت العقد تهدر ديك الساع لاش ساكتة

لا رد..

سلمان: سكتي دابا بانت لك.. دير عقلك اجبران راك راجل ماشي دري صغير غ تبع اللعب خدمتك شهرين وانت سامح فيها قريتي تاشاب راسك فالطب وفلخر وحلتي فراسك ووالديك لي هازين لك الهم ومّرضهم، عوض ماتهز همهم انت ولاو هما لي هازينو لك