عـــشــق بــدوي لــن تـفـهـمـيـه! 🌾
فكرة وإشراف: ندى علامي
بقلم: Sola Ait Reddad
أخذليه كي لاينساكي.. وأوجعيه كي يحبك أكثر 📌
#الجزء_37:
امرأة كبيرة: جيبي لينا ابنيتي السروال نشوفوه
خرجت فيها عينيها كانت امرأة باينة فيها حارة وقاصحة وملي دخلت گاع العيالات دايرين لها حساب
شافت فمها : شنو كتقول هادي
رباب: سيري جيبيه ليها راه عادتهم هادي مغتسكتش الا ماشافتوش
بلعت ريقها ماعارفة شنو دير وقفت خارجة كتقلب عليه بعينيها مابانش لها خرجت برا كتطل براسها بان لها ولد صغير وعيطت له
صابرين: اجي عافاك تسخر لي
جا عندها مهبط راسه: شوف سير للصالون لهيه كلم ليا سلمان
مشا كيجري شوية وخرج عندها شافها وبدا كيدور راسه لايكون شافها شي حد بديك الحالة: اش مخرجك
جراتو من يدو دخلو لداخل : شوف لقا ليا شي حل معاهم
سلمان: اش كاين
صابرين: واحد المرا قاتلي سيري جيبي لياااا
سلمان: شنو اش غ تجيبي
هبطت عينيها كتشوف فالارض ماعارفاش كيف تنطقها شافت ليه فعينيه وطلقاتها: قاتلي بغات تشوف السروال
قطب فيها حواجبو : شكون هادي اشمن سروال مبغاوش يحيدو هاد القاعدة د المرض
زاد جهة الصالون وهي تابعاه كتعض فضفارها دق وطل براسه على مو عيط لها ورجع برا كيشوف فيها حتى جات عندو
للايطو : مالكم شنو كاين
سلمان: علاش سيفطتو صابرين اش بغاو يشوفو اش دخلهم فدكشي
خرجت عينيها فصابرين ماظناتهاش غ توصلها له: لا راك عارف غ مي طامو راه عارفينها كيدايرة
سلمان: مكاينش دكشي الوالدة سمعتي.. جاو يجمعو مرحبا شي حاجة اخرا مكايناش
شير لها براسه تدخل وزاد هو راجع فين كان.. دخلت هازة نيفها مبتسمة شافت فيها مي طامو: اوا فين البيضة دكشي علاش سيفطناك..
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
أنت تقرأ
عِــشْــق بَــدَوِي لـنْ تَــفـهــمِــيـه! " بالدارجة المغربية "
Chick-Lit✨حصريا وفقط على صل نامبر وان✨ عِـــــــشْـــــــق بَــــــــــدَوِي لـــــنْ تَــــفْـــهــــمِـــــيـــه! 🌾 فــكــرة وإشـــراف: الــزعـــيــمـــة نــــدى عــلامــــي بـــقـــلـــــم: Sola Ait Reddad سَحابةُ الصُّمودِ حَجبتْ عَنها رُؤْية ال...
