عـــشــق بــدوي لــن تـفـهـمـيـه! 🌾
فكرة وإشراف: Nada Alami
بقلم: Sola Ait Reddad
كنت أطعمها قمح فؤادي براحتي.. عجبا كيف بات يرضيها فتات الطريق 🥀
#الجزء_107:
دخل لفيرما لقاهم كلهم مجموعين تماك .. جبران ووالديه غانم ووالديه ومليكة .. سلم عليهم وجلس حداهم كيسولو عليها ويتحسرو على وضعها
صفية: ام جبران) ماشي ديالتها مسكينة .. السخانة صعيبة
للايطو: راهي مكتلبسش كدور عريانة يلا خارجا من الحمام تا لقاتها
رقية: ام غانم) الله يشافيها .. تبع مع الطبيب غ مترخيش فراسها دابا تصح ان شاء الله
سكتو كلهم كيشوفو ويشربو اتاي مالاقين مايقولو .. وقف سلمان خرج لبرا وتبعو جبران من موراه .. جلس قدام الباب فوق كرسي وهو واقف عليه كيشوف فيه
جبران: دابا شنو غ دير؟
سلمان: سكت شحال وهو مهبط راسو عاد هدر) اش عندي مندير كاين شي ديار فهاد الحالا
جبران: هي راك شفتي حالتها كيف دايرا تجمعت عليها من گاع الجوايه .. وزيدون راك عارفها من الاول مكانتش باغاك وقلتها ليك ماشي دابا حتى تزوجتيها ودوزتو هادشي كلو عاد فلخر سرات معاك حقا مامفاهمينش
سلمان: غ داوي مافاهم والو
جبران: اش غ نفهم؟ ياك من نهار طلقتي وانا كنقول لك نفس الهدرة باش تزوجها بزز راه ماخدمة ماتاحاجا نضتي درتي شرع يديك هانتوما نوضتوها سباط اش عرفتي غ تجي وتسكت لك
جبران: خليها بعدا تا دوز هاد الوقيتة وتصح وجلسو ديك ساع وهدرو ديرو شي حل مناسب .. وسايس معاها تانتا شوي راه عارفك ملي كتقصح مكيبقا يقد عليك حد
تنهد سلمان كيشوف قدامو وواسو كيدي ويجيب فالاحداث الأخيرة لي تراكمت وحدة من مور وحدة مابقا عارف لمن يعطي الراس ..خرجو عندهم والدين جبران وغانم ومعاهم تا للايطو وشيرو ليه بيدهم
صفية: غ نمشيو نشوفو صابرين
وقف لعندهم شير جهة طوموبيل وقال
سلمان: انا نوصلكم
صفية:بلاش غ نمشيو غ علا رجلينا .. ولا صافي نيت للايطو متقدش تزيد
ركبو معاه وتبعهم جبران وغانم من لور كلشي مشاو لدار صابرين .. حل لهم نورالدين كيرحب بيهم جلسو وجات رباب وخواتاتها جوج لي عيطت لهم يجيو يعاونوها فضياف لي ولاو دايرين مجموعات يدخل فوج ويخرج فوج
رباب: كتبكي) ماعرفتش انا متقبلتهاش موالفة صابرين تمرض ولكن باش متبقاش تهدر راه عمري تخيلتها ماشي ديالتها باقا صغيرة وقرايتها كي غدير
أنت تقرأ
عِــشْــق بَــدَوِي لـنْ تَــفـهــمِــيـه! " بالدارجة المغربية "
ChickLit✨حصريا وفقط على صل نامبر وان✨ عِـــــــشْـــــــق بَــــــــــدَوِي لـــــنْ تَــــفْـــهــــمِـــــيـــه! 🌾 فــكــرة وإشـــراف: الــزعـــيــمـــة نــــدى عــلامــــي بـــقـــلـــــم: Sola Ait Reddad سَحابةُ الصُّمودِ حَجبتْ عَنها رُؤْية ال...
