عشق بدوي لن تفهميه!
#الجزء168:
فالفيرما..
جالسين عندها فالبيت كيشوفو مابيدهم حيلة ليها وكلوها شوي صوبة وبقاو جالسين كيشوفو
صفية: الله يشوف من حالها الطونسيو واعر
سكتو ماردوش عليها ودخل غانم طل من جنب الباب سول صفية على الأحوال ودار راجع فحالو مهبط راسو
سلمان: بلاتي اغانم
كان جالس فوق السداري ومسرح رجلو وحداه العكاز شافو شحال من مرة كيجي ويمشي وحتى فالكلينيك كان كيجي يسول عليه ويبقا برا .. عارفو باقي هاز فخاطرو من آخر مشكل
تبعو خرجو برا الفيلا ووقف موكي على العكاز كيشوف فيه
سلمان: علاش مدخلتيش
غانم: والو غ عندي شي غرض
سلمان: سيمانا هادي فينما تجي عندك الأغراض! وخدمتك! علاش سمحتي فيها؟ تاهيا على الأغراض .. كتعرفني مزيان اغانم الخواض مكنبغيهش بالأخص لاكنت داخل فيه وعندي يد فدكشي لي طرا .. قلت لك لي كاين؛ البنت متليقش ليك غادا تكمل قرايتها برا باقي خاصها سنين يلاه تفكر فدكشي لي معمر بيه انت دماغك
غانم: مامعمر راسي بوالو قلت غ دكشي لي كاين لا غيثة ولا غيرها السبب
سلمان: فكر مزيان اغانم ورجع لخدمتك
غانم: يكون خير
دخل سلمان وبقا واقف عند الباب كيشوف تا وقفت عليه رقية
رقية: مزيان نيت لقيتك هنا .. راه يلاه جيت من عند مليكة سير لدارك شوف شنو ناقص وشنو زايد
شافتو متحركش وعاودت هدرت كتأكد
رقية: يلاه كون تسمع انا مشيت
..............
عند رزان
فاقت تال العشية مقلوبة دوشت وهزت لي كارت ميموار لي عندها وخرجت كتدور وتقلب على شي مول تليفونات عطاتهم ليه دار لها بزاف د النسخ عليهم وخرجت مشات تقدات لي خاص للدار ورجعت حطت دكشي فالكوزينة وخرجت عند البنات للصالون
رزان: البنات بغيت نهدر معاكم
نقصو الصوت للتلفزة ودارو عندها هما 3 كيشوفو فيها
رزان: المهم بداو تقلبو ليكم على الكرا حيت غنحبس مبقيتش غنكري انا الدار
وحدة منهم: وعلاش اختي
رزان : شنو لي علاش مابقيتش غنكري
البنت: وعلينا على تيساع ماشي دابا عاد كتقوليها لينا
رزان: هاني علمتك عندكم هاد سيمانا خرجو قلبو فيها على الكرا
البنت : بنترة ) ماشي فعايل هادو
أنت تقرأ
عِــشْــق بَــدَوِي لـنْ تَــفـهــمِــيـه! " بالدارجة المغربية "
Romanzi rosa / ChickLit✨حصريا وفقط على صل نامبر وان✨ عِـــــــشْـــــــق بَــــــــــدَوِي لـــــنْ تَــــفْـــهــــمِـــــيـــه! 🌾 فــكــرة وإشـــراف: الــزعـــيــمـــة نــــدى عــلامــــي بـــقـــلـــــم: Sola Ait Reddad سَحابةُ الصُّمودِ حَجبتْ عَنها رُؤْية ال...
