عـــشــق بــدوي لــن تـفـهـمـيـه! 🌾
فكرة وإشراف: ندى علامي
بقلم: Sola Ait Reddad
أخذليه كي لاينساكي.. وأوجعيه كي يحبك أكثر 📌
#الجزء_64:
نهار جديد..
نبداو من عندها فاقت ووجدت راسها باش تمشي لعند غانم يراجع معاها علمت دارهم وجلست معاهم فالطبلة د الفطور لابسة صاية قصيرة كحلة وتريكو كحل مع ليبا موس كحلة ولي بوط ديال الجلد وشعرها نازل على كتافها
نور الدين: مد لها صاشي) هاكي دي معاك هادو لصابرين
خدات من عندو صاشي كانت فيها السقاطة
غيثة: يأ ومالها هي فالمنفى هاد شي بعيد عليها
نورالدين: غا ديه معاك تاكلو ولا تلوحو
دارتهم فشكارتها وخرجت هازاها على كتف ومعنقة روجيستر هبطت مع الزنقة قاصدة الفيرما
...........
واقفة قدام الماريو ببنوارها كتجبد حوايجها طاحت عينها على ليزار ديال البارح طواه ودارو فالماريو ساطت من نيوفها كتهدر بشوي
صابرين: متخلف
خرج من موراها من الدوش بشورط والصدر عريان دور يده على خصرها وباسها فعنقها فيه ريحة السينيال ديال النعناع
سلمان: قادا تمشي لافاك؟
صابرين: وي عادي
سلمان: وخا لبسي عليك
بقا واقف مقابلها جبدت كسوة طويلة فايتة الركبة فالذهبي عندها سميطة رقيقة كحلة دارت معاها ليبة باج وگاط فالكحل مع شال من لوي فيتون فالباج داخل فيه الأخضر والأحمر
شافها شنو جبدت عاد مشا تاهو لبس عليه بقا كيتسناها شحال وهي معطلة تقاد وتدهن هبط وخلاها تاتلحق عليه
كتشوف بنص عين فالباب غ سدو ورماتهم كتأفف
صابرين: افف دار ليا اعتكاف هنا فالبيت(شافت فالحوايج ) اش هاد شي جبدت غ نمشي مغلفة هاكا فحال البيمو
ساطت وناضت لبستهم اكتفت بايكرون ديال الشمس ومرطب الشفايف ماباغا تدير حتى شي حاجة لي ترجع عليها بالندامة
التحت..
هبط لقاها جالسة مقابلة التلفاز الفطور حداها مامقرباش ليه شافته نزل وزيرت على فمها .. جلس حداها كيشوف فيها بابتسامة ميهونش عليه غضبها وهي عندو بالدنيا ومافيها زلة لسان وندم من بعدها .. هز يدها باسها
سلمان: الوالدة
للايطو: كاااانت ميمتك اما دابا وليت غ زايدة
شاد يدها بين يديه كيلعب فالنبالة لي دايرة
سلمان: الوالدة راك عارفاني معنديش مع الصداع وكتشوفيني كل مرة كتقول شي كلمة مكندوزهاش ليها شنو حنا غ نبقاو كل نهار مضاربين مغنساليوش
أنت تقرأ
عِــشْــق بَــدَوِي لـنْ تَــفـهــمِــيـه! " بالدارجة المغربية "
Chick-Lit✨حصريا وفقط على صل نامبر وان✨ عِـــــــشْـــــــق بَــــــــــدَوِي لـــــنْ تَــــفْـــهــــمِـــــيـــه! 🌾 فــكــرة وإشـــراف: الــزعـــيــمـــة نــــدى عــلامــــي بـــقـــلـــــم: Sola Ait Reddad سَحابةُ الصُّمودِ حَجبتْ عَنها رُؤْية ال...
