عشق بدوي لن تفهميه! 🌾
فكرة وإشراف: Nada Alami
بقلم: Sola Ait Reddad
كنت أطعمها قمح فؤادي براحتي.. عجبا كيف بات يرضيها فتات الطريق 🥀
#الجزء134:
داز الوقت باقا جالسة فبيتها دايرا البيسي قدامها كتفرج ففيلم وعينها مرة مرة كتمشي لتلفون ليكون جا شي اشعار لكن والو .. هزاتو كتقلب فيه مالقات حتى حاجا وحطاتو كتنكر
صابرين: اش جاه تادار نفس ديما مصدعني .. كل شوي يعيط
حطات تلفون شوي ورجعت هزاتو كتدور فعينيها وسط راسها دارت نمرة بريفي ودوزت نمرتو ودارتو على ودنيها .. شوي وتفتح الخط
سلمان: ألو
حيداتو بزربة مخلوعة وهو باقي كيردد ألو .. قطعت نفس وبقات كتسمع
سلمان: شكون معايا ؟ تأ اللعب الخاوي
قطع عاد طلقت النفس كترعد
صابرين: باينة فيه من صوتو عادي ماطاريا ليه حتى حاجة لي متخليهش يعيط .. (لاحت تلفون بعيد عليها ) وأنا مالي
كملت فيلمها مركزة معاه تا رجع كيصوني عليها بنمرتو ... شافت فيها عاضا على شفايفها مترددة واش تجاوبو ولالا .. لاحت الغطا على وجهها وفتحت الخط
صابرين: بصوت منغنغ على اساس ناعسة) امم ااالو
سلمان: ألو صابرين
صابرين: شكوون
سلمان: سلمان! شكون
صابرين: اااه سمح لي كنت ناعسة مديتهاش فنمرة .. ياك لاباس!
سلمان: والو .. غ عيطت نسول فيك
صابرين: حبست الضحكة لا تفلت) اه بخير
سلمان: يلا تصبحي على خير
صابرين: باستغراب) اا تصبح على خير
قطع عليها خلاها مشوكية جاتها الضحكة بالقمعة
صابرين: قطع عليا! وكيهدر معفر .. هأ تيق راسو بزاف هذا .. نسا راسو كيف كان كيطلب ويرغب وكل ليلة كيجي بلا عراضة ودابا دار فيها عزة نفسي ..... وخا .. بقا تم والله لا ديتها فيك
جرت عليها الغطا كتسب فيه بينما هو وسط فراشو حاط تلفون على لحيتو وكيضحك
سلمان: وخا اصابرين دابا نجيبك غ بالمهل .. ماقدرتيش تصبري معيطة بريفي زعما لاعباها مطورة هههه
حط تلفون وتقلب على صدرو كل شوي يضحك تاداه النعاس
على الصباح فايقة رباب ونورالدين كيجريو على مقادير الحلوة والتقدية لي غ تخص للزردة لي دايرة لصابرين وغيثة دوزت نهارها وسط الكوزينة مع شي جارات جاو يعاونوها ونورالدين كل شوي داخل بقفة والعينين كيطلو من البيبان والسراجم باغين يعرفو شنو طاري عندهم .. دخلت صابرين كيف عادتها طول النهار كتطل وتمشي وتجي باغا تدي من عندهم شي خبيرة مي ماجبدو والو .. خلات تامشاو الجارات وجات وقفت عليها
أنت تقرأ
عِــشْــق بَــدَوِي لـنْ تَــفـهــمِــيـه! " بالدارجة المغربية "
ChickLit✨حصريا وفقط على صل نامبر وان✨ عِـــــــشْـــــــق بَــــــــــدَوِي لـــــنْ تَــــفْـــهــــمِـــــيـــه! 🌾 فــكــرة وإشـــراف: الــزعـــيــمـــة نــــدى عــلامــــي بـــقـــلـــــم: Sola Ait Reddad سَحابةُ الصُّمودِ حَجبتْ عَنها رُؤْية ال...
