عـشـق بــدوي لــن تـفـهـمـيـه! 🌾
فكرة وإشراف: ندى علامي
بقلم: Sola Ait Reddad
أخذليه كي لاينساكي.. وأوجعيه كي يحبك أكثر 📌
#الجزء_68:
خرجت عندو برا مهبط الزاج ومتكي راسه على الكرسي كيسمع للأغنية رسمت ابتسامة اصطناعية وركبت حداه
كيغني مع الاغنية: رگب رگب عادا عادا الوشام فالصدر الطانقة فالمنخر.. لا نتي دايراها فالبوط هههه
صابرين: ههههه ناشط
سلمان: انا لي نشط
تحرك بالطوموبيل كيدور فوسط المدينة شحال ووقف قدام مكتبة
حيد السمطة: نزلي
دورت راسها كتشوف حلت الباب وهبطت تابعاه دخلو لداخل سلم على مولاها ووقف كيهدر معاه
سلمان: بغيت نصاوب ليها الباسبور
حلت فيه عينيها ممتيقاش شنو سمعت ولات كتشطح حداه وهو كيهدر مع الراجل
دار عندها: هازا معاك لاكارط
صابرين:آه آه كاين
عطاتو ليه جامعة الضحكة كل مرة تشوف برا ملي تفلت لها الضحكة وتبسم وصلها الكود فتلفون عطاتو ليه
مول المكتبة: هاد الكود يبقا عندك تاتشدي الباسبور باش لاكان شي مشكل غ يطلبوه منك.. ديرو بحساب شي 10 ايام يخرج
هزت ليه راسها خلصو وخرجو طايرة بالفرحة
سلمان: هاني عند كلمتي اوا بيني ليا تانتي
كتلعب بشعرها وتعوج عليه: حتى انا عند كلمتي .. غ يخرج على 10 ايام؟
سلمان: غ نهدر مع شي معارف يخرج لك هاد اليومين گاع
حل لها الباب كتضحك جر ليها يدها عندو حاطها فوق الفيتاس وجبدت تلفونها كتصور فيديو متكية على كتفو
سلمان: عيطو لي لمدامتي وراني موحشها .. واااااهاااييي
صابرين: وانتي لي بااغيا، وانتي لي باغياا تمشي مني وماتولييييش.. ياودي هانية ياودي وهانية غير سير وماتنسانييييش
كتغني وتضحك عارفة راسها شنو كتقصد شافت فيه كيضحك ويشوف فيها كل مرة يجرها لعندو معنقها
نزلو بجوج شاد لها من يدها دخلو عندهم وللايطو كتطلع فيها وتهبط وقلبت وجها .. جلسو حداهم مجمعين معاهم
جبران: تمشي معانا اعمتي للسوق
للايطو: لا اوليدي ماعندي صحة ليه أنا غ من هنا لهيه منقدرش نزيد بقا غ السوق ندور فيه
جبران: تمشي معانا اصابرين
خاشية راسها فتلفون شافت فيه : شنو قلتي
أنت تقرأ
عِــشْــق بَــدَوِي لـنْ تَــفـهــمِــيـه! " بالدارجة المغربية "
Chick-Lit✨حصريا وفقط على صل نامبر وان✨ عِـــــــشْـــــــق بَــــــــــدَوِي لـــــنْ تَــــفْـــهــــمِـــــيـــه! 🌾 فــكــرة وإشـــراف: الــزعـــيــمـــة نــــدى عــلامــــي بـــقـــلـــــم: Sola Ait Reddad سَحابةُ الصُّمودِ حَجبتْ عَنها رُؤْية ال...
